ఈసారి సంక్రాంతికి సిద్దమైన వెంకటేశ్-అనిల్ రావిపూడి! షూట్ స్టార్ట్!

టాలీవుడ్ లో కాంబినేషన్లకు ప్రత్యేక క్రేజ్ ఉంటుందని చెప్పక్కర్లేదు. ఆ కాంబో సెట్ అయితే చాలు.. సినిమా ఎప్పుడు వస్తుందా? అని వేయి కళ్లతో ఎదురుచూస్తూ ఉంటారు ప్రేక్షకులు. అలాంటి ఓ క్రేజీ కాంబినేషన్లలో ఒకటి వెంకటేశ్-అనిల్ రావిపూడి. వీరిద్దరి కలయికలో ఎఫ్2, ఎఫ్3 వచ్చి.. ఎంతటి ఘన విజయాన్ని సాధించాయో ప్రత్యేకించి చెప్పక్కర్లేదు. ఇక ముచ్చటగా మూడోసారి బాక్సాఫీస్ పై దండయాత్ర చేయాడానికి సిద్ధమైయ్యారు. శ్రీవెంకటేశ్వర బ్యానర్ లో దిల్ రాజు-శిరీష్ లు ఈ చిత్రాన్ని నిర్మిస్తున్నాడు. ఈ మూవీ తాజాగా షూటింగ్ స్టార్ట్ చేసుకుంది. ఇందుకు సంబంధించిన అప్డేట్ ను దిల్ రాజు పంచుకున్నారు.

స్టార్ డైరెక్టర్ అనిల్ రావిపూడి, విక్టరీ వెంకటేశ్ కాంబోలో ఓ చిత్రం తెరకెక్కబోతున్న విషయం తెలిసిందే. ఎఫ్2, ఎఫ్3 చిత్రాల తర్వాత వీరి కాంబోలో వస్తున్న మూవీ కావడంతో అందరూ ఎఫ్4గా భావించారు. కానీ ఇది కామెడీ సినిమా కాదని, పూర్తి యాక్షన్ మూవీ అని స్పష్టం చేశాడు డైరెక్టర్ అనిల్. ఇక ఈ మూవీలో వెంకటేశ్ కు జోడీగా ఐశ్వర్య రాజేష్, మీనాక్షి చౌదరిలు నటిస్తున్నారు. భార్య ఐశ్వర్య, మాజీ లవర్ గా మీనాక్షి నటిస్తున్నట్లు తెలుస్తోంది. ఈ మూవీ తాజాగా షూటింగ్ ను స్టార్ట్ చేసుకుంది. ఇందుకు సంబంధించిన వీడియోను ప్రొడ్యూసర్ దిల్ రాజు పంచుకున్నారు. మీనాక్షి చౌదరిపై కొన్ని సీన్స్ చిత్రీకరిస్తున్నారు.

కాగా.. శ్రీ వెంకటేశ్వర బ్యానర్లో వస్తున్న 58వ చిత్రాంగా తెరకెక్కుతున్న ఈ మూవీని సంక్రాంతి బరిలోకి దింపుతున్నట్లు మేకర్స్ ప్రకటించారు. దాంతో సంక్రాంతి రేసు రసవత్తరంగా మారింది. ఇందులో వెంకీ పోలీస్ పాత్రలో కనిపించబోతున్నట్లు సమాచారం. వెంకీ-అనిల్ కాంబోలో వస్తున్న మూడో చిత్రం కావడంతో ఈ మూవీపై భారీ అంచనాలు నెలకొన్నాయి. మరి ఈ కాంబో హ్యాట్రిక్ హిట్ కొట్టాలని పట్టుదలతో ఉన్నారు. శరవేగంగా షూటింగ్ పూర్తి చేసి.. 2025 సంక్రాంతి బరిలో నిలవాలని మేకర్స్ భావిస్తున్నారు. వెంకీతో ఈసారి అనిల్ రావిపూడి గట్టిగానే ప్లాన్ చేశాడని ఫ్యాన్స్ కామెంట్స్ చేస్తున్నారు.

• ఇదికూడా చదవండి: రాజ్‌తరుణ్‌ కేసులో రోజుకో కొత్త ట్విస్ట్‌.. ముగ్గురిపై కేసు నమోదు!