Nidhan
ముంబై ఇండియన్స్కు 5 కప్పులు అందించిన రోహిత్ శర్మకు దారుణమైన అవమానం జరిగింది. దీన్ని సహించని అతడి అభిమానులు కొత్త కెప్టెన్ హార్దిక్ పాండ్యా మీద ఫైర్ అవుతున్నారు.
ముంబై ఇండియన్స్కు 5 కప్పులు అందించిన రోహిత్ శర్మకు దారుణమైన అవమానం జరిగింది. దీన్ని సహించని అతడి అభిమానులు కొత్త కెప్టెన్ హార్దిక్ పాండ్యా మీద ఫైర్ అవుతున్నారు.
Nidhan
రోహిత్ శర్మ.. ముంబై ఇండియన్స్కు 5 కప్పులు అందించిన గ్రేట్ కెప్టెన్. సారథిగా సక్సెస్ అవడమే కాదు.. బ్యాట్స్మన్గానూ ఆ జట్టు తరఫున పరుగుల వరద పారించాడు. ముంబై ఆటగాళ్లకు ఓ జట్టులా ఆడటాన్ని అతడే నేర్పించాడు. ఆ టీమ్ను బిల్డ్ చేసి ఈ స్థాయికి తీసుకొచ్చాడు. జస్ప్రీత్ బుమ్రా, హార్దిక్ పాండ్యా, సూర్యకుమార్ యాదవ్ లాంటి అనామక ఆటగాళ్లను స్టార్లుగా తీర్చిదిద్దింది అతడే. ఫెయిలైనా సరే పట్టుబట్టి వాళ్లకు ఛాన్సులు ఇచ్చి ప్రోత్సహించాడు. ఐపీఎల్లో ముంబై ఫ్రాంచైజీకి హ్యూజ్ ఫ్యాన్ బేస్ ఏర్పడటంలోనూ హిట్మ్యాన్దే కీలక పాత్ర. అయితే అలాంటోడికి ఈ సీజన్ మొదలవ్వక ముందు నుంచే అవమానాలు స్టార్ట్ అయ్యాయి. ఐపీఎల్-2024 ప్రారంభానికి ముందే కెప్టెన్సీ నుంచి తీసేసి రోహిత్ను అవమానించింది ముంబై యాజమాన్యం.
కెప్టెన్సీ పోయినా ముంబైకి ఆడుతున్నాడు రోహిత్. తోటి ఆటగాళ్లతో కలసిపోయి జట్టు విజయం కోసం తన వంతు కృషి చేస్తున్నాడు. అలాంటోడ్ని మరోమారు అవమానించారు. కోల్కతా నైట్ రైడర్స్తో జరుగుతున్న మ్యాచ్లో హిట్మ్యాన్ను ఇంప్యాక్ట్ ప్లేయర్గా ప్రకటించింది ముంబై జట్టు. రోహిత్కు ఎలాంటి గాయం లేదు. అతడు పూర్తి ఫిట్గా ఉన్నాడు. బ్యాటింగ్ టైమ్లో క్రీజులో వేగంగా పరుగులు తీస్తున్నాడు. ఫీల్డింగ్ సమయంలోనూ 30 యార్డ్ సర్కిల్తో పాటు బౌండరీ లైన్ వద్ద కూడా చురుగ్గా ఉంటున్నాడు. గాయం లేదు, ఫిట్గా ఉన్నాడు అయినా అతడ్ని ఇంప్యాక్ట్ ప్లేయర్గా ఎందుకు తీసుకున్నారో అర్థం కావడం లేదు. ఈ విషయం తెలిసిన అభిమానులు ఎంఐ కెప్టెన్ హార్దిక్ పాండ్యాతో పాటు టీమ్ మేనేజ్మెంట్ మీద సీరియస్ అవుతున్నారు.
రోహిత్ను అవమానిస్తున్నారని ఫ్యాన్స్ అంటున్నారు. ఏ గాయం లేకున్నా కావాలనే ఇంప్యాక్ట్ ప్లేయర్గా తీసుకున్నారని సీరియస్ అవుతున్నారు. ఇప్పుడు ఇంప్యాక్ట్గా తీసుకున్నారు, ఆ తర్వాత క్రమంగా టీమ్లో నుంచి తీసేస్తారని అనుమానాలు వ్యక్తం చేస్తున్నారు. రోహిత్ గ్రౌండ్లో ఉంటే హార్దిక్కు ఫీల్డింగ్ పొజిషన్స్, బౌలింగ్ ఛేంజెస్ గురించి సలహాలు ఇచ్చేవాడని.. కానీ అవేవీ అతడికి వద్దని, అందుకే డగౌట్లో కూర్చోబెడుతున్నారని కామెంట్స్ చేస్తున్నారు. ఓన్లీ బ్యాటర్గా తీసుకొని ఫీల్డింగ్ టైమ్లో తన డామినేషన్ చూపించాలనేది పాండ్యా ప్లాన్ అని అంటున్నారు. హిట్మ్యాన్ బ్యాటర్గా ఫెయిలైతే టీమ్లో నుంచి పూర్తిగా తీసేయాలనేది అతడి స్కెచ్ అని కామెంట్స్ చేస్తున్నారు. మరి.. రోహిత్ను ఇంప్యాక్ట్ ప్లేయర్గా ఆడించడం మీద మీ ఒపీనియన్ను కామెంట్ చేయండి.
Rohit Sharma in the impact player list for Mumbai Indians. pic.twitter.com/8yHDYW0tiJ
— Johns. (@CricCrazyJohns) May 3, 2024
