రోహిత్​లోని ఆ క్వాలిటీ అంటే ఇష్టం.. అలా ఎవరూ ఉండరు: పంత్

టీమిండియా కెప్టెన్ రోహిత్ శర్మ ఇప్పుడు కసితో ఉన్నాడు. ఎలాగైనా పొట్టి కప్పు కొట్టాలని అనుకుంటున్న హిట్​మ్యాన్.. ఆ దిశగా సక్సెస్​ఫుల్​గా కొన్ని అడుగులు వేశాడు. కెరీర్ మొదట్లో టీ20 ప్రపంచ కప్​ను ఒడిసిపట్టిన అతడు.. ఆ తర్వాత ఛాంపియన్స్ ట్రోఫీ విన్నింగ్ టీమ్​లోనూ భాగంగా ఉన్నాడు. అయితే కెరీర్ పరంగా ఇప్పుడు అతడు పీక్​లో ఉన్నాడు. అందునా భారత జట్టుకు కెప్టెన్​గా ఉండటంతో ఎలాగైనా టీమ్​కు కప్పును అందించాలని చూస్తున్నాడు. వరల్డ్ కప్​ టైటిల్​ను నెగ్గి కెరీర్​ను మరింత చిరస్మరణీయంగా మార్చుకోవాలని రోహిత్ పట్టుదలతో ఉన్నాడు. గతేడాది స్వదేశంలో జరిగిన వన్డే వరల్డ్ కప్-2023లో ఫైనల్​లో ఓడిపోయింది భారత్. దీంతో చాన్నాళ్లు బయటకు రాని హిట్​మ్యాన్.. క్రమంగా ఆ పెయిన్ నుంచి బయటపడ్డాడు.

వన్డే ప్రపంచ కప్ ఓటమికి బదులు తీర్చుకోవాలని భావిస్తున్న రోహిత్.. ప్రస్తుత టీ20 వరల్డ్ కప్​లో ఆస్ట్రేలియాను చిత్తు చేయాలని ప్లాన్స్ వేస్తున్నాడు. అలాగే కప్​ను ఒడిసిపట్టి వంద కోట్ల మంది భారతీయుల్ని సంతోషపర్చాలని చూస్తున్నాడు. ఆ దిశగా ఇప్పటికే టీమ్ ప్రయత్నాలు మొదలయ్యాయి. గ్రూప్ దశను దాటిన మెన్ ఇన్ బ్లూ.. ఇప్పుడు సూపర్-8కు చేరుకుంది. ఈ స్టేజ్​ను కూడా దాటితే ఇక మిగిలేది సెమీస్, ఫైనల్సే. మెగా టోర్నీ కీలక దశకు చేరుకోవడంతో జట్టు విజయం కోసం కోచ్ రాహుల్ ద్రవిడ్​తో కలసి రోహిత్ తన వ్యూహాలకు పదును పెడుతున్నాడు. ఎదురొచ్చిన ప్రత్యర్థిని తుక్కుతుక్కుగా కొట్టాలని చూస్తున్నాడు. ఈ తరుణంలో అతడి గురించి సహచర ఆటగాళ్లు రిషబ్ పంత్, కుల్దీప్ యాదవ్, సంజూ శాంసన్ ఇంట్రెస్టింగ్ కామెంట్స్ చేశారు. హిట్​మ్యాన్ లాంటోడు ఇంకొకడు లేడంటూ ప్రశంసల్లో ముంచెత్తారు.

జట్టులోకి ఏ యువ ఆటగాడు వచ్చినా అతడ్ని రోహిత్ అక్కున చేర్చుకుంటాడని స్పిన్నర్ కుల్దీప్ తెలిపాడు. యంగ్​స్టర్స్​కు కావాల్సిన సపోర్ట్ ఇస్తూ, వాళ్లలోని టాలెంట్​ను బయటకు తీయడంలో హిట్​మ్యాన్​ దిట్ట అని అన్నాడు. దశాబ్దంన్నర కాలంగా ఆడుతున్నా రోహిత్​లో ఇంకా నేర్చుకునే తత్వం అలాగే ఉందన్నాడు పంత్. ఇంత క్రికెట్ ఆడినా ప్రతి రోజు నెట్స్​లో అంతే శ్రమిస్తుంటాడని, తన గేమ్​ను మరింతగా మెరుగుపర్చుకోవడంపై అతడు వర్క్ చేస్తుంటాడని.. ఇదే అతడి గొప్పతనమని పేర్కొన్నాడు. రోహిత్ కదలికలన్నీ గమనిస్తుంటామని, అతడి నుంచి ఎన్నో విషయాలు నేర్చుకుంటున్నామని సంజూ శాంసన్ వ్యాఖ్యానించాడు. ఇక, వీళ్ల ముగ్గురి కెరీర్ల విషయానికొస్తే.. కుల్దీప్ ధోని కెప్టెన్సీలో టీమ్​లోకి అడుగుపెట్టాడు. కానీ అతడ్ని స్టార్​గా మార్చింది, టీమ్​ అవసరాలకు తగ్గట్లు పర్ఫెక్ట్​గా వాడుకుంది హిట్​మ్యానే. కోహ్లీ సారథ్యంలో వెలుగులోకి వచ్చిన పంత్​ను మ్యాచ్ విన్నర్​గా మార్చిన ఘనత కూడా అతడిదే. సంజూ టాలెంట్​పై నమ్మకం ఉంచి మళ్లీ జట్టులోకి ఎంట్రీ ఇచ్చేలా చేశాడు రోహిత్. అలా వీళ్ల ముగ్గురి సక్సెస్​లో రోహిత్ పాత్ర ఉంది.

• ఇదీ చదవండి: రోహిత్​తో పెట్టుకుంటున్న గిల్.. ఇలా చేస్తే ఫ్యూచర్ కష్టమే!

 

View this post on Instagram

 

A post shared by Sportskeeda Cricket (@sportskeedacricket)