రోహిత్​పై గవాస్కర్ ఇంట్రెస్టింగ్ కామెంట్స్.. మిగతావాళ్ల కంటే స్పెషల్ అంటూ..!

వరల్డ్ కప్-2023లో ఆడిన ఆరు వన్డేల్లో ఒక్క మ్యాచ్​లో కూడా ఓడిపోలేదు భారత్. వరుసగా డబుల్ హ్యాట్రిక్​ కొట్టి సెమీస్​కు అత్యంత చేరువగా వచ్చింది టీమిండియా. సెమీఫైనల్ బెర్త్​ను అఫీషియల్​గా కన్ఫర్మ్ చేసుకోవడంపై ఫోకస్ పెట్టింది. ఈ నేపథ్యంలో గురువారం శ్రీలంకతో తలపడేందుకు రోహిత్ సేన రెడీ అయింది. ఈ మ్యాచ్​లో ఓటమి భారత్​కు కాదు గానీ లంకకు చాలా కీలకం. సెమీఫైనల్ రేసులో నిలవాలంటే ఆ టీమ్​ ఈ మ్యాచ్​లో తప్పక గెలవాల్సిందే. ఒకవేళ టీమిండియా చేతుల్లో ఓడిపోతే మాత్రం మెగా టోర్నీ సెమీఫైనల్ రేసు నుంచి శ్రీలంక దాదాపుగా నిష్క్రమించినట్లే అవుతుంది. అందుకే ఈ మ్యాచ్​ను ఆ టీమ్ ప్రతిష్టాత్మకంగా భావిస్తోంది.

ఒకవైపు లంక ఎలాగైనా నెగ్గాలని భావిస్తుంటే.. మరోవైపు భారత్ కూడా తమ విజయాల పరంపరను కంటిన్యూ చేయాలని చూస్తోంది. ఈ మ్యాచ్​లో గెలిస్తే సెమీస్ బెర్త్ అధికారికంగా సొంతం చేసుకోవచ్చు. కాబట్టి మ్యాచ్​ను ఈజీగా తీసుకోవద్దని అనుకుంటోంది. బౌలర్లు భీకర ఫామ్​లో ఉన్నారు. జస్​ప్రీత్ బుమ్రా, మహ్మద్ షమి, కుల్దీప్ యాదవ్ బౌలింగ్​లో రన్స్ తీయలేక, వికెట్లను కాపాడుకోలేక ప్రత్యర్థి బ్యాటర్లు చేతులెత్తేస్తున్నారు. ముఖ్యంగా మిడిల్ ఓవర్లలో టీమిండియా బౌలర్లను ఎదుర్కోవడం ఎవ్వరి వల్ల కావడం లేదు. బౌలింగ్ యూనిట్​తో పాటు భారత బ్యాటింగ్ డిపార్ట్​మెంట్ కూడా ఎంతో స్ట్రాంగ్​గా ఉంది. శుబ్​మన్ గిల్, శ్రేయస్ అయ్యర్​లను మినహాయిస్తే మిగతా బ్యాటర్లు సూపర్ ఫామ్​లో ఉన్నారు. వీళ్లిద్దరూ రిథమ్​ను అందుకుంటే రోహిత్ సేను జోరును ఎవ్వరూ ఆపలేరు.

లంకతో మ్యాచ్​లోనూ గెలిచి సెమీస్ రేసులోకి దూసుకెళ్తాలని భారత టీమ్ కెప్టెన్ రోహిత్ శర్మ అనుకుంటున్నాడు. అప్పుడే సౌతాఫ్రికా, నెదర్లాండ్స్ మ్యాచ్​లో బుమ్రా, కోహ్లీ లాంటి కీలక ప్లేయర్లకు రెస్ట్ ఇచ్చే ఛాన్స్ ఉంటుంది. ఇదిలా ఉంటే.. రోహిత్ శర్మపై భారత లెజెండ్ సునీల్ గవాస్కర్ ఇంట్రెస్టింగ్ కామెంట్స్ చేశాడు. హిట్​మ్యాన్ మిగతావాళ్లలా కాదు.. చాలా స్పెషల్ అని మెచ్చుకున్నాడు. రికార్డులు సాధించాలనే స్వార్థం అతడికి లేదని ఇన్​డైరెక్ట్​గా అన్నాడు గవాస్కర్. ‘ఇంగ్లండ్​తో మ్యాచ్​లో రోహిత్ ఎంతో అద్భుతంగా బ్యాటింగ్ చేశాడు. వికెట్లు త్వరగా పడిన టైమ్​లో కేఎల్ రాహుల్​తో కలసి అతడు ఇన్నింగ్స్​ను నిలబెట్టాడు. సెంచరీ కోసం ఆలోచించి స్లోగా బ్యాటింగ్ చేయలేదు. తన న్యాచురల్ గేమ్​ను ఆడుకుంటూ వెళ్లాడు’ అని గవాస్కర్ మెచ్చుకున్నాడు. మరి.. రోహిత్​పై గవాస్కర్ చేసిన వ్యాఖ్యలపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: రోహిత్‌ శర్మ టీమిండియాకు దూరంగా ఉండాలి: ఇంగ్లండ్‌ క్రికెటర్‌

Sunil Gavaskar said, “Rohit Sharma batted exceptionally well against England. After an early fall of wickets, he steadied the ship of Indian batting with KL Rahul. He didn’t slow down thinking his century was near, he kept playing his game naturally”. (Star). pic.twitter.com/4heSbYyRRI

— Mufaddal Vohra (@mufaddal_vohra) November 2, 2023