SNP
స్టార్ హీరో జూనియర్ ఎన్టీఆర్ ఒక విషయం తెలిసి షాక్ అయ్యానని అన్నారు. అయితే వాళ్లు చూపించిన ధైర్యానికి ఆయన కృతజ్ఞతలు తెలిపారు. తారక్ ఎవరి గురించి చెప్పారో ఇప్పుడు తెలుసుకుందాం..
స్టార్ హీరో జూనియర్ ఎన్టీఆర్ ఒక విషయం తెలిసి షాక్ అయ్యానని అన్నారు. అయితే వాళ్లు చూపించిన ధైర్యానికి ఆయన కృతజ్ఞతలు తెలిపారు. తారక్ ఎవరి గురించి చెప్పారో ఇప్పుడు తెలుసుకుందాం..
SNP
యంగ్ టైగర్ జూనియర్ ఎన్టీఆర్ ఒక్కో సినిమాతో తన క్రేజ్, పాపులారిటీ మరింత పెంచుకుంటున్నారు. మెగా పవర్ స్టార్ రామ్ చరణ్తో కలసి ఆయన నటించిన ‘ఆర్ఆర్ఆర్’ ఎంత పెద్ద హిట్టయిందో స్పెషల్గా చెప్పనక్కర్లేదు. ఈ మూవీతో పాన్ ఇండియా ఇమేజ్ సొంతం చేసుకున్నారు తారక్. కొమురం భీమ్ పాత్రలో ఆయన యాక్టింగ్కు ఇండియాతో పాటు యూఎస్, యూకే, జపాన్ దేశాల్లోని మూవీ ఆడియెన్స్ కూడా ఫిదా అయ్యారు. అమెరికా సంగతి పక్కనపెడితే ఎన్టీఆర్కు జపాన్తో ఎప్పటి నుంచో మంచి అనుబంధం ఉంది. ఆయనకు ఆ దేశంలో హ్యూజ్ ఫ్యాన్బేస్ ఉంది. తారక్ డ్యాన్సులను, సినిమాలను వాళ్లు బాగా ఇష్టపడతారు. ‘ఆర్ఆర్ఆర్’ ప్రమోషన్స్ టైమ్లో జపాన్లో ఎన్టీఆర్ సందడి చేశారు. అక్కడి భాషలో మాట్లాడుతూ ఫ్యాన్స్ను అలరించారు. అయితే జపాన్లో భూకంపం వార్త విని ఆయన తీవ్ర దిగ్ర్భాంతికి గురయ్యారు.
గత వారం రోజులుగా తాను జపాన్లోనే ఉన్నానని ఎన్టీఆర్ తెలిపారు. ఈ విపత్తు వల్ల ప్రభావితమైన వాళ్లందరూ త్వరగా కోలుకోవాలని ఆశిస్తున్నానని ఎక్స్లో ట్వీట్ చేశారు. ప్రతి ఒక్కరూ క్షేమంగా ఉండాలని కోరుకుంటున్నట్లు ఆ ట్వీట్లో రాసుకొచ్చారు. జపాన్ ప్రజల ధైర్యానికి కృతజ్ఞతలు చెప్పారు ఎన్టీఆర్. ‘జపాన్ నుంచి ఇవాళే ఇంటికి తిరిగి వచ్చా. అక్కడ భూకంపం వచ్చిందని తెలిసి తీవ్ర దిగ్భ్రాంతికి గురయ్యా. వారం రోజులుగా నేను అక్కడే ఉన్నా. జపాన్లోని ప్రతి ఒక్కరి క్షేమాన్ని కోరుకుంటున్నా. ఈ కష్టసమయంలో అక్కడి ప్రజలు చూపిస్తున్న ధైర్యానికి కృతజ్ఞతలు. ఈ విపత్తు నుంచి వాళ్లు త్వరగా కోలుకోవాలని ఆశిస్తున్నా’ అని పోస్ట్ చేశారు తారక్. జపాన్ భూకంపం గురించి ఎన్టీఆర్ చేసిన ట్వీట్ ఇప్పుడు నెట్టింట వైరల్ అవుతోంది.
భూకంపం నుంచి జపాన్ ప్రజలు త్వరగా కోలుకోవాలని ఎన్టీఆర్ అభిమానులు కోరుకుంటున్నారు. కాగా, తారక్ ప్రస్తుతం స్టార్ డైరెక్టర్ కొరటాల శివ డైరెక్షన్లో రూపొందుతున్న ‘దేవర’ మూవీలో యాక్ట్ చేస్తున్నారు. శరవేగంగా షూటింగ్ జరుపుకుంటున్న ఈ చిత్రం నుంచి కొత్త ఏడాది సందర్భంగా ఒక ఫొటోను రిలీజ్ చేశారు మేకర్స్. ఇందులో పడవ మీద నిల్చొని కనిపించారు ఎన్టీఆర్. ఆయన గెటప్, లుక్, కళ్లలోని ఇంటెన్స్ ఆకట్టుకున్నాయి. సంక్రాంతి పండక్కి ‘దేవర’ గ్లింప్స్ను విడుదల చేయనున్నారు. పాన్ ఇండియా మూవీగా తెరకెక్కుతున్న ‘దేవర’లో ఎన్టీఆర్ సరసన జాన్వీ కపూర్ నటిస్తున్నారు. ఆమెకు ఇదే ఫస్ట్ టాలీవుడ్ ఫిల్మ్. విలన్ రోల్లో ప్రముఖ బాలీవుడ్ నటుడు సైఫ్ అలీ ఖాన్ యాక్ట్ చేస్తున్నారు.
Back home today from Japan and deeply shocked by the earthquakes hitting. Spent the entire last week there, and my heart goes out to everyone affected.
Grateful for the resilience of the people and hoping for a swift recovery. Stay strong, Japan 🇯🇵— Jr NTR (@tarak9999) January 1, 2024
