ఇషాన్, అయ్యర్​పై వేటు.. హార్దిక్​ను బీసీసీఐ వదిలేయడానికి కారణమిదే..!

భారత క్రికెట్ బోర్డు ఆదేశాలను ధిక్కరిస్తే ఎలా ఉంటుందో మరోమారు అందరు ప్లేయర్లకు తెలిసొచ్చింది. బోర్డు మాట వినకపోతే ఇంక కెరీర్ ఖతం అని అంతా భయపడుతున్నారు. యంగ్ బ్యాటర్స్ ఇషాన్ కిషన్, శ్రేయస్ అయ్యర్​పై వేటు వేయడం ద్వారా తాము ఇవ్వాలనుకున్న మెసేజ్​ను స్ట్రాంగ్​గా అందరికీ పంపించింది బోర్డు. చెప్పిన మాటల్ని బేఖాతరు చేస్తే ఎంతటి ఆటగాడికైనా వేటు తప్పదని వార్నింగ్ ఇచ్చింది. జట్టు కోసం ఏం చెప్పినా వినాలని.. టీమ్ మేనేజ్​మెంట్, బోర్డు ఆదేశాలను పక్కాగా పాటించాలని స్పష్టం చేసింది. అయితే అయ్యర్, ఇషాన్ మీద వేటు వేసిన బీసీసీఐ.. స్టార్ ఆల్​రౌండర్ హార్దిక్ పాండ్యాను మాత్రం వదిలేసింది. అసలు హార్దిక్ ఎలా తప్పించుకున్నాడో తెలియక అందరూ తలలు పట్టుకుంటున్నారు. కానీ ఆ ఒక్క కారణమే అతడ్ని ప్రమాదం నుంచి తప్పించిందని తెలుస్తోంది. అదేంటో ఇప్పుడు తెలుసుకుందాం..

బీసీసీఐతో ముందే సంప్రదింపులు జరిపాడట హార్దిక్ పాండ్యా. టీమిండియాకు ఆడని టైమ్​లో, నేషనల్ డ్యూటీలో లేనప్పుడు తప్పకుండా డొమెస్టిక్ క్రికెట్ ఆడతానని బోర్డుకు హామీ ఇచ్చాడట. దేశవాళీల్లో తప్పుండా వైట్​బాల్ టోర్నీల్లో పాల్గొంటానని అష్యూరెన్స్ ఇచ్చాడట. ఫిట్​నెస్ ఇష్యూస్ వల్ల రెడ్ బాల్ టోర్నీల్లో ఆడలేకపోయినా డొమెస్టిక్ లెవల్లో జరిగే వన్డేలు, టీ20 టోర్నీల్లో మాత్రం బరిలోకి దిగుతానని బోర్డుకు పాండ్యా నచ్చజెప్పాడని క్రికెట్ వర్గాల సమాచారం. అప్పటికే పలు సిరీస్​ల్లో భారత టీ20 జట్టుకు హార్దిక్ సారథిగా వ్యవహరించడం, ఫ్యూచర్ కెప్టెన్ రేసులో  అతడు ఉన్నాడనే పుకార్లు కూడా ప్రచారంలో ఉన్నాయి. అతడి లాంటి బ్యాటింగ్, పేస్ బౌలింగ్ ఎబిలిటీస్ ఉన్న ప్లేయర్లు టీమ్​లో ఎవరూ లేరు. దీంతో పాండ్యాను తీసేసేందుకు బోర్డు వెనుకాడిందని టాక్.

హార్దిక్​కు ఒక్కసారి ఛాన్స్ ఇచ్చి చూద్దామని బోర్డు భావించిందట. త్వరలో టీ20 వరల్డ్ కప్ కూడా ఉండటంతో అతడ్ని వదిలేసిందని వినికిడి. కాగా, రంజీల్లో ఆడాల్సిందేనని ఇషాన్ కిషన్​తో పాటు శ్రేయస్ అయ్యర్​కు బీసీసీఐ ముందే హెచ్చరికలు పంపింది. బోర్డు సెక్రటరీ జై షా ఓ సందర్భంలో మాట్లాడుతూ.. ఇషాన్​తో పాటు అందరూ తమకు సమానమేనని, డొమెస్టిక్ క్రికెట్ ఆడాల్సిందేనని వార్నింగ్ ఇచ్చాడు. అయితే అతడు దాన్ని బేఖాతరు చేశాడు. అటు గాయం సాకు చూపించి అయ్యర్​ ఎన్​సీఏకు వెళ్లిపోయాడు. దీంతో వాళ్లిద్దరిపై బోర్డు వేటు వేసింది.

వన్డే వరల్డ్ కప్​-2023లో 500కు పైగా రన్స్, సెమీస్​లో న్యూజిలాండ్​పై ఓ సెంచరీ బాదిన అయ్యర్​ను బోర్డు కనికరించలేదు. కానీ 6 నెలలుగా టీమ్​కు దూరంగా ఉంటున్నా ఒక్క టెస్ట్ మ్యాచ్, డొమెస్టిక్ క్రికెట్ ఆడని పాండ్యాకు మాత్రం ఏ గ్రేడ్ కాంట్రాక్ట్ ఇచ్చింది. దీంతో అసలు పాండ్యా ఎలా బతికిపోయాడని అంతా ఆలోచిస్తున్నారు. అయితే బోర్డుతో ముందే మాట్లాడుకోవడం, డొమెస్టిక్ లెవల్లో ఆడతానని మాటివ్వడం వల్లే అతడ్ని వదిలేసిందని టాక్. మరి.. హార్దిక్ పాండ్యాను వదిలేసి ఇషాన్, అయ్యర్​పై వేటు వేయడం మీద మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: రోహిత్ శర్మ ఆ ఆటగాడిపై పగ పట్టాడా? కెరీర్ లేకుండా తొక్కేశాడు!

Hardik Pandya has given the assurance to BCCI that he will be playing in the white ball domestic matches if there are no International commitments. [Express Sports] pic.twitter.com/syg60sclRf

— Johns. (@CricCrazyJohns) February 29, 2024