sai
ఒకప్పుడు హైదరాబాద్ లో ల్యాండ్ రేట్లు చాలా తక్కువగా ఉండేవి. ఇప్పుడు కొనాలన్నా కొనలేని పరిస్థితి. అయితే అప్పుడు మిస్ అయ్యామని బాధపడేవారికి ఇప్పుడు ఈ ఏరియా ద్వారా మరో అవకాశం వచ్చింది. గజం 12 వేల చొప్పున కొనుక్కుని ఉంచుకుంటే ఫ్యూచర్ లో లక్షల్లో లాభాలు పొందవచ్చు.
ఒకప్పుడు హైదరాబాద్ లో ల్యాండ్ రేట్లు చాలా తక్కువగా ఉండేవి. ఇప్పుడు కొనాలన్నా కొనలేని పరిస్థితి. అయితే అప్పుడు మిస్ అయ్యామని బాధపడేవారికి ఇప్పుడు ఈ ఏరియా ద్వారా మరో అవకాశం వచ్చింది. గజం 12 వేల చొప్పున కొనుక్కుని ఉంచుకుంటే ఫ్యూచర్ లో లక్షల్లో లాభాలు పొందవచ్చు.
sai
తక్కువ రేటుకి స్థలం దొరుకుతున్నప్పుడు ఆ ఎవరు కొంటారులే అని లైట్ తీసుకుంటారు. తీరా ఆ ఏరియాలో రియల్ ఎస్టేట్ బూమ్ అందుకున్నాక ధరలు పెరిగిపోయాక అరెరె అనవసరంగా వదులుకున్నామే అని నాలుక కరుచుకున్నా ఉపయోగం ఉండదు. ఇప్పటికే హైటెక్ సిటీ, మాదాపూర్ వంటి ఏరియాల్లో ఒకప్పుడు పెట్టుబడి పెట్టలేదని ఇప్పటికీ ఫీలయ్యే వాళ్ళు చాలా మంది ఉన్నారు. అలాంటి పరిస్థితి రాకుండా ఉండాలంటే తక్కువగా ఉన్నప్పుడే కొనుక్కుని పెట్టుకుంటే మంచిది. ఉండడానికైనా లేదా భారీ లాభాలకు అమ్ముకోవడానికైనా ఆ ల్యాండ్ అనేది ఉపయోగపడుతుంది. అసలు గజం 12 వేలకు సిటీలో దొరకడం అనేది అసాధ్యం. కానీ సామాన్యుడు కొనగలిగే తక్కువ బడ్జెట్ లో దొరుకుతుండడం విశేషం.
వైజాగ్ లోని అనకాపల్లి జిల్లాలో అచ్యుతాపురం అనే ఏరియా ఉంది.ఇది అనకాపల్లి నుంచి 15 కి.మీ. దూరంలో ఉంది. విశాఖపట్నం నుంచి 30 కి.మీ. దూరంలో ఉంది. హైదరాబాద్ కి పటాన్ చెరువు ఉన్నంత దూరంలో ఉంది ఈ అచ్యుతాపురం. ఇది పెరుగుతున్న ఇండస్ట్రియల్ కార్యకలాపాలకు, ఉపాధి కేంద్రాలకు ప్రసిద్ధి చెందింది. విశాఖపట్నం ఇప్పటికే పలు ఇండస్ట్రీలు, ఐటీ కంపెనీలకు మోస్ట్ ఫేవరెట్ లొకేషన్ గా ఉంది. ఈ కారణంగా సిటీ మొత్తం కొత్త వెంచర్స్ నిర్మించడానికి, అభివృద్ధి చేయడానికి అటు బయ్యర్స్ కైనా, ఇటు ఇన్వెస్టర్స్ కైనా మంచి స్కోప్ ఉంది. ఇలా మంచి స్కోప్ ఉన్న ఏరియాల్లో అచ్యుతాపురం కూడా ఉంది. ఇక్కడ 2 బీహెచ్కే ఫ్లాట్స్ నుంచి విల్లాల వరకూ అనేక కొత్త కొత్త నిర్మాణాలు జరుగుతున్నాయి.
ఎలా చూసినా గానీ రియల్ ఎస్టేట్ గ్రోత్ కి ఉండాల్సిన అర్హతలు అన్నీ అచ్యుతాపురం ఏరియాకి ఉన్నాయి. కాబట్టి ఇన్వెస్ట్ చేస్తే ఫ్యూచర్ లో భారీ లాభాలను ఆశించవచ్చునని అంటున్నారు. 2014లో మధురవాడలో గజం 15 వేలు ఉండేది. ఇప్పుడు 45, 50 వేలు పలుకుతుంది. మధురవాడలో పెరిగినట్టే అచ్యుతాపురంలో కూడా పెరిగే అవకాశాలు ఉన్నాయని నిపుణులు చెబుతున్నారు. ప్రస్తుతం అచ్యుతాపురంలో చదరపు అడుగు సగటున రూ. 1350గా ఉంది. అంటే గజం 12,150 రూపాయలు పలుకుతుంది. 150 గజాల స్థలం కొనాలంటే 18 లక్షల 22 వేలు అవుతుంది. ఇప్పుడు కొంటే గజం 30 వేలు అయినా గానీ 45 లక్షల ఆదాయం వస్తుంది. అంటే పెట్టుబడి కాకుండా 25 లక్షలు పైనే లాభం వస్తుంది. సామాన్య, మధ్యతరగతి వాళ్లకి ఇంతకంటే మంచి అవకాశం దొరకదు.
గమనిక: అంతర్జాలంలో దొరికిన సమాచారం ఆధారంగా ఇవ్వబడింది. ధరల్లో మార్పులు ఉండవచ్చు. గమనించగలరు.
