తమిళనాడులోని గౌండర్ పురం పాంతంలో అరుల్ మణి (27) అనే యువకుడు నివాసం ఉంటున్నాడు. ఇతడు రెండేళ్ల కిందట ఓ యువతి (21)ని ప్రేమించి పెళ్లి చేసుకున్నాడు. పెళ్లైన కొంత కాలం పాటు ఈ దంపతులు సంతోషంగానే ఉన్నారు. ప్రేమించిన వాడినే పెళ్లి చేసుకున్నానని ఆ యువతి కూడా ఎంతో మురిసిపోయింది. కొంత కాలానికి వీరికి ఓ కూతురు కూడా జన్మించింది. ఇక అంతా బాగానే ఉందనుకున్న తరుణంలోనే అరుల్ మణి దంపతుల మధ్య విభేదాలు భగ్గుమన్నాయి.
దీంతో అప్పటి నుంచి ఇద్దరు విడిపోయి వేరు వేరుగా కాపురాలు పెట్టారు. అయితే, ఈ క్రమంలోనే భర్త అరుల్ మణి భార్యపై కోపంతో దారుణానికి ఒడిగట్టాడు. భార్య, ఆమె తల్లి, చెల్లి ఫొటోలను మార్ఫింగ్ చేశాడు. ఆ తర్వాత అదే ఫోటోలను తన భార్యకు పంపి.. వీటిని సోషల్ మీడియాలో పోస్ట్ చేస్తానంటూ బ్లాక్ మెయిల్ కు దిగాడు. ఆ సమయంలో ఆమెకు ఏం చేయాలో అర్థం కాలేదు. ఇక చేసేదేం లేక ఆ యువతి స్థానిక పోలీసులను ఆశ్రయించింది. బాధితురాలి ఫిర్యాదు మేరకు కేసు నమోదు చేసుకున్న పోలీసులు ఇటీవల నిందితుడు అరుల్ మణిను అరెస్ట్ చేశారు. ఇదే ఘటన ఇప్పుడు స్థానికంగా తీవ్ర చర్చనీయాంశంగా మారింది.
