మెగాస్టార్ చిరంజీవి నటించిన తాజా చిత్రం ‘భోళా శంకర్’. ఫ్యామిలీ అండ్ యాక్షన్ ఎంటర్టైనర్గా రూపొందిన ఈ మూవీ శుక్రవారం బిగ్స్క్రీన్స్లో రిలీజైంది. మెహర్ రమేష్ దర్శకత్వం వహించిన ఈ సినిమాను ఏకే ఎంటర్టైన్మెంట్స్ పతాకంపై ప్రముఖ నిర్మాత అనిల్ సుంకర ప్రొడ్యూస్ చేశారు. ఇందులో చిరుతో పాటు స్టార్ హీరోయిన్లు కీర్తి సురేష్, తమన్నా నటించారు. అయితే ‘భోళా శంకర్’కు మిక్స్డ్ టాక్ వచ్చేసింది. ఇందులో ఫైట్లు, డ్యాన్సులతో పాటు కామెడీతో చిరంజీవి ఎప్పటిలాగే ఆకట్టుకున్నారని ఆడియెన్స్ అంటున్నారు.
చిరంజీవి నటనకు తోడు మహతీ స్వరసాగర్ కంపోజ్ చేసిన పాటలు, బీజీఎం ‘భోళా శంకర్’కు హైలైట్ అని చెబుతున్నారు. ఈ రెండు విషయాలు తప్పితే సినిమాలో చెప్పుకోదగ్గ ప్లస్ పాయింట్స్ లేవని విమర్శకులు అంటున్నారు. ఎలాంటి అంచనాలు లేకుండా కేవలం చిరు డ్యాన్సులు, ఫైట్లు చూద్దామనుకొని వెళ్తే ‘భోళా’ నచ్చుతుందని చెబుతున్నారు. తమిళ బ్లాక్బస్టర్ ‘వేదాళం’కు రీమేక్గా తెరకెక్కిన ఈ చిత్రంలో ఒరిజినల్లో ఉండే సిస్టర్ సెంటిమెంట్, ఎమోషన్స్, డ్రామా ఇక్కడ సరిగ్గా పండలేదని అంటున్నారు. మిక్స్డ్ టాక్ తెచ్చుకున్న ‘భోళా శంకర్’ ఏ మేరకు కలెక్షన్లు సాధిస్తాడో చూడాలి. ఇక, ‘వాల్తేరు వీరయ్య’ లాంటి సూపర్ హిట్ తర్వాత మెగాస్టార్ నటించిన మూవీ కావడంతో ‘భోళా’పై ప్రేక్షకుల్లో హై రేంజ్లో అంచనాలు ఏర్పడ్డాయి.
‘భోళా శంకర్’పై ఉన్న ఎక్స్పెక్టేషన్స్ కారణంగా దీని డిజిటల్ స్ట్రీమింగ్ రైట్స్ను ఎవరు సొంతం చేసుకుంటారనే విషయంపై సందిగ్ధత నెలకొంది. అయితే ‘భోళా’ డిజిటల్ రైట్స్ను ప్రముఖ దిగ్గజ ఓటీటీ సంస్థ నెట్ఫ్లిక్స్ దక్కించుకుందని మూవీ యూనిట్ వెల్లడించింది. ఈ విషయాన్ని ‘భోళా శంకర్’ టైటిల్ కార్డ్స్ మీద వేసి క్లారిటీ ఇచ్చింది. తాజాగా వస్తున్న సమాచారం ప్రకారం ఈ సినిమా థియేటర్లలో విడుదలైన 30 రోజుల తర్వాతే ఓటీటీలో స్ట్రీమింగ్ కానుందట. ఈ లెక్కన సెప్టెంబర్ రెండో వారంలోనే ‘భోళా’ స్ట్రీమింగ్కు వచ్చేస్తుందని టాక్. మరి.. ‘భోళా శంకర్’ మూవీని చూశారా? మీకు ఎలా అనిపించిందో కామెంట్ల రూపంలో తెలియజేయండి.
