వన్డే వరల్డ్ కప్-2023లో టీమిండియా జోరు మామూలుగా లేదు. ఎదురొచ్చిన ప్రతి ప్రత్యర్థిని చితక్కొడుతూ పోతోంది రోహిత్ సేన. బ్యాటింగ్లో కెప్టెన్ రోహిత్ శర్మ ముందుండి నడిపిస్తున్నాడు. అతడికి తోడుగా విరాట్ కోహ్లీ, కేఎల్ రాహుల్, శ్రేయస్ అయ్యర్లు అదరగొడుతున్నారు. బౌలింగ్లో పేస్ త్రయం జస్ప్రీత్ బుమ్రా, మమ్మద్ సిరాజ్, హార్దిక్ పాండ్యా ప్రత్యర్థులను బెంబేలెత్తిస్తున్నారు. స్పిన్ ద్వయం రవీంద్ర జడేజా, కుల్దీప్ యాదవ్ అపోజిషన్ టీమ్స్కు ముచ్చెమటలు పట్టిస్తున్నారు. ఫీల్డింగ్లో కూడా మన ప్లేయర్లు పాదరసంలా కదులుతూ విలువైన రన్స్ సేవ్ చేస్తున్నారు. ఇదే ఫామ్ను, జోరును కొనసాగిస్తే భారత్ను ఆపడం ఎవరి తరం కాదనే చెప్పాలి.
ఆస్ట్రేలియా, ఆఫ్ఘానిస్థాన్, పాకిస్థాన్ను చిత్తు చేసిన టీమిండియా.. ఇప్పుడు బంగ్లాదేశ్తో మ్యాచ్కు రెడీ అవుతోంది. ఈ మ్యాచ్లోనూ భారత టాపార్డర్ చెలరేగితే మరో విక్టరీ అకౌంట్లో పడ్డట్లే. ఇదిలా ఉంటే.. ఒక విషయంలో స్టార్ బ్యాటర్ విరాట్ కోహ్లీని కెప్టెన్ రోహిత్ శర్మ వెనక్కి నెట్టడం చర్చనీయాంశంగా మారింది. ఐసీసీ తాజాగా రిలీజ్ చేసిన వన్డే ర్యాంకింగ్స్లో బ్యాటింగ్లో కోహ్లీని రోహిత్ అధిగమించాడు. ప్రపంచ కప్లో ఆడిన మూడు మ్యాచుల్లో ఒక సెంచరీ సహా ఓ హాఫ్ సెంచరీ చేసిన హిట్మ్యాన్ ర్యాంకింగ్స్లో దుమ్మరేపాడు. తనకంటే ముందు ఉన్న కోహ్లీ (711)ను రోహిత్ (719) వెనక్కి నెట్టాడు.
తాజా వన్డే ర్యాంకింగ్స్లో రోహిత్ శర్మ 6వ స్థానంలో ఉండగా.. కోహ్లీ 8వ పొజిషన్లో కంటిన్యూ అవుతున్నాడు. ఇక, ప్రపంచ కప్లో తొలి రెండు మ్యాచులు ఆడకపోయినా శుబ్మన్ గిల్ (818) రెండో స్థానంలో ఉండటం విశేషం. పాకిస్థాన్ కెప్టెన్ బాబర్ ఆజం (836) టాప్ పొజిషన్ను కాపాడుకున్నాడు. ఐసీసీ వన్డే బౌలర్ల ర్యాంకింగ్స్ విషయానికొస్తే.. భారత స్టార్ పేసర్ మహ్మద్ సిరాజ్ మూడో స్థానానికి పడిపోయాడు. స్పిన్నర్ కుల్దీప్ యాదవ్ 8వ పొజిషన్లో కంటిన్యూ అవుతున్నాడు. ఆస్ట్రేలియా పేసర్ జోష్ హేజల్వుడ్ (660) టాప్లో ఉన్నాడు. ఐసీసీ వన్డే టీమ్ ర్యాంకింగ్స్లో టీమిండియా నంబర్ వన్ పొజిషన్ను నిలబెట్టుకుంది. మరి.. ర్యాంకింగ్స్లో కోహ్లీని రోహిత్ అధిగమించడంపై మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: నెట్స్లో కోహ్లీ భారీ సిక్స్! ఫీల్డర్గా మారిన పోలీస్ అన్న!
Rohit Sharma’s ICC ODI batting rankings:
•10th October – 11th.
•18th October – 6th.– The Hitman is on The way…!!! pic.twitter.com/uJsCQQtPKU
— CricketMAN2 (@ImTanujSingh) October 18, 2023
