టార్గెట్ 200. చూడ్డానికి ఇది చిన్నగానే కనిపించినా.. బౌలర్లకు మద్దతు లభిస్తున్న చెపాక్ పిచ్పై ఆస్ట్రేలియా బ్యాటర్ల కష్టాలు చూశాక ఛేజింగ్ అంత ఈజీ కాదని అర్థమైంది. కానీ సూపర్ స్టార్లతో నిండిన టీమిండియా బ్యాటింగ్ ఆర్డర్కు, అందులోనూ అలవాటైన గ్రౌండ్లో ఛేదన మరీ కష్టం కాదని అంతా అనుకున్నారు. అయితే 12 బంతుల్లోనే మొదటి 3 వికెట్లు పటడంతో ఫ్యాన్స్ షాకయ్యారు. ఒక టైమ్లో 2/3తో నిలిచిన భారత్ ముందు 200 కూడా కొండంత లక్ష్యంగా మారింది. ఈ తరుణంలో ఛేజింగ్ కింగ్గా పేరున్న విరాట్ కోహ్లీ మళ్లీ తనలోని యోధుడ్ని బయటికి తీశాడు. రీఎంట్రీలో అదరగొడుతున్న కేఎల్ రాహుల్ కూడా అతడికి తోడయ్యాడు.
ఆసీస్ పేసర్లు బౌన్సర్లతో భయపెడుతున్నా, గుడ్ లెంగ్త్ బంతులతో కవ్విస్తున్నా విరాట్, రాహుల్ సంయమనం చూపించారు. క్రీజులో కుదురుకున్నాక ఒక్కో రన్ చేస్తూ స్ట్రైక్ రొటేట్ చేశారు. ఆ తర్వాత బౌండరీలతో చెలరేగారు. ఓటమి ఖాయమనుకున్న మ్యాచ్లో విక్టరీతో భారత్ తన ప్రపంచ కప్ వేటను ఘనంగా మొదలుపెట్టింది. ఈ మ్యాచ్లో టర్నింగ్ పాయింట్ అంటే రాహుల్-కోహ్లీ పార్ట్నర్షిప్ అనే చెప్పాలి. రెండు రన్స్కే మూడు వికెట్లు పడిన టైమ్లో వీళ్లు క్రీజులోకి వచ్చారు. ఆ సమయంలో మరో వికెట్ పడుంటే మ్యాచ్ అయిపోయేది. హేజిల్వుడ్ బౌలింగ్లో కోహ్లీ ఇచ్చిన క్యాచ్ను ఆసీస్ కెప్టెన్ కమిన్స్ వదిలేశాడు. ఆ క్యాచ్ పట్టుంటే రిజల్ట్ ఏ విధంగా ఉండేదో మరి!
కంగారూ టీమ్పై విజయంలో విరాట్ కోహ్లీ (85)తో పాటు మ్యాన్ ఆఫ్ ది మ్యాచ్గా నిలిచిన కేఎల్ రాహుల్ (97 నాటౌట్) బ్యాటింగ్ను ఎంత మెచ్చుకున్నా తక్కువే. కోహ్లీతో పాటు రాహుల్ కూడా సెంచరీ చేసే ఛాన్స్ను మిస్ చేసుకున్నాడు. ఇక, ఈ మ్యాచ్తో కోహ్లీ ఓ అరుదైన రికార్డ్ క్రియేట్ చేశాడు. ఐసీసీ వైట్ బాల్ టోర్నీల్లో టీమిండియా తరఫున అత్యధిక రన్స్ చేసిన ప్లేయర్గా చరిత్ర సృష్టించాడు. ఆసీస్తో మ్యాచ్లో ఈ రికార్డును అందుకున్నాడు. కోహ్లీ 64 ఇన్నింగ్స్ల్లో 2,730 రన్స్ చేయగా.. సచిన్ టెండూల్కర్ 58 ఇన్నింగ్స్ల్లో 2,719 రన్స్, రోహిత్ శర్మ 64 ఇన్నింగ్స్ల్లో 2,422 రన్స్ చేశారు. అలాగే సచిన్ పేరు మీద ఉన్న మరో రికార్డునూ విరాట్ బ్రేక్ చేశాడు. ఛేజింగ్లో 124 ఇన్నింగ్స్ల్లో సచిన్ 5,490 రన్స్ చేయగా.. కోహ్లీ కేవలం 92 ఇన్నింగ్స్ల్లోనే 5,517 రన్స్ చేసి మాస్టర్ బ్లాస్టర్ను అధిగమించాడు.
ఇదీ చదవండి: ఆసీస్పై భారత్ విజయానికి 5 ప్రధాన కారణాలు!
Most runs for India in White Ball ICC tournaments:
Virat Kohli – 2,720*.
Sachin Tendulkar – 2,719.
– King Kohli tops the list! pic.twitter.com/jE4ONe0Cn4
— Mufaddal Vohra (@mufaddal_vohra) October 8, 2023
