BREAKING: ప్రచారంలో పాల్గొన్న BRS MLA అభ్యర్థిపై కత్తితో దాడి!

తెలంగాణలో ఎన్నికల సమయం దగ్గర పడుతున్న కొద్ది నేతలు ప్రచారం కూడా జోరుగా సాగిస్తున్నారు. అయితే ఈ క్రమంలోనే మెదక్ బీఆర్ఎస్ ఎంపీ, దుబ్బాక ఎమ్మెల్యే అభ్యర్థి కొత్త ప్రభాకర్ సోమవారం సిద్దిపేట జిల్లా దౌల్తాబాద్ మండలం సూరంపల్లి గ్రామంలో ఎన్నికల ప్రచారంలో పాల్గొన్నారు. అయితే ఆయన ప్రజలతో మాట్లాడుతుండగా జనాల్లో నుంచి ఓ వ్యక్తి ఎంపీ కొత్త ప్రభాకర్ రెడ్డిపై కత్తితో దాడి చేశాడు. ఈ దాడిలో ఆయనకు కడుపు భాగంలో గాయమైనట్టుగా తెలుస్తోంది. దీంతో అక్కడే ఉన్న బీఆర్ఎస్ కార్యకర్తలు దాడి చేసిన వ్యక్తిని చితకబాదారు.

అనంతరం గాయపడ్డ కొత్త ప్రభాకర్ రెడ్డి కారులో స్థానికంగా ఉన్న ఓ ఆస్పత్రికి తరలించారు. ఈ ఘటనతో ఆ ప్రాంతంలో ఒక్కసారిగా ఉద్రిక్తత వాతావరణం నెలకొంది. వెంటనే అప్రమత్తమైన పోలీసులు దాడి చేసిన వ్యక్తిని అదుపులోకి తీసుకున్నట్లు తెలుస్తుంది. ఆ తర్వాత అక్కడ అవాంఛనీయ ఘటనలు జరగకుండా పోలీస్ బందోబస్తు ఏర్పాటు చేశారు. ఇదే ఘటన ఇప్పుడు స్థానికంగా తీవ్ర కలకలంగా మారింది. ఈ ఘటనకు సంబంధించి మరిన్ని వివరాలు తెలియాల్సి ఉంది.

మెదక్ బీఆర్ఎస్ ఎంపీ, దుబ్బాక ఎమ్మెల్యే అభ్యర్థి కొత్త ప్రభాకర్ రెడ్డి మీద కత్తితో దాడి

సిద్దిపేట జిల్లా దౌల్తాబాద్ మండలం సూరంపల్లి గ్రామంలో ఎన్నికల ప్రచారంలో ఎంపీ కొత్త ప్రభాకర్ రెడ్డి పై కత్తితో దాడి చేసిన గుర్తుతెలియని వ్యక్తి . pic.twitter.com/kQNiXQKGaG

— Telugu Scribe (@TeluguScribe) October 30, 2023