వరల్డ్ కప్లో సంచలన విజయాలు సాధిస్తూ దూసుకెళ్తున్న ఆఫ్ఘానిస్థాన్కు భారత దిగ్గజం సచిన్ టెండూల్కర్ మద్దతుగా నిలిచాడు. అయితే ఆఫ్ఘాన్కు మాస్టర్ బ్లాస్టర్ సపోర్ట్గా నిలవడంపై భిన్నాభిప్రాయాలు వ్యక్తం అవుతున్నాయి.
వరల్డ్ కప్లో సంచలన విజయాలు సాధిస్తూ దూసుకెళ్తున్న ఆఫ్ఘానిస్థాన్కు భారత దిగ్గజం సచిన్ టెండూల్కర్ మద్దతుగా నిలిచాడు. అయితే ఆఫ్ఘాన్కు మాస్టర్ బ్లాస్టర్ సపోర్ట్గా నిలవడంపై భిన్నాభిప్రాయాలు వ్యక్తం అవుతున్నాయి.
ఆఫ్ఘానిస్థాన్.. నిన్న మొన్నటి దాకా క్రికెట్లో పసికూనగా పరిగణించబడిన టీమ్. కానీ ఇప్పుడు ఆ జట్టు పేరు చెబితే బడా టీమ్స్ కూడా భయపడిపోతున్నాయి. ఆఫ్ఘాన్ సంచలన విజయాలతో దూసుకెళ్తుండటమే అందుకు కారణం. వన్డే వరల్డ్ కప్-2023లో ఒకటి కాదు, రెండు కాదు ఏకంగా.. నాలుగు అద్భుత విజయాలు సాధించింది ఆఫ్గాన్ టీమ్. డిఫెండింగ్ ఛాంపియన్ ఇంగ్లండ్ను తొలుత మట్టికరిపించింది. ఆ తర్వాత పాకిస్థాన్, శ్రీలంకలను చిత్తు చేసింది. నెదర్లాండ్స్ మీద కూడా నెగ్గి పాయింట్స్ టేబుల్లో 6వ స్థానంలో నిలిచింది. ఈ జట్టు ఇంకా రెండు మ్యాచులు ఆడాల్సి ఉంది. ఆఫ్ఘాన్ తమ ఎనిమిదో మ్యాచ్లో భాగంగా పటిష్టమైన ఆస్ట్రేలియాను ఢీకొట్టనుంది. తర్వాతి మ్యాచ్లో సౌతాఫ్రికాతో ఆడాల్సి ఉంది.
ఒకవేళ ఈ రెండు మ్యాచుల్లో గెలిస్తే ఆఫ్ఘాన్ నేరుగా సెమీస్కు చేరుకుంటుంది. ఆసీస్, సౌతాఫ్రికాతో మ్యాచుల్లో ఒకదాంట్లో నెగ్గి, మరోదాంట్లో ఓడితే రన్రేట్ కీలకం అవుతుంది. ఆ టీమ్ రన్రేట్ తక్కువగా ఉంది కాబట్టి గెలవడంతో పాటు దాని మీద ఆ జట్టు ఫోకస్ చేయాల్సి ఉంటుంది. సెమీస్లో నాలుగో బెర్త్ కోసం ప్రధానంగా న్యూజిలాండ్, పాకిస్థాన్ టీమ్స్తో ఆఫ్ఘాన్ పోటీ పడుతోంది. ఈ నేపథ్యంలో ఆ టీమ్ ఆడే మ్యాచులు ఇంట్రెస్టింగ్గా మారనున్నాయి. ముంబైలోని వాంఖడే స్టేడియంలో ఇవాళ (నవంబర్ 7) ఆసీస్-ఆఫ్ఘాన్ తలపడనున్నాయి. ఈ మ్యాచ్లో ప్రస్తుత ఫామ్ను కొనసాగిస్తూ కంగారూలకు షాకివ్వాలని ఆఫ్ఘాన్ భావిస్తోంది. అందులో భాగంగా ఆ టీమ్ ప్లేయర్లు నెట్స్లో తీవ్రంగా శ్రమిస్తూ కనిపించారు.
ఆఫ్ఘాన్ ప్లేయర్లలో మరింత ఉత్సాహాన్ని నింపేందుకు క్రికెట్ గాడ్ సచిన్ టెండూల్కర్ ఆఫ్ఘాన్ ప్రాక్టీస్ క్యాంప్లో ప్రత్యక్షమయ్యాడు. రషీద్ ఖాన్ సహా ఇతర టీమ్ ప్లేయర్లకు సచిన్ విలువైన సూచనలు, సలహాలు ఇస్తూ కనిపించాడు. ఆఫ్ఘాన్ క్రికెటర్స్తో పాటు ఆ జట్టు సహాయ సిబ్బందితోనూ సచిన్ మాట్లాడాడు. కోచ్ జొనాథన్ ట్రాట్, మెంటార్ అజయ్ జడేజాతో పాత విషయాలను షేర్ చేసుకున్నాడు. మాస్టర్ బ్లాస్టర్ రాకతో ఆఫ్ఘాన్ క్యాంప్లో కొత్త ఉత్సాహం కనిపిచింది. ఆఫ్ఘాన్ క్రికెటర్స్కు సచిన్ సూచనలు ఇస్తున్న ఫొటోలు, వీడియోలు సోషల్ మీడియాలో వైరల్ అవుతున్నాయి. వీటిని చూసిన నెటిజన్స్.. పాకిస్థాన్ను ఇంటికి పంపేందుకే సచిన్ ఆఫ్ఘాన్కు మద్దతు తెలిపాడని అంటున్నారు. మరి.. సచిన్ ఆఫ్ఘాన్ టీమ్కు సపోర్ట్ ఇవ్వడంపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: షమీ, జడేజానే పొగుడుతున్నారు.. అతడి కష్టం ఎవరికీ కనిపించడం లేదా?
Sachin Tendulkar talking with the Afghanistan team at Mumbai.
– This is a beautiful gesture by Sachin. pic.twitter.com/aZRbInCoOa
— Johns. (@CricCrazyJohns) November 6, 2023
