OTTలోకి సడెన్ గా తెలుగు క్రైమ్ కామెడీ మూవీ ‘నటరత్నాలు’! స్ట్రీమింగ్ ఎక్కడంటే..

నేటికాలంలో చాలా మంది ఓటీటీలో సినిమాలు చూసేందుకు ఆసక్తి చూపిస్తున్నారు. థియేటర్లలకి వెళ్లి చూస్తున్నప్పటికీ ఓటీటీలో సైతం వీక్షించేందుకు ఎంతో ఆసక్తి చూపిస్తున్నారు. ఈ క్రమంలోనే వారం వారం ఓటీటీలో విడుదలయ్యే సినిమాకు సంబంధించిన సమాచారం కోసం ఎదురు చూస్తుంటారు. ఇదే సమయంలో ఓటీటీలో వారం వారం అనేక  జోనర్ల సినిమాలు  రిలీజ్ అవుతాయి. తాజాగా ఓ టాలీవుడ్ క్రైమ్ కామెడీ థ్రిల్లర్ మూవీ  సడెన్ గా ఓటీటీలోకి వచ్చేసింది.  మరి.. ఆ మూవీ ఏమిటి, ఆ వివరాలు ఇప్పుడు చూద్దాం..

నటరత్నాలు  అనే టాలీవుడ్ మూవీ మే 17న థియేటర్లలో రిలీజై2ది. బాక్సాఫీస్ వద్ద యావరేజ్ టాక్  సొంతం చేసుకుంది. క్రైమ్ కామెడీ జోనర్ లో ఈ సినిమా తెరకెక్కింది. దాదాపు మూడున్నర నెలల తరువాత ఈ సినిమా ఓటీటీలోకి వచ్చింది. అది కూడా సడెన్ స్ట్రీమింగ్ అవుతూ సినీ ప్రియులను ఆశ్చర్యానికి గురి చేసింది. మంగళవారం అనగా సెప్టెంబర్  13వ తేదీన ఓటీటీలో స్ట్రీమింగ్ అవుతోంది. ఈ సినిమా ఇప్పుడు అమెజాన్ ప్రైమ్ వీడియోలో మంగళవారం రిలీజైంది. అయితే ఈ మూవీ రెంటెడ్ బేస్ లో మాత్రం చూడగలరు. ఈ మూవీని చూడాలంటే రూ.99 రెంట్ చెల్లించాల్సి ఉంటుంది. ఇప్పటికీ సబ్‌స్క్రైబర్లందరికీ అందుబాటులోకి రాకుండా కేవలం రెంట్ చెల్లించిన వాళ్లకే రావడం గమనార్హం.

ఇక నటరత్నాలు సినిమా గురించి చూసినట్లు అయితే.. ఈ సినిమాను నర్ర శివనాగు డైరెక్ట్ చేశారు. ఇందులో బిగ్ బాస్ ఫేమ్ ఇనయా సుల్తానా, సుదర్శన్ రెడ్డి, రంగస్థలం మహేష్ ,తాగుబోతు రమేశ్, అర్చన లాంటి వాళ్లు కీలక పాత్రలో నటించారు. అనేక సినిమాలను తెరకెక్కించిన శివనాగు..ఈ సారి ఓ క్రైమ్ కామెడీ జోనర్ మూవీతో ప్రేక్షకులమ దుకు వచ్చాడు.  కథ విషయంలోకి వెళ్తే.. సినీ ఇండస్ట్రీలో ఏదో సాధించాలని ఆశలతో వెళ్లిన యువతి.. అక్కడికి వెళ్లిన తరువాత ఎలాంటి పరిస్థితులను ఎదుర్కొంటున్నారన్నదే ఈ మూవీ కథ.

హీరో, డైరెక్టర్, కెమెరా మ్యాన్ అవ్వాలని ముగ్గురు యువకులు పడిన తపన చుట్టూ ఈ నటరత్నాలు స్టోరీ తిరుగుతుంది. ఈ ముగ్గురు యువకులకు సినిమా ఛాన్స్ దొరికిన సమయానికి అనుకోకుండా ఓ మర్డర్ కేసులో ఇరుక్కుంటారు. అసలు వీళ్లు ఆ హత్యలో ఎలా ఇరుక్కుంటారు, వారికి ఆ హత్యకు ఏంటి సంబంధం?,  ఈ ముగ్గురు యువకులు హత్య కేసు నుంచి బయటపడతారా?, వీళ్ల సినిమా ఆశలు నిరవేరుతాయా? అనేది తెలియాలంటే.. నటరత్నాలు చూడాల్సిందే. ప్రస్తుతం రెంటెడ్ విధానంలో ప్రైమ్ వీడియోలోకి వచ్చిన ఈ సినిమా.. ఫ్రీగా ఎప్పుడు వస్తుందన్నది ఇంకా వెల్లడించలేదు.