గుండెపోటుతో కాదు కరోనాతోనే రిజిస్ట్రార్‌ మరణం.. 28 వరకూ హైకోర్టుకు సెలవు

ఆంధ్రప్రదేశ్‌ హైకోర్టు రిజిస్ట్రార్‌ మరణంలో కొత్త విషయం వెలుగుచూసింది. బుధవారం రిజిస్ట్రార్‌ రాజశేఖర్‌ ఆకస్మికంగా మరణించారు. ఆయనకు గుండెపోటు రావడంతో చనిపోయారని అధికారులు తెలిపారు. అయితే ఈ రోజు మృతదేహానికి స్వాబ్ టెస్ట్‌ చేయగా కరోనా పాజిటివ్‌ అని తేలింది. దీంతో ఒక్కసారిగా హైకోర్టులో కలకలం రేగింది. ఈ పరిణామాల నేపథ్యంలో హైకోర్టు ప్రధాన న్యాయమూర్తి కీలక నిర్ణయం తీసుకున్నారు. ఈ నెల 28వ తేదీ వరకూ హైకోర్టుకు సెలవు ప్రకటించారు. ఈ మేరకు నూతన రిజిస్ట్రార్‌ సెలవు విషయంపై సర్కూలర్‌ జారీ చేశారు.

హైకోర్టుతోపాటు విజయవాడలోని మెట్రో పాలిటన్‌ సెసెన్స్‌ జడ్జి యూనిట్‌ కార్యకలాపాలు కూడా ఈ నెల 28వ తేదీ వరకూ నిలిపివేస్తున్న హైకోర్టు రిజిస్ట్రార్‌ ఓ ప్రకటనలో తెలిపారు. హైకోర్టు ప్రధాన న్యాయమూర్తి ఆదేశాల మేరకు ఈ నిర్ణయం తీసుకున్నట్లు ఆయన తన ప్రకటనలో పేర్కొన్నారు.