రెజీనా.. తెలుగు ప్రేక్షకులకు పరిచయం అక్కర్లేని పేరిది. దశాబ్ద కాలం నుంచి తన నటన ద్వారా ఆడియెన్స్ను ఎంటర్టైన్ చేస్తున్నారీ ముద్దుగుమ్మ. 2005లో ‘కాంద నాల్ ముదాల్’ అనే తమిళ చిత్రంతో తెరంగేట్రం చేశారు రెజీనా. కానీ టాలీవుడ్లోకి ఎంట్రీ ఇచ్చేందుకు మాత్రం చాలా టైమ్ తీసుకున్నారు. 2012లో వచ్చిన ‘శివ మనసులో శ్రుతి’ మూవీతో తెలుగు ప్రేక్షకులకు ఆమె పరిచయమయ్యారు. ఇందులో శ్రుతి పాత్రలో ఆమె నటన అందర్నీ ఆకట్టుకుంది. ఆ తర్వాత ‘కొత్త జంట’, ‘రారా కృష్ణయ్య’, ‘పవర్’, ‘పిల్లా నువ్వు లేని జీవితం’, ‘సుబ్రమణ్యం ఫర్ సేల్’ లాంటి హిట్స్తో ఇండస్ట్రీలో నిలదొక్కుకున్నారు రెజీనా. ప్రస్తుతం తెలుగుతో పాటు తమిళంలోనూ నటిస్తూ బిజీబిజీగా ఉన్నారామె.
కమర్షియల్ మూవీస్తో పాటు అవకాశం దొరికినప్పుడు వైవిధ్యభరితమైన కథలతో ప్రయోగాలు చేస్తుంటారు రెజీనా. కథ, కథనాల్లో కొత్తదనం ఉంటే చాలు ఆమె ఓకే చెప్పేస్తుంటారు. అలాంటి రెజీనా ప్రధాన పాత్రలో నటించిన సినిమా ‘నేనే నా’. ఈ మూవీని కార్తీక్ రాజు డైరెక్ట్ చేశారు. రాజశేఖర్ వర్మ నిర్మించిన ఈ చిత్రం ఏకకాలంలో తమిళ, తెలుగు భాషల్లో విడులైంది. కానీ బాక్సాఫీస్ వద్ద అంతగా మెప్పించలేకపోయింది. ఈ మిస్టరీ థ్రిల్లర్ మూవీ ఇప్పుడు ఓటీటీ వేదికగా స్ట్రీమింగ్ అవుతోంది. ప్రముఖ ఓటీటీ సంస్థ ఆహాలో శుక్రవారం నుంచి రెజీనా లేటెస్ట్ ఫిల్మ్ స్ట్రీమింగ్కు వచ్చింది.
మిస్టరీ కథాంశంతో రూపొందిన ‘నేనే నా’ సినిమాలో రెజీనా ఆర్కియాలజిస్ట్గా నటించారు. ఇందులో ఆమె డ్యుయల్ రోల్లో కనిపించారు. యువరాణిగానూ, ఆర్కియాలజిస్ట్గానూ ద్విపాతాభ్రినయం చేశారు రెజీనా. ఒక అడవిలో అనుమానాస్పదంగా చనిపోయిన ఒక విదేశీయుడి హత్య కేసులో ఆర్కియాలజిస్ట్ అయిన దివ్య (రెజీనా) సాయం తీసుకుంటారు. అయితే ఆ మర్డర్ చేసింది దివ్య రూపంలోనే ఉన్న దమయంతి (రెజీనా) అని పోలీసు ఇన్వెస్టిగేషన్లో తేలుతుంది. ఆర్కియాలజిస్ట్ దివ్యకు, గత జన్మలో యువరాణి దమయంతికి మధ్య ఉన్న సంబంధం ఏంటి? ఆ మర్డర్ చేసింది ఎవరు? లాంటి వివరాలు తెలియాలంటే ‘నేనే నా’ మూవీని చూడాల్సిందే.
ఇదీ చదవండి: బాలకృష్ణ.. బాబు స్కాములపై చర్చకు వచ్చే దమ్ముందా?: మంత్రి రోజా
