ప్రతిష్టాత్మక వన్డే వరల్డ్ కప్కు టైమ్ దగ్గర పడుతోంది. అక్టోబర్ 5వ తేదీన ఈ మెగా టోర్నీ మొదలుకానుంది. దీంతో ఈసారి ఏ జట్టు కప్ గెలుస్తుందా అని ప్రెడిక్షన్స్ షురూ అయ్యాయి. ఫలానా టీమ్ నెగ్గుతుందని కొందరు అంటుంటే.. కాదు ఫలానా టీమే కప్ ఎగరేసుకుపోతుందంటూ రకరకాల అంచనాలు వస్తున్నాయి. ఈ విషయంపై తాజాగా ఆస్ట్రేలియా లెజెండరీ క్రికెటర్ ఆడమ్ గిల్క్రిస్ట్ స్పందించాడు. వచ్చే వరల్డ్ కప్లో ఏయే టీమ్స్ ముందంజ వేస్తాయో ఆయన అంచనా వేశాడు. ప్రపంచ కప్లో నాలుగు టీమ్స్ తప్పకుండా సెమీస్కు చేరుకుంటాయన్నాడు.
వన్డే వరల్డ్ కప్-2023లో భారత్, పాకిస్థాన్, ఆస్ట్రేలియా, ఇంగ్లండ్ టీమ్స్ టైటిల్ ఫేవరెట్గా కనిపిస్తున్నాయని గిల్క్రిస్ట్ అన్నాడు. ఈ నాలుగు జట్లు తప్పకుండా సెమీఫైనల్స్కు వస్తాయని అభిప్రాయపడ్డాడు. గుజరాత్లోని అహ్మదాబాద్లో జరిగిన ప్రచార కార్యక్రమంలో ఈ మాజీ ఆసీస్ ప్లేయర్ పాల్గొన్నాడు. ఈ సందర్భంగా మీడియాతో మాట్లాడిన గిల్క్రిస్ట్.. వచ్చే ప్రపంచ కప్లో టీమ్స్ ప్రదర్శన, ఫేవరెట్స్ ఎవరనే దాని గురించి ఆసక్తికర వ్యాఖ్యలు చేశాడు. టీమిండియా, ఇంగ్లండ్, పాకిస్థాన్, ఆస్ట్రేలియా జట్లు కచ్చితంగా సెమీస్కు చేరుకుంటాయని జోస్యం పలికాడు.
వరల్డ్ కప్ ఫేవరెట్స్ గురించి మాట్లాడిన గిల్క్రిస్ట్.. ఆస్ట్రేలియా టీమ్ గురించి కూడా ఇంట్రెస్టింగ్ కామెంట్స్ చేశాడు. ‘సౌతాఫ్రికా పర్యటన నుంచి ఆసీస్ పాఠాలు నేర్చుకుంటుంది. ఈ సిరీస్లో తొలి రెండు వన్డేల్లో నెగ్గిన కంగారూ జట్టు.. ఆ తర్వాత మూడు మ్యాచుల్లోనూ ఓడి సిరీస్ను చేజార్చుకుంది. ఆసీస్ టీమ్ ఇప్పుడు భారత పర్యటనకు రానుంది. వరల్డ్ కప్కు ముందు టీమిండియాతో మూడు వన్డేలు ఆడనుంది. ఈ సిరీస్కు ఆస్ట్రేలియా పూర్తిస్థాయి జట్టుతో బరిలోకి దిగుతోంది. టీమ్లో చాలా మంది అనుభవజ్ఞులున్నారు. వాళ్లు భయం లేకుండా ఆడాలి’ అని గిల్క్రిస్ట్ సూచించాడు.
ఇదీ చదవండి: చాహల్ గొడవపడ్డాడంటున్న హర్భజన్!
