పురాతన ఆలయం మరమ్మత్తు చేస్తుండగా.. మిలమిలా మెరుస్తూ!

ప్రతి ఊరిలోను ఆలయాలు, చిన్న చిన్న గుడులు ఉండడం సహజం. అయితే, వాటిలో కొత్తగా నిర్మించిన ఆలయాలు ఉంటాయి.. అలానే కొన్ని తరాల క్రితం నిర్మించిన ఆలయాలు కూడా ఉంటూ ఉంటాయి. క్రమక్రమంగా ఆ పురాతన కట్టడాలు పాడవుతూ ఉంటాయి. కాబట్టి అలా పాడైపోయిన ఆలయాలకు .. మరమ్మతులు చేసి.. కొత్తగా రూపుదిద్దుతూ ఉంటారు చాలా మంది. అచ్చం ఇలానే తాజాగా ఒక ఊరిలో ఎప్పుడో కట్టించిన శివాలయం ఒకటి ఉంది. ఆ ఆలయంలో చాలా చోట్ల పాడుపడి ఉంది. దీనితో ఆలయ కమిటీ సభ్యులు ఆలయానికి మరమ్మతులు చేయించడానికి సిద్ధ పడ్డారు. ఈ క్రమంలో ఆలయంలో పనులు జరిపేటపుడు .. అక్కడ పనివారికి ఆ ప్రాంగణంలో ధగ ధగ మెరుస్తూ కొన్ని అద్భుత దృశ్యాలు కనిపించాయి. దీనితో అందరు ఒక్కసారిగా ఆశ్చర్యపోయారు. పూర్తి వివరాలు ఇలా ఉన్నాయి.

ఈ ఆశ్చర్యకర సంఘటన నెల్లూరు జిల్లాలోని గుడ్లూరులో జరిగింది. ఆ ఊరిలో పురాతన శివాలయం ఒకటి ఉంది. ఆ ఆలయం రూపు మార్చాలని.. మరమ్మతులు చేపట్టారు కమిటీ సభ్యులు. ఈ క్రమంలో సోమవారం రోజున ఆలయ మరమ్మతుల పనులు చేపట్టారు. ముందుగా పార్వతి దేవి, వినాయకస్వామి ధ్వజ స్తంభాలను తొలగించారు. అయితే, ఆ ద్వజస్థంభాలను తొలగించే సమయంలో .. అక్కడ కూలీలకు ఆ ప్రాంగణంలో ధగ ధగ మెరుస్తూ కొన్ని వస్తువులు కనిపించాయి. దీనితో అందరూ ఒక్కసారిగా ఆశ్చర్య పోయారు. అవి ఏంటా అని పరిశీలించగా .. వాటిని పురాతన నాణేలుగా గుర్తించారు. ఒకటి కాదు రెండు కాదు వందల్లో ఈ నాణేలు లభించాయి. అవి ధ్వజస్థంభం కింద 405 నాణేలు, వినాయక ప్రతిమ కింద 105 నాణేలు లభించాయి.

ఇక ఈ విషయం ఆ నోటా ఈ నోటా తెలిసి.. క్షణాల్లో ఈ వార్త ఊరంతా తెలిసిపోయి .. వైరల్ గా మారింది. అయితే ధ్వజస్తంభం కింద లభించిన నాణేలు 1800-1850 మధ్య కాలం నాటివని గుర్తించారు. ఇక వినాయకుని ప్రతిమ కింద లభించిన నాణేలపై ఎటువంటి ముద్రలు లేవని తెలుస్తోంది. అయితే, ప్రస్తుతం ఆ నాణేలను భద్రపరిచారు ఆలయ కమిటీ సభ్యులు. అప్పట్లో ఆలయాన్ని నిర్మించే క్రమంలో ఈ నాణేలను .. పాతిపెట్టి ఉంటారని భావిస్తున్నారు స్థానికులు. అయితే పునరుద్ధరణ సమయంలో ఇటువంటివి బయటపడడం ఇదే మొదటిసారి అని అంటున్నారు. ఇక లభించిన ఈ నాణేలను మళ్లీ ప్రతిష్ట సమయంలో వినియోగిస్తామని తెలియజేశారు ఆలయ కమిటీ సభ్యులు. మరి, ఈ విషయంలో మీ అభిప్రాయాలను కామెంట్స్ రూపంలో తెలియజేయండి.