టీమిండియాతో నాకౌట్ మ్యాచ్కు ముందు న్యూజిలాండ్ కెప్టెన్ కేన్ విలియమ్సన్ షాకింగ్ కామెంట్స్ చేశాడు. మెగా టోర్నీలో భారత్ బాగా ఆడుతోందని అంటూనే ఇన్డైరెక్ట్గా వార్నింగ్ ఇచ్చాడు కేన్ మామ.
టీమిండియాతో నాకౌట్ మ్యాచ్కు ముందు న్యూజిలాండ్ కెప్టెన్ కేన్ విలియమ్సన్ షాకింగ్ కామెంట్స్ చేశాడు. మెగా టోర్నీలో భారత్ బాగా ఆడుతోందని అంటూనే ఇన్డైరెక్ట్గా వార్నింగ్ ఇచ్చాడు కేన్ మామ.
గత కొన్ని వారాలుగా క్రికెట్ లవర్స్ను ఎంతగానో అలరిస్తున్న వన్డే వరల్డ్ కప్-2023 ఇప్పుడు కీలక దశకు చేరుకుంది. లీగ్ దశలోని మ్యాచులు కంప్లీట్ అవ్వడంతో ఇప్పుడు అందరి కాన్సంట్రేషన్ సెమీస్ మీద పడింది. లీగ్ స్టేజ్లో అద్భుత విజయాలు సాధించిన భారత్తో పాటు ఆస్ట్రేలియా, న్యూజిలాండ్, సౌతాఫ్రికాలు నాకౌట్ బరిలో నిలిచాయి. ఇందులో టీమిండియా-న్యూజిలాండ్, ఆస్ట్రేలియా-సౌతాఫ్రికాకు మధ్య సెమీస్ పోరు జరగనుంది. నాకౌట్ ఫైట్లో గెలిచిన టీమ్ ఫైనల్కు చేరుకొని కప్ కోసం ఆడాల్సి ఉంటుంది. ఈ నేపథ్యంలో సెమీస్ బరిలో నిలిచిన అన్ని జట్లు తమ అపోజిషన్ టీమ్స్ను ఓడించడంపై ఫోకస్ పెడుతున్నాయి. ఎలాగైనా నాకౌట్ ఫైట్లో నెగ్గి ఫైనల్స్లోకి దూసుకెళ్లాలని చూస్తున్నాయి.
ఈసారి సెమీస్ చేరుకున్న జట్లలో ఒక్కొక్కరి జర్నీలా ఒక్కోలా సాగింది. ఆస్ట్రేలియాతో మ్యాచ్తో ట్రోఫీ వేటను మొదలుపెట్టిన రోహిత్ సేన.. నెదర్లాండ్స్తో మ్యాచ్ వరకు అదిరిపోయే ఆటతో అందర్నీ ఆకట్టుకుంది. మెగా టోర్నీ మన టీమ్ పెత్తనం మామూలుగా లేదు. స్టార్ బ్యాటర్ విరాట్ కోహ్లీ ఆడిన తొమ్మిది మ్యాచుల్లో 99 యావరేజ్తో 594 రన్స్ చేసి టోర్నీలో హయ్యెస్ట్ రన్ స్కోరర్గా కంటిన్యూ అవుతున్నాడు. రోహిత్ శర్మ (503 రన్స్) బ్యాటింగ్లో రఫ్ఫాడిస్తున్నాడు. అలాగే అతను కెప్టెన్సీలోనూ తన మార్క్ చూపిస్తున్నాడు. శ్రేయస్ అయ్యర్ (421), కేఎల్ రాహుల్ (347), శుబ్మన్ గిల్ (270) కూడా పీక్ ఫామ్లో ఉన్నారు. పేస్ బౌలింగ్ త్రయం బుమ్రా (17 వికెట్లు), షమి (16), సిరాజ్ (12) ప్రత్యర్థి బ్యాటర్లను వణికిస్తున్నారు. బుమ్రా, షమి, సిరాజ్తో పాటు స్పిన్నర్లు జడేజా (16 వికెట్లు), కుల్దీప్ (14) కూడా అద్భుతంగా బౌలింగ్ చేస్తున్నారు.
టోర్నీ మొదలవ్వడానికి ముందు వరకు ఎలాంటి ఎక్స్పెక్టేషన్స్ లేని సౌతాఫ్రికా తమ గేమ్తో అందరి మనుసులు దోచుకుంటోంది. ఆడిన తొమ్మిది మ్యాచుల్లో 7 విజయాలతో లీగ్ దశను ముగించింది. సెమీస్లో ఆస్ట్రేలియాను ఓడించాలని ఆ టీమ్ కంకణం కట్టుకుంది. అయితే కంగారూ జట్టు భీకర ఫామ్లో ఉంది. వరుసగా ఏడు విజయాలతో సెమీస్లోకి అడుగుపెట్టింది ఆసీస్. మరోవైపు న్యూజిలాండ్ టీమ్ టోర్నీ స్టార్టింగ్లో వరుస విజయాలు సాధించి మంచి ఊపులో కనిపించింది. కానీ భారత్తో మ్యాచ్ తర్వాత రిథమ్ కోల్పోయిన కివీస్.. వరుసగా మ్యాచుల్లో ఓడిపోయింది. ఆఖరికి శ్రీలంకపై భారీ తేడాతో నెగ్గి రన్రేట్ మెరుగుపర్చుకొని నాలుగో టీమ్గా సెమీస్కు క్వాలిఫై అయింది. న్యూజిలాండ్ సెమీస్కు చేరడం వెనుక రచిన్ రవీంద్ర (565), డారిల్ మిచెల్ (418), డెవిన్ కాన్వే (359)ల కాంట్రిబ్యూషన్ చాలా ఉంది.
న్యూజిలాండ్ విజయాల్లో స్పిన్నర్ మిచెల్ శాంట్నర్ (16 వికెట్లు), ట్రెంట్ బౌల్ట్ (13 వికెట్లు) రోల్ కూడా చాలా ఉంది. అయితే సూపర్ ఫామ్లో టీమిండియాను నాకౌట్ మ్యాచ్లో ఎదుర్కోవడం ఆ జట్టుకు అంత ఈజీ కాదు. భారత్తో సెమీస్కు ముందు న్యూజిలాండ్ కెప్టెన్ కేన్ విలియమ్సన్ షాకింగ్ కామెంట్స్ చేశాడు. ‘ఇండియా బాగా ఆడుతోంది. కానీ ఆ రోజు ఎలా ఆడామన్నదే కీలకం. ఈ టోర్నమెంట్లో ప్రతి మ్యాచ్ చాలా ట్రికీ అనే చెప్పాలి. ఏ జట్టు ఎవర్నయినా ఓడించొచ్చు’ అని కేన్ మామ చెప్పుకొచ్చాడు. కేన్ మామ కామెంట్స్పై నెటిజన్స్ ఒక్కోలా స్పందిస్తున్నారు. ఇన్డైరెక్ట్గా తమను తక్కువ అంచనా వేయొద్దని విలియమ్సన్ భారత్కు వార్నింగ్ ఇచ్చాడని అంటున్నారు. మరి.. విలియమ్సన్ వ్యాఖ్యలపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: సెమీస్ అంటే భయపడాల్సింది టీమిండియా కాదు న్యూజిలాండ్.. ఎందుకంటే..?
Captain Kane Williamson spoke on some key points in the press conference ahead of the big semi-final against India in Mumbai. pic.twitter.com/UgCJFZWPPO
— CricTracker (@Cricketracker) November 14, 2023
