Nikhil Siddhartha: త్వరలో తండ్రి కాబోతున్న హీరో నిఖిల్.. భార్యకు ఘనంగా సీమంతం!

టాలీవుడ్ స్టార్ హీరో నిఖిల్ సూపర్ ఫామ్​లో ఉన్నారు. హిట్స్, ఫ్లాప్స్​తో సంబంధం లేకుండా వరుసగా మూవీస్​ను లైన్​లో పెడుతున్నారు. ‘కార్తికేయ 2’తో పాన్ ఇండియా హిట్ అందుకున్నారు. ఆ సినిమాతో సౌత్​తో పాటు నార్త్​లోనూ ఆయన ఇమేజ్​ అమాంతం పెరిగింది. ‘కార్తికేయ’ సీక్వెల్​ కంటే ముందు వచ్చిన ‘అర్జున్ సురవరం’ కూడా మంచి హిట్​గా నిలిచింది. అయితే ఆ తర్వాత వచ్చిన ‘18 పేజెస్’, ‘స్పై’ మూవీస్ మాత్రం ఊహించినంతగా ఆడలేదు. ముఖ్యంగా ‘స్పై’ బిగ్ ఎక్స్​పెక్టేషన్స్ మధ్య రిలీజై అభిమానులను తీవ్రంగా నిరాశపర్చింది. దీంతో తన తర్వాతి సినిమాతో మళ్లీ మెగా హిట్ కొట్టాలని చూస్తున్నారు. ‘స్వయంభూ’ పేరుతో తెరకెక్కుతున్న ఈ మూవీ ఓ టిపికల్ టాపిక్​తో రూపొందుతున్నట్లు తెలుస్తోంది. ఇదిలా ఉంటే.. నిఖిల్ అభిమానులకు గుడ్​న్యూస్. ఆయన త్వరలో తండ్రి కాబోతున్నారు. తాజాగా ఆయన భార్య పల్లవి వర్మకు ఘనంగా సీమంతం నిర్వహించారు.

కొంతమంది సన్నిహితులు, బంధువుల మధ్య పల్లవి వర్మ సీమంతం ఫంక్షన్ నిర్వహించారు. ఈ వేడుకకు సంబంధించిన ఫొటోలు సోషల్ మీడియాలో వైరల్ అవుతున్నాయి. స్వయంగా నిఖిల్ ఈ ఫంక్షన్​కు సంబంధించిన ఫొటోలను నెట్టింట పోస్ట్ చేశారు. త్వరలో తాను, భార్య పల్లవి తల్లిదండ్రులం కాబోతున్నామని.. అందరూ తమకు దీవెనలు అందించాలని నిఖిల్ కోరారు. ఈ వేడుకలో పల్లవి ఆరెంజ్ శారీలో మెరిశారు. నిఖిల్ సింపుల్​గా బ్లాక్ ప్యాంట్, వైట్ షర్ట్​తో కనిపించారు. ఇందులో ఆయన పొడవాటి జుట్టుతో ఉన్నారు. దీన్ని బట్టి నెక్స్ట్ సినిమాలో ఆయన లుక్ స్పెషల్​గా ఉండబోతుందని అర్థమవుతోంది. నిఖిల్ భార్య సీమంతం ఫొటోలు సోషల్ మీడియాలో వైర​ల్ అవుతున్నాయి.

నిఖిల్-పల్లవి దంపతులకు సోషల్ మీడియాలో అభిమానులు శుభాకాంక్షలు తెలియజేస్తున్నారు. పండంటి బిడ్డ పుట్టాలని దీవిస్తున్నారు. ఈ ఫొటోలను నిఖిల్ ఫ్యాన్స్ షేర్ చేస్తున్నారు. పండంటి బిడ్డ జీవితంలోకి రాబోతోంది కాబట్టి తమ హీరోకు ఈ ఏడాది తప్పక కలిసొస్తుందని కామెంట్స్ చేస్తున్నారు. ఇక, నిఖిల్-పల్లవి వర్మ జంట 2020, మే నెల 14వ తేదీన వివాహ బంధంతో ఒక్కటయ్యారు. కొన్నాళ్లు ప్రేమించుకున్న ఈ జంట పెద్దలను ఒప్పించి పెళ్లి చేసుకున్నారు. ఇప్పుడు పండంటి బిడ్డ తమ జీవితంలోకి రానుండటంతో ఈ స్టార్ కపుల్ ఫుల్ హ్యాపీగా ఉన్నారు. కెరీర్​లో ఫుల్ పీక్​లో ఉన్న నిఖిల్​కు ఇటు పర్సనల్ లైఫ్​లో కూడా బిడ్డ రానుండటంతో హ్యాపీనెస్ డబుల్ అయిందనే చెప్పాలి. మరి.. నిఖిల్ నెక్స్ట్ మూవీ కోసం మీరెంతగా ఎదురుచూస్తున్నారో కామెంట్ల రూపంలో తెలియజేయండి.