Nidhan
టీ20 వరల్డ్ కప్ మధ్యలోనే ఇంటిదారి పట్టాడు టీమిండియా ఓపెనర్ శుబ్మన్ గిల్. గ్రూప్ స్టేజ్ మ్యాచ్లు ముగిసిన వెంటనే స్వదేశానికి పయనమయ్యాడీ కుర్ర క్రికెటర్.
టీ20 వరల్డ్ కప్ మధ్యలోనే ఇంటిదారి పట్టాడు టీమిండియా ఓపెనర్ శుబ్మన్ గిల్. గ్రూప్ స్టేజ్ మ్యాచ్లు ముగిసిన వెంటనే స్వదేశానికి పయనమయ్యాడీ కుర్ర క్రికెటర్.
Nidhan
పొట్టి కప్పులో టీమిండియా దూసుకెళ్తోంది. ఇప్పటిదాకా ఆడిన మూడు మ్యాచుల్లోనూ నెగ్గిన రోహిత్ సేన.. సూపర్-8 బెర్త్ను కన్ఫర్మ్ చేసుకుంది. నిన్న కెనడాతో జరగాల్సిన మ్యాచ్ వాన వల్ల రద్దయింది. అయితే ఈ మ్యాచ్ ఫలితంతో సంబంధం లేకుండా నెక్స్ట్ స్టేజ్కు క్వాలిఫై అయింది భారత్. ఆఫ్ఘానిస్థాన్, ఆస్ట్రేలియాతో పాటు బంగ్లాదేశ్ లేదా నెదర్లాండ్స్లో ఒక టీమ్తో సూపర్-8లో తలపడనుంది మెన్ ఇన్ బ్లూ. ఇందులో కనీసం రెండు మ్యాచుల్లో నెగ్గి, మెరుగైన నెట్ రన్రేట్ను కలిగి ఉంటే నాకౌట్ స్టేజ్కు అర్హత సాధిస్తుంది. ఇప్పటివరకు అమెరికా పిచ్లపై ఆడిన భారత్.. ఇక మీదట కరీబీయన్ దీవుల్లో తాడోపేడో తేల్చుకోనుంది. సూపర్-8 కోసం జట్టులోని ఆటగాళ్లంతా ఎంతో ఆసక్తిగా ఎదురు చూస్తున్నారు. అయితే ఇన్నాళ్లూ టీమ్తో ట్రావెల్ అవుతూ వస్తున్న యంగ్ ఓపెనర్ శుబ్మన్ గిల్ మాత్రం స్వదేశానికి వెళ్లిపోనున్నాడు.
గిల్తో పాటు యంగ్ పేసర్ ఆవేశ్ ఖాన్ను తిరిగి భారత్కు వెళ్లిపోవాల్సిందిగా టీమ్ మేనేజ్మెంట్ ఆదేశించింది. కెనడాతో మ్యాచ్ ముగిసిన వెంటనే వీళ్లు స్వదేశానికి పయనమైనట్లు తెలుస్తోంది. అయితే పోతూ పోతూ గిల్ చేసిన ఓ పని ఇప్పుడు వైరల్గా మారింది. భారత కెప్టెన్ రోహిత్ శర్మను ఇన్స్టాగ్రామ్లో గిల్ అన్ఫాలో చేశాడు. దీంతో అసలు గిల్కు ఏమైంది? అతడు హిట్మ్యాన్తో ఎందుకు పెట్టుకుంటున్నాడు? అనే ప్రశ్నలు వస్తున్నాయి. దీనికి పలు కారణాలు కనిపిస్తున్నాయి. టీ20 వరల్డ్ కప్ మెయిన్ టీమ్లోకి ఈ యంగ్ ఓపెనర్ను సెలెక్ట్ చేయలేదు. ట్రావెల్ రిజర్వ్డ్లో ఒకడిగా అతడ్ని యూఎస్కు తీసుకెళ్లారు. ఎవరికైనా గాయమైతే గిల్ను వాడుకుందామని అనుకున్నారు. కానీ యశస్వి జైస్వాల్, సంజూ శాంసన్ రూపంలో ఓపెనింగ్ స్లాట్కు ప్రత్యామ్నాయాలు ఉండటంతో గిల్ను స్వదేశానికి పంపాలని భారత మేనేజ్మెంట్ డిసైడ్ అయింది.
గిల్ చేసిన తప్పు వల్లే అతడ్ని టీమ్లో నుంచి తప్పించి స్వదేశానికి పంపిస్తున్నారనే రూమర్లు వస్తున్నాయి. యూఎస్కు వచ్చినప్పటి నుంచి జట్టుతో ఉండకుండా, ప్రాక్టీస్ చేయకుండా సొంత వ్యాపారాల మీద అతడు ఫోకస్ చేస్తున్నాడని సమాచారం. భారత్-పాకిస్థాన్ మ్యాచ్కు రింకూ సింగ్, ఆవేశ్ ఖాన్ లాంటి ఇతర రిజర్వ్డ్ ఆటగాళ్లు హాజరైనా.. గిల్ మాత్రం ఎక్కడా కనిపించలేదు. అందుకే క్రమశిక్షణ చర్యల కింద అతడ్ని ఇంటికి పంపిస్తున్నారని వార్తలు వస్తున్నాయి. ఈ తరుణంలో ఇన్స్టాలో రోహిత్ను గిల్ అన్ఫాలో చేయడం ఈ న్యూస్కు మరింత బలం చేకూర్చినట్లైంది. హిట్మ్యాన్ చెప్పడం వల్లే శుబ్మన్ను తీసేశారా? అందుకే అతడు కెప్టెన్తో పెట్టుకుంటున్నాడా? అనే అనుమానాలు వస్తున్నాయి. అయితే ఇది చూసిన నెటిజన్స్.. ఎంతో ఫ్యూచర్ ఉన్న గిల్ ఇలాంటి పనులతో సాధించేది ఏదీ లేదని కామెంట్స్ చేస్తున్నారు. అన్నీ మరిచి భవిష్యత్తు మీద ఫోకస్ పెట్టాలని సూచిస్తున్నారు. మరి.. రోహిత్ను గిల్ అన్ఫాలో అవడంపై మీ ఒపీనియన్ను కామెంట్ చేయండి.
View this post on Instagram
