P Venkatesh
మీరు స్థలాలపై పెట్టుబడి పెట్టాలనుకుంటున్నారా? అయితే హైదరాబాద్ నుంచి పలు ప్రధాన నగరాలను కలుపుతున్న హైవేల్లో ప్రస్తుతం తక్కువ రేటుకే స్థలాలు అందుబాటులో ఉన్నాయి.
మీరు స్థలాలపై పెట్టుబడి పెట్టాలనుకుంటున్నారా? అయితే హైదరాబాద్ నుంచి పలు ప్రధాన నగరాలను కలుపుతున్న హైవేల్లో ప్రస్తుతం తక్కువ రేటుకే స్థలాలు అందుబాటులో ఉన్నాయి.
P Venkatesh
హైదరాబాద్ అన్నిరంగాల్లో అభివృద్ధిపథంలో దూసుకెళ్తోంది. ప్రపంచంలోని దిగ్గజ కంపెనీలు ఇక్కడ పెట్టుబడులు పెట్టేందుకు ఇంట్రెస్ట్ చూపిస్తున్నాయి. ఈ నేపథ్యంలో దేశం నలుమూలల నుంచి వందలాది మంది విద్యా, ఉద్యోగాల కోసం హైదరాబాద్ కు వస్తున్నారు. వారిలో కొంత మంది ఇక్కడే సెటిలవడానికి మొగ్గు చూపుతున్నారు. ఈ కారణంతో హైదరాబాద్ లో స్థలాలకు, అపార్ట్ మెంట్సకు ఫుల్ డిమాండ్ పెరిగిపోతోంది. ఇక హైదరాబాద్ శివార్లలో కూడా స్థలాల ధరలు పుంజుకుంటున్నాయి. అయితే హైదరాబాద్ నుంచి పలు ప్రధాన నగరాలను కలుపుతున్న హైవేల్లో ప్రస్తుతం తక్కువ రేటుకే స్థలాలు అందుబాటులో ఉన్నాయి. ఆ ఏరియాల్లో పెట్టుబడి పెడితే భారీ లాభాలు అందుకోవచ్చంటున్నారు మార్కెట్ నిపుణులు. ఏయే హైవేల్లో స్థలాల ధరలు ఎలా ఉన్నాయో ఇప్పుడు చూద్దాం.
హైదరాబాద్-బెంగళూరు హైవేలో స్క్వేర్ ఫీట్ స్థలం ధర రూ. 1800 పలుకుతోంది. మీరు ఈ ఏరియాలో పెట్టుబడి పెట్టాలనుకుంటే తక్కువ ధరకే మంచి స్థలాన్ని దక్కించుకోవచ్చు. స్క్వేర్ ఫీట్ ధర రూ. 1800 తో 900 స్వ్కేర్ ఫీట్ స్థలాన్ని కొనుగోలు చేస్తే.. రూ. 16,20,000 అవుతుంది. భవిష్యత్తులో ప్రస్తుతం ఉన్న ధర డబుల్ అయ్యిందనుకోండి.. అప్పుడు మీ స్థలం ధర రూ. 32 లక్షలకు చేరుకుంటుంది. అంటే తక్కువ కాలంలోనే రెట్టింపు లాభాలు పొందే వీలుంటుంది.
హైదరాబాద్-శ్రీశైలం హైవేలో స్క్వేర్ ఫీట్ స్థలం ధర రూ.1550 గా ఉంది. మీరు ఈ ఏరియాలో స్క్వేర్ ఫీట్ ధర రూ.1550 తో 1200 స్వ్కేర్ ఫీట్ స్థలాన్ని కొనుగోలు చేస్తే రూ. 18,60,000 అవుతుంది. రెండు, మూడేళ్లలో ధరలు ఖచ్చితంగా పెరిగే అవకాశాలు ఉంటాయి కాబట్టి అధిక రాబడి ఖాయమంటున్నారు నిపుణులు. కొంత కాలం తర్వాత స్క్వేర్ ఫీట్ ధర రూ. 2 వేలు పెరిగిందనుకుంటే.. అప్పుడు మీకు రూ. 24,00,000 వస్తుంది. దీంతో మీరు పెట్టిన పెట్టుబడిపై సులభంగా దాదాపు రూ. 6 లక్షల వరకు లాభం పొందే అవకాశం ఉంది.
హైదరాబాద్-వరంగల్ హైవేలో స్క్వేర్ ఫీట్ స్థలం ధర రూ.1400 గా ఉంది. ఈ ప్రాంతంలో పెట్టుబడి పెట్టినట్లైతే ఫ్యూచర్ లో పెద్ద మొత్తంలో లాభాలు అందుకోవచ్చు. ఈ ఏరియాలో స్క్వేర్ ఫీట్ ధర రూ. 1400తో 1350 స్వ్కేర్ ఫీట్ స్థలాన్ని కొనుగోలు చేస్తే.. రూ. 18,90,000 అవుతుంది. భవిష్యత్తులో పెరిగే ధరలతో భారీ లాభాలు సొంతం చేసుకోవచ్చు.
హైదరాబాద్-జహీరాబాద్ హైవేలో స్క్వేర్ ఫీట్ స్థలం ధర రూ. 1600 వద్ద అమ్ముడవుతోంది. ఈ హైవే ప్రాంతంలో పెట్టుబడి పెడితే మంచి లాభాలు సమకూరుతాయంటున్నారు రియల్ ఎస్టేట్ నిపుణులు. ఈ ఏరియాలో స్క్వేర్ ఫీట్ ధర రూ. 1600తో 1600 స్వ్కేర్ ఫీట్ స్థలాన్ని కొనుగోలు చేస్తే.. రూ.25,60,000 అవుతుంది. ధరలు పెరిగాయనుకోండి మీరు పెట్టిన పెట్టుబడి దాదాపు 50లక్షల వరకు చేరుకోవచ్చు. అప్పుడు మీకు కళ్లు చెదిరే లాభాలు సొంతం అవుతాయి.
హైదరాబాద్-విజయవాడ హైవేలో స్క్వేర్ ఫీట్ స్థలం ధర రూ. 1050 పలుకుతోంది. ఈ ఏరియాలో స్క్వేర్ ఫీట్ ధర రూ. 1050తో 2400 స్వ్కేర్ ఫీట్ స్థలాన్ని కొనుగోలు చేస్తే.. 25,20,000 అవుతుంది. ఈ ఏరియాలో కూడా ధరలు పెరిగే అవకాశం ఉంది కాబట్టి రెట్టింపు లాభాలు వస్తాయనడంలో ఎలాంటి సందేహం లేదు.
హైదరాబాద్-సాగర్ హైవేలో స్క్వేర్ ఫీట్ స్థలం ధర రూ. 1400గా ఉంది. స్థలాలపై పెట్టుబడి పెట్టేందుకు అనుకూలమైన ప్రాంతం. ఈ ఏరియాలో స్క్వేర్ ఫీట్ ధర రూ. 1400తో 1800 స్వ్కేర్ ఫీట్ స్థలాన్ని కొనుగోలు చేస్తే.. 25,20,000 అవుతుంది. ఈ హైవే ప్రాంతంలో కూడా మంచి ప్రాఫిట్స్ అందుకోవచ్చు.
అయితే పైన చెప్పుకున్న ఆ హైవే ప్రాంతాల్లో కాకుండా హైదరాబాద్ నడిబొడ్డున స్థలాలు కొనుగోలు చేయాలనుకుంటే మీరు మరింత పెట్టుబడి పెట్టాల్సి ఉంటుంది. కాబట్టి హైవే ప్రాంతాల్లో ధరలు తక్కువ ఉన్నాయి కాబట్టి ఈ ఏరియాల్లో ఇన్వెస్ట్ చేస్తే భారీ లాభాలు అందుకోవడం సులభమని నిపుణులు చెబుతున్నారు.
