సినిమా పరిశ్రమ తీరే అంత. ఒక్క రోజులో జాతకాలు మారిపోతాయి. ఒక్క సినిమాతో జీవితాలు తలకిందులవుతాయి. కానీ ఏదీ ముందు ఊహించినట్టు జరగదు. దానికి ఉదాహరణగా హీరోయిన్ పూజా హెగ్డేనే తీసుకోవచ్చు. తను పరిశ్రమకు వచ్చి ఎనిమిదేళ్లు అయ్యింది. మొదటి సినిమా జీవా నటించిన ముగమూడి. తెలుగులో మాస్క్ పేరుతో డబ్ చేస్తే రెండు చోట్లా డిజాస్టర్. చాలా మందికి ఇది వచ్చిన సంగతి కూడా తెలియదు. తర్వాత నాగ చైతన్యతో ఒక లైలా కోసం చేస్తే దాని ఫలితం కూడా అంతంత మాత్రమే.
