రోహిత్ ఇలా ఔట్ అవ్వడం ఎప్పుడూ చూసుండరు.. అతడి బలం మీదే కొట్టారు!

రోహిత్ శర్మ.. ఈ పేరు వింటే చాలు వెంటనే కొన్ని షాట్స్ గుర్తుకొస్తాయి. అందులో ముఖ్యంగా పుల్ షాట్ గురించి చెప్పుకోవాలి. ఈ షాట్ బాగా ఆడేవారిలో రికీ పాంటింగ్, కెవిన్ పీటర్సన్ లాంటి మరికొన్ని పేర్లు కూడా వినిపిస్తాయి. కానీ రోహిత్ శర్మ ఆడినంత బాగా పుల్​ షాట్​ను ఎవరూ బాదలేరనే చెప్పాలి. అంతగా ఈ షాట్​ను ఓన్ చేసుకున్నాడు హిట్​మ్యాన్. రోహిత్ క్రీజులో ఉన్నప్పుడు మిడిల్ స్టంప్ లేదా లెగ్ స్టంప్ మీద బాల్ పడితే చాలు.. అది బౌండరీ లైన్​ను దాటాల్సిందే. రోహిత్​కు బౌన్సర్ వేస్తే బంతి సిక్సర్ అని ఫిక్స్ అయిపోవాలి.

సాధారణంగా పుల్ షాట్​ను కొట్టాలంటే బ్యాక్ ఫుట్ మీద ఉండే ఆడాలి. కానీ రోహిత్ శర్మ మాత్రం ఫ్రంట్ ఫుట్​పై ఉండి కూడా పుల్ షాట్ కొట్టగలడు. అయితే ఇది రోహిత్ న్యాచురల్ గేమ్​లో భాగం కాదు. కెరీర్ మొదట్లో రోహిత్ ఈ షాట్ ఆడేవాడు కాదు. కానీ ఆ తర్వాత ఈ షాట్​ను బాగా ప్రాక్టీస్ చేసి తన ఆయుధంగా మలచుకున్నాడు. వరల్డ్ బెస్ట్ పేసర్స్ బౌలింగ్​లోనూ కళ్లు మూసి తెరిచేలోపు పుల్​ షాట్​తో బాల్​ను గ్యాలరీలోకి పంపడం రోహిత్​కు అలవాటుగా మారింది. అంతలా ఈ షాట్​పై అతడు పట్టు సాధించాడు. మిగిలిన చాలా షాట్లు ఆడగలిగినా ఇది అతడి మెయిన్ స్ట్రెంగ్త్​గా చెప్పుకోవాలి.

రోహిత్ బలమైన పుల్ షాట్​ ఇవాళ కాస్త బలహీనంగా మారింది. వన్డే వరల్డ్ కప్​లో భాగంగా బంగ్లాదేశ్​తో జరుగుతున్న వన్డేలో హిట్​మ్యాన్ బౌన్సర్లను ఎదుర్కోవడంలో కొంచెం ఇబ్బందిపడ్డాడు. మంచి పేస్​తో రైట్ షోల్డర్​ను టార్గెట్ చేసుకొని పేసర్ హసన్ మహమూద్ వేసిన బంతుల్ని ఎదుర్కోవడం రోహిత్ వల్ల కాలేదు. అయితే తర్వాత హసన్ బౌలింగ్​లో ఒకట్రెండు పుల్ షాట్స్​తో సిక్సులు కొట్టాడు హిట్​మ్యాన్. కానీ మళ్లీ అతడి బౌలింగ్​లోనే షార్ట్ బాల్​ను బౌండరీకి తరలించే ప్రయత్నంలో క్యాచ్ ఇచ్చి ఔటయ్యాడు. ఒకరకంగా రోహిత్​ను వరుస బౌన్సర్లతో బంగ్లా బౌలర్లు భయపెట్టారు. మరి.. రోహిత్ బలమైన పుల్ షాట్​ ఈ మ్యాచ్​లో బలహీనంగా మారడంపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: IND vs BAN: కోపంతో ఊగిపోయిన రోహిత్‌ శర్మ! ఎందుకంటే..?

This is rare, very very rare. pic.twitter.com/I4PkwY81Hm

— CricTracker (@Cricketracker) October 19, 2023