Nani: మహేశ్ బాబు రికార్డుకు ఎసరుపెట్టిన నాని! కొడితే టాప్ లోకే.

‘సరిపోదా శనివారం’ మూవీతో న్యాచురల్ స్టార్ నాని థియేటర్ల దగ్గర రచ్చ చేస్తున్నాడు. యంగ్ అండ్ టాలెంటెడ్ డైరెక్టర్ వివేక్ ఆత్రేయ డైరెక్షన్ లో వచ్చిన ఈ చిత్రం సూపర్ హిట్ టాక్ ను సొంతం చేసుకుంది. ఇక తొలిరోజే భారీ ఓపెనింగ్స్ ను రాబట్టి సత్తాచాటింది. వరల్డ్ వైడ్ గా రూ. 24 కోట్లకు పైగా వసూళ్లను రాబట్టాడు నాని. కాగా.. ఈ క్రమంలోనే సూపర్ స్టార్ మహేశ్ బాబు రికార్డుకు ఎసరు పెట్టేశాడు న్యాచురల్ స్టార్ నాని. త్వరలోనే మహేశ్ రికార్డును బద్దలుకొట్టబోతున్నాడు.

నాని మూవీస్ కు యూఎస్ఏ మార్కెట్ లో అద్భుతమైన కలెక్షన్లు ఉంటాయి. ఈ విషయం ఇప్పటికే రుజువైంది. తాజాగా రిలీజ్ అయిన సరిపోదా శనివారం మూవీ కూడా ఓవర్సీస్ లో దూసుకెళ్తోంది. నాని యాక్టింగ్ కు అక్కడి ప్రేక్షకులు ఫిదా అవుతున్నారు. దాంతో రికార్డు స్థాయిలో అక్కడ వసూళ్లు రాబడుతోంది ఈ మూవీ. ఓవర్సీస్ లో మరీ ముఖ్యంగా నార్త్ అమెరికాలో దుమ్మురేపుతోంది. అక్కడ 1 మిలియన్ డాలర్ల క్లబ్ లోకి చేరిపోయింది ఈ చిత్రం. దాంతో ఓ రికార్డును తన ఖాతాలో వేసుకున్నాడు న్యాచురల్ స్టార్. ఓవర్సిస్ లో 1 మిలియన్ డాలర్లు కలెక్ట్ చేసిన అత్యధిక సినిమాలు కలిగిన హీరోల్లో నాని సెకండ్ ప్లేస్ లో ఉన్నాడు. అతడి 10 సినిమాలు ఈ ఘనతను సాధించాయి.

ఇక ఈ లిస్ట్ లో సూపర్ స్టార్ మహేశ్ బాబు అగ్రస్థానంలో ఉన్నాడు. మహేశ్ నటించిన 12 చిత్రాలు అక్కడ 1 మిలియన్ డాలర్లను కలెక్ట్ చేశాయి. అయితే టైర్ 2 హీరోల్లో మాత్రం నాని టాప్ లో ఉన్నాడు. కాగా.. ప్రిన్స్ రికార్డును మరొకొద్ది రోజుల్లోనే నాని బద్దలు కొట్టే అవకాశాలు కనిపిస్తున్నాయి. ఎందుకంటే? ప్రస్తుతం మహేశ్-రాజమౌళి కాంబోలో ఓ చిత్రం రాబోతోంది. ఇది విడుదల అయ్యే సరికి కనీసం రెండు సంవత్సరాలు పడుతుంది. ఈ గ్యాప్ లో నాని నాలుగు సినిమాలు రిలీజ్ చేసుకోవచ్చు. దాంతో ఓవర్సీస్ లో రికార్డుల రారాజుగా నాని అగ్రస్థానంలోకి వస్తాడని ఫ్యాన్స్ సంతోష పడుతున్నారు. మరి మహేశ్ రికార్డుకే నాని ఎసరు పెట్టడంపై మీ అభిప్రాయాలను కామెంట్స్ రూపంలో తెలియజేయండి.

• ఇదికూడా చదవండి: Devara: రిలీజ్ కు నెల రోజుల ముందే US మార్కెట్ ను షేక్ చేస్తున్న ‘దేవర’! ఇది సర్ NTR రేంజ్..