టీమిండియా టాప్ ప్లేయర్స్ రోహిత్ శర్మ, విరాట్ కోహ్లీ కెరీర్పై పాక్ లెజెండ్ వసీం అక్రమ్ షాకింగ్ కామెంట్స్ చేశాడు. అసలు ఆయన ఏమన్నాడో ఇప్పుడు చూద్దాం..
టీమిండియా టాప్ ప్లేయర్స్ రోహిత్ శర్మ, విరాట్ కోహ్లీ కెరీర్పై పాక్ లెజెండ్ వసీం అక్రమ్ షాకింగ్ కామెంట్స్ చేశాడు. అసలు ఆయన ఏమన్నాడో ఇప్పుడు చూద్దాం..
క్రికెట్ లవర్స్ను రెండు నెలల పాటు అలరించిన వన్డే వరల్డ్ కప్-2023 ముగిసింది. దీంతో ఇప్పుడు అందరి ఫోకస్ వచ్చే ఏడాది జరిగే టీ20 ప్రపంచ కప్ మీద పడింది. పొట్టి ఫార్మాట్లో కప్పు కొట్టడంపై అన్ని టీమ్స్ ఫోకస్ పెడుతున్నాయి. ఆ వరల్డ్ కప్కు మరో 7 నెలల టైమ్ మాత్రమే మిగిలి ఉండటంతో సన్నద్ధతకు పదును పెడుతున్నాయి. భారత జట్టు కూడా వరుసగా టీ20 సిరీస్ల్లో ఆడుతూ ప్రిపరేషన్స్ను గట్టిగా ప్లాన్ చేస్తోంది. మధ్యలో ఇండియన్ ప్రీమియర్ లీగ్ (ఐపీఎల్)లో కూడా ఆడతారు కాబట్టి మన క్రికెటర్ల సన్నద్ధతకు ఢోకా లేదు. అయితే వచ్చే టీ20 వరల్డ్ కప్లో భారత స్టార్ ప్లేయర్లు విరాట్ కోహ్లీ, రోహిత్ శర్మ ఆడతారా? లేదా? అనే దానిపై సందిగ్ధత నెలకొంది.
గత సంవత్సరం జరిగిన టీ20 వరల్డ్ కప్ సెమీఫైనల్ మ్యాచ్ తర్వాత రోహిత్ శర్మ, విరాట్ కోహ్లీ పొట్టి ఫార్మాట్లో ఆడలేదు. ఈ ఏడాది 50 ఓవర్ల ఫార్మాట్లో వరల్డ్ కప్ ఉండటంతో కేవలం వన్డేలు, టెస్టులకే పరిమితం అయ్యారు. ఈసారి మెగా టోర్నీలో రోహిత్-కోహ్లీలు తమ పెర్ఫార్మెన్స్తో దుమ్మరేపినప్పటికీ టీమ్కు కప్పును మాత్రం అందించలేకపోయారు. దీంతో వీళ్లిద్దరి కెరీర్పై అనేక ప్రశ్నలు వస్తున్నాయి. టీ20ల్లో ఆడతారా? లేదా టెస్టులు, వన్డేల్లోనే వీరు కంటిన్యూ అవుతారా? అనే ప్రశ్నలు తలెత్తుతున్నాయి. అయితే ఈ విషయంలో ఫైనల్ డెసిషన్ను ఈ ఇద్దరు స్టార్లకే వదిలేసిందట బీసీసీఐ.
ఏ ఫార్మాట్లో కంటిన్యూ అవ్వాలి, దేనికి దూరంగా ఉండాలని కోహ్లీ-రోహిత్నే తేల్చుకోమని బీసీసీఐ వదిలేసిందని క్రికెట్ వర్గాలు అంటున్నాయి. కెరీర్ కొనసాగింపు విషయంలో ఈ ఇద్దరు లెజెండరీ బ్యాటర్లకు భారత క్రికెట్ బోర్డు పూర్తి స్వేచ్ఛను ఇచ్చిందని సమాచారం. ఈ నేపథ్యంలో పాకిస్థాన్ దిగ్గజ క్రికెటర్ వసీం అక్రమ్ ఈ విషయంపై రియాక్ట్ అయ్యాడు. రాబోయే టీ20 వరల్డ్ కప్లో రోహిత్ శర్మ, విరాట్ కోహ్లీ తప్పకుండా ఆడాలని ఆయన అభిప్రాయపడ్డాడు. పొట్టి ఫార్మాట్లో ప్రపంచ కప్కు ఇంకా ఎక్కువ టైమ్ లేదని.. అయితే అందులో ఆడే భారత టీమ్లో మాత్రం రోహిత్, కోహ్లీ తప్పకుండా ఉండాలన్నాడు అక్రమ్.
‘టీ20 వరల్డ్ కప్కు ఇంకా ఎక్కువ సమయం లేదు. ఆ టోర్నమెంట్లో ఎవర్ని ఆడించాలంటే మాత్రం నేను కోహ్లీ, రోహిత్ను ఎంచుకుంటా. వాళ్లిద్దరూ టీమిండియాకు చాలా కీలకం. దీంట్లో ఎలాంటి సందేహం లేదు. టీ20ల్లో యంగ్స్టర్స్తో పాటు ఎక్స్పీరియెన్స్ ఉన్నవాళ్లూ కావాలి. పూర్తిగా యువకుల మీదే డిపెండ్ అవ్వలేం’ అని వసీం అక్రమ్ చెప్పుకొచ్చాడు. అక్రమ్తో పాటు చాలా మంది సీనియర్లు వచ్చే టీ20 వరల్డ్ కప్లో రోహిత్, కోహ్లీని ఆడించాలని సూచిస్తున్నారు. వీళ్ల అనుభవం టీమిండియాకు కలిసొస్తుందని.. ఇలాంటి ప్లేయర్లు టీమ్లో ఉంటే అపోజిషన్ టీమ్స్ భయపడతాయని అంటున్నారు. అటాకింగ్కు దిగే హిట్మ్యాన్, ఇన్నింగ్స్ను బిల్డ్ చేసే కోహ్లీ ఉంటే భారత్కు ఢోకా ఉండదని చెబుతున్నారు. మరి.. రోహిత్, కోహ్లీ కెరీర్ విషయంలో వసీం అక్రమ్ చేసిన వ్యాఖ్యల మీద మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: ద్రవిడ్ ఐపీఎల్ రీఎంట్రీ ఫిక్స్.. ఆ ఫ్రాంచైజీకి మెంటార్గా వెళ్లనున్న మిస్టర్ కూల్!
Wasim Akram said “Virat Kohli & Rohit Sharma should be picked for the T20 World Cup 2024”. [Sportskeeda] pic.twitter.com/snS5m5yCsH
— Johns. (@CricCrazyJohns) November 24, 2023
