తన బ్యాట్ గర్జిస్తే ఎలా ఉంటుందో మరోమారు చూపించాడు మ్యాక్స్వెల్. ఆఫ్ఘానిస్థాన్పై అతడు ఆడిన ఇన్నింగ్స్కు క్రికెట్ లవర్సే కాదు సీనియర్ క్రికెటర్లు కూడా ఫిదా అయిపోయారు. ఇదేం బాదుడ్రా బాబు, ఇదేం కొట్టుడ్రా సామి అంటూ షాకయ్యారు.
తన బ్యాట్ గర్జిస్తే ఎలా ఉంటుందో మరోమారు చూపించాడు మ్యాక్స్వెల్. ఆఫ్ఘానిస్థాన్పై అతడు ఆడిన ఇన్నింగ్స్కు క్రికెట్ లవర్సే కాదు సీనియర్ క్రికెటర్లు కూడా ఫిదా అయిపోయారు. ఇదేం బాదుడ్రా బాబు, ఇదేం కొట్టుడ్రా సామి అంటూ షాకయ్యారు.
గ్లెన్ మ్యాక్స్వెల్.. ఈ పేరు వింటేనే బౌలర్లు భయపడిపోతారు. ముఖ్యంగా స్పిన్నర్లు అతడి పేరు చెబితేనే బౌలింగ్ చేసేందుకు వెనుకాడతారు. పేస్, స్పిన్ అనే తేడాల్లేకుండా భారీ షాట్లతో విరుచుకుపడతాడు మ్యాక్సీ. అయితే స్పిన్నర్లను మాత్రం ఊచకోత కోస్తాడు. అలాంటి మ్యాక్స్వెల్ మరోమారు తన బ్యాట్ పవర్ ఏంటో చూపించాడు. ఆఫ్ఘానిస్థాన్ టీమ్తో మంగళవారం జరిగిన మ్యాచ్లో విధ్వంసక ఇన్నింగ్స్తో చెలరేగాడు. 128 బంతుల్లో ఏకంగా 201 రన్స్ చేసి నాటౌట్గా నిలిచాడు. ఓటమి ఫిక్స్ అనుకున్న దశ నుంచి మ్యాచ్ను ఆఫ్ఘాన్ చేతుల్లో నుంచి లాగేసుకున్నాడు. ఒక దశలో 91/7తో ఉన్న ఆసీస్.. మ్యాక్సీ మ్యాడ్ బ్యాటింగ్ కారణంగా మరో 19 బంతులు మిగిలి ఉండగానే టార్గెట్ ఛేజ్ చేసేసింది.
ఆఫ్ఘాన్పై తుఫాన్ ఇన్నింగ్స్ ఆడిన మ్యాక్స్వెల్ ఎన్నో రికార్డులను బ్రేక్ చేశాడు. డబుల్ సెంచరీతో అదరగొట్టిన అతను ఈ మ్యాచ్లో నమోదు చేసిన కొత్త రికార్డులు ఇవే..
– వరల్డ్ కప్లో ఛేజింగ్లో అత్యధిక వ్యక్తిగత స్కోరు చేసిన ప్లేయర్గా మ్యాక్స్వెల్ (201 నాటౌట్) నిలిచాడు. గతంలో ఈ రికార్డు ఇంగ్లండ్ బ్యాట్స్మన్ ఆండ్రూ స్ట్రాస్ (158) పేరు మీద ఉండేది.
– వన్డే క్రికెట్ హిస్టరీలో ఛేజింగ్ పర్సనల్ బెస్ట్ స్కోరు చేసిన బ్యాటర్ అయ్యాడు మ్యాక్సీ. గతంలో ఈ రికార్డు పాకిస్థాన్ ఓపెనర్ ఫకర్ జమాన్ (193) పేరిట ఉండేది.
– 50 ఓవర్ల ఫార్మాట్లో ఛేజింగ్లో అత్యధిక వ్యక్తిగత స్కోరు చేసిన ఆసీస్ బ్యాటర్ మ్యాక్స్వెలే. ఇంతకుముందు షేన్ వాట్సన్ (185) పేరిట ఉన్న రికార్డును నిన్నటి మ్యాచ్లో బ్రేక్ చేశాడు మ్యాడ్ మ్యాక్స్.
– వన్డే ప్రపంచ కప్ చరిత్రలో ఛేదనలో డబుల్ సెంచరీ చేసిన ఫస్ట్ బ్యాట్స్మన్గా నిలిచాడు మ్యాక్స్వెల్.
– వన్డే వరల్డ్ కప్ హిస్టరీలో డబుల్ సెంచరీ బాదిన మూడో బ్యాటర్గా మ్యాక్సీ నిలిచాడు. ఇంతకుముందు 2015 ప్రపంచ కప్లో జింబాబ్వేపై క్రిస్ గేల్ (215) చేశాడు. కివీస్ బ్యాటర్ మార్టిన్ గప్తిల్ విండీస్పై 237 రన్స్ చేశాడు.
– వన్డే క్రికెట్లో ఫాస్టెస్ట్ డబుల్ సెంచరీ (128 బంతుల్లో) చేసిన రెండో ఆటగాడు మ్యాక్స్వెల్. 2022లో భారత ఓపెనర్ ఇషాన్ కిషన్ బంగ్లాదేశ్పై 126 బంతుల్లోనే ద్విశతకం బాదాడు.
– 50 ఓవర్ల ఫార్మాట్లో ఛేజింగ్లో నమోదైన ఏకైక డబుల్ సెంచరీ మ్యాక్స్వెల్దే కావడం విశేషం.
– బ్యాటింగ్ ఆర్డర్లో 6 లేదా అంతకంటే తక్కువ స్థానంలో వచ్చి అత్యధిక వ్యక్తిగత స్కోరు చేసిన ప్లేయర్గా మ్యాక్సీ నిలిచాడు. 1983 ప్రపంచ కప్లో కపిల్ దేవ్ జింబాబ్వే మీద చేసిన 175 రన్స్ ఇప్పటిదాకా అత్యధికం.
– వన్డే క్రికెట్లో ఇప్పటిదాకా 11 డబుల్ సెంచరీలు నమోదవ్వగా.. ఛేజింగ్లో వచ్చిన ఏకైక డబుల్ సెంచరీ మ్యాక్స్వెల్దే.
– 50 ఓవర్ల ఫార్మాట్ చరిత్రలో 8వ వికెట్కు అత్యధిక రన్స్ (మ్యాక్స్వెల్- కమిన్స్ 202 పరుగులు) పార్ట్నర్షిప్ నమోదు. సౌతాఫ్రికా ప్లేయర్లు ఆండ్రూ హాల్-జస్టిన్ కెంప్ కలసి 2006లో భారత్పై చేసిన 138 రన్స్ రికార్డు బ్రేక్ అయింది.
– వరల్డ్ కప్లో ఆసీస్ తరఫున అత్యధిక వ్యక్తిగత స్కోరు చేసిన బ్యాటర్గా మ్యాక్స్వెల్ నిలిచాడు. డేవిడ్ వార్నర్ (178)ను అతడు దాటేశాడు.
– ఈ మెగా టోర్నీలో మ్యాక్స్వెల్ చేసిన రెండో సెంచరీ ఇది. మొదటిది ఫాస్టెస్ట్ సెంచరీ కాగా.. రెండోది ఎవరికీ సాధ్యం కాని రీతిలో ఛేజింగ్లో చేసినది కావడం విశేషం.
ఇదీ చదవండి: మ్యాక్స్వెల్ విధ్వంసంపై జక్కన్న పోస్ట్ వైరల్.. మ్యాడ్ అంటూ
Glenn Maxwell produced one of the most outrageous knocks in ODI history 💪#CWC23 | #AUSvAFG pic.twitter.com/rIN8QxDTlm
— ICC Cricket World Cup (@cricketworldcup) November 7, 2023
Records galore for Glenn Maxwell. pic.twitter.com/AKRKzl8vud
— CricTracker (@Cricketracker) November 7, 2023
