Special Trains To Tirupati: తిరుమల శ్రీవారి భక్తులకు శుభవార్త చెప్పిన రైల్వే శాఖ!

దక్షిణ మధ్య రైల్వే ప్రయాణికులకు ఓ శుభవార్త చెప్పింది. ట్రైన్స్ ఎక్కువ రద్దీగా ఉంటున్న కారణంగా.. ప్రయాణికుల సౌకర్యార్థం కొన్ని ప్రత్యేక రైళ్లను డిసెంబర్ చివరి వారం వరకు పొడిగిస్తున్నట్లు రైల్వే అధికారులు తెలిపారు. తిరుపతి సహా పలు ప్రాంతాలకు ఈ స్పెషల్ ట్రైన్స్ నడవనున్నాయి. ఆ వివరాల్లోకి వెళ్తే..

ఇప్పటికే సౌత్ సెంట్రల్ రైల్వే వారు 10 ప్రత్యేక రైళ్లను నడుపుతున్నారు. ఇక ఇప్పుడు ఈ స్పెషల్ ట్రైన్స్ ను డిసెంబర్ ఆఖరి వారం వరకు పొడిగిస్తున్నారు. కాగా, ట్రైన్స్ వివరాలు ఇలా ఉన్నాయి..

• తిరుపతి-సికింద్రాబాద్‌ (07481) ట్రైన్.. డిసెంబర్ 3వ తేదీ నుంచి 31వ తేదీ వరకు ప్రతి ఆదివారం నడవనుంది.
• సికింద్రాబాద్‌-తిరుపతి (07482) ట్రైన్ డిసెంబరు 4వ తేదీ నుంచి 25వ తేదీ వరకు ప్రతి సోమవారం అందుబాటులో ఉండనుంది.
•  హైదరాబాద్‌-నర్సాపూర్‌ (07631) స్పెషల్ ట్రైన్ డిసెంబరు 2వ తేదీ నుంచి 30వ తేదీ వరకు ప్రతి శనివారం అందుబాటులో
  ఉండనుంది.
• నర్సాపూర్‌-హైదరాబాద్‌ (07632) ట్రైన్ డిసెంబరు 3వ తేదీ నుంచి 31వ తేదీ వరకు ప్రతి ఆదివారం నడవనుంది.
• కాకినాడ-లింగంపల్లి (07445) ట్రైన్ డిసెంబరు 1వ తేదీ నుంచి 29వ తేదీ వరకు ప్రతి సోమవారం , బుధవారం , శుక్రవారాల్లో
  నడపనున్నట్లు అధికారులు తెలిపారు.
•  లింగంపల్లి-కాకినాడ (07446) మధ్య నడిచే ట్రైన్ డిసెంబరు 2వ తేదీ నుంచి 30వ తేదీ వరకు ప్రతి మంగళవారం , గురువారం ,
  శనివారాల్లో అందుబాటులో ఉండనున్నాయి.

ఇక తిరుపతి-అకోలా, పూర్ణ-తిరుపతి మధ్య రెండు జతల ప్రత్యేక రైళ్లు నడుస్తాయని సెంట్రల్ రైల్వే అధికారులు ప్రకటించారు. ఏదేమైనా, ప్రజల ఇబ్బందులను దృష్టిలో ఉంచుకుని రైల్వే అధికారులు మంచి నిర్ణయం తీసుకున్నారని చెప్పి తీరాల్సిందే. ఇక ఈ వార్త రైల్వే ప్రయాణికుల పాలిట వరంగా మారింది.

కాగా, డిసెంబర్‌ నెలలో జరగనున్న విశేష ఉత్సవాల వివరాలను తాజాగా టీటీడీ ప్రకటించింది.

• డిసెంబ‌రు 10న శ్రీ గోవింద‌రాజ‌స్వామి తిరువ‌డి స‌న్నిధికి రానున్నారు.
• 11న శ్రీ క‌పిలేశ్వరాల‌యంలో సోమ‌వారాభిషేకం.
• 17న తిరుచానూరు శ్రీ ప‌ద్మావ‌తి అమ్మవారి ఆల‌యంతోపాటు ఇత‌ర ఆల‌యాల్లో ధ‌నుర్మాసం ప్రారంభం.
• 22 నుండి 26 వ‌ర‌కు శ్రీ క‌పిలేశ్వరాల‌యంలో తెప్పోత్సవాలు.
• 23న శ్రీ‌నివాస‌మంగాపురంలోని శ్రీ క‌ల్యాణ వేంక‌టేశ్వరాల‌యంలో వైకుంఠ ఏకాద‌శి.
• 27న శ్రీ క‌పిలేశ్వరాల‌యంలో ఆరుద్ర ద‌ర్శన మ‌హోత్సవాన్ని టీటీడీ నిర్వహించనుంది.
•  24న వైకుంఠ ద్వాద‌శి నాడు శ్రీ‌వారి చ‌క్రస్నానం. శ్రీ స్వామి పుష్కరిణితీర్థ ముక్కోటి జరగనుంది.

మరి, టీటీడీ భక్తుల ఇబ్బందులను దృష్టిలో పెట్టుకుని రైల్వే శాఖ ప్రత్యేక రైళ్లు తిప్పటంపై మీ అభిప్రాయాన్ని కామెంట్స్ రూపంలో తెలియజేయండి.