రౌడీస్టార్ విజయ్ దేవరకొండకు యూత్లో ఉన్న ఫ్యాన్ ఫాలోయింగ్ గురించి ఎంత చెప్పినా తక్కువే. తన మేనరిజమ్స్, యాటిట్యూడ్, లుక్స్, డిఫరెంట్ డైలాగ్ డెలివరీతో కోట్లాది మంది ఫ్యాన్స్ హృదయాల్లో ఆయన ప్లేస్ను సంపాదించుకున్నారు. ముఖ్యంగా యువతలో ఆయనకు ఉన్న ఫాలోయింగ్ వేరే లెవల్ అని చెప్పాలి. టాలీవుడ్తో పాటు బాలీవుడ్లోనూ ఆయనకు మంచి పాపులారిటీ ఉంది. అందుకే ఆయన నటించిన ‘లైగర్’ మూవీని పాన్ ఇండియా రేంజ్లో భారీగా రిలీజ్ చేశారు. కానీ ఆ చిత్రం రౌడీస్టార్కు నిరాశనే మిగిల్చింది. ఆ సినిమా ఫెయిల్యూర్ నుంచి కోలుకునేందుకు విజయ్తో పాటు దర్శకుడు పూరీ జగన్నాథ్కు చాలా టైమ్ పట్టింది.
‘లైగర్’ రిజల్ట్ నుంచి తేరుకున్న విజయ్ దేవరకొండ తన తర్వాతి ప్రాజెక్టులపై ఫోకస్ పెట్టారు. ఈ క్రమంలో ఆయన ఒప్పుకున్న చిత్రమే ‘ఖుషి’. శివ నిర్వాణ దర్శకత్వంలో రూపొందుతున్న ఈ మూవీలో విజయ్ సరసన సమంత కథానాయికగా యాక్ట్ చేస్తున్నారు. ‘ఖుషి’ షూటింగ్ దాదాపుగా పూర్తి కావొచ్చిందని తెలుస్తోంది. సెప్టెంబర్ 1వ తేదీన ఈ సినిమాను బహు భాషల్లో రిలీజ్ చేసేందుకు మేకర్స్ ప్లాన్ చేస్తున్నారు. ఈ మూవీ నుంచి తాజాగా ‘ఆరాధ్య..’ అనే పాట రిలీజైంది. ఇందులో సమంత, విజయ్ల మధ్య రొమాన్స్, కెమిస్ట్రీ అందర్నీ ఆకట్టుకుంటోంది. ఈ పాటపై తాజాగా రౌడీ హీరో ఆసక్తికర వ్యాఖ్యలు చేశారు. తాను పెళ్లి చేసుకున్నాక ఈ సాంగ్లో చూపించిన విధంగా ఉండాలని కోరుకుంటున్నానని తెలిపారు.
‘ఖుషి’ ఫిల్మ్లో తనకు ఇష్టమైన పాటల్లో ‘ఆరాధ్య..’ ఒకటని విజయ్ చెప్పుకొచ్చారు. మ్యారేజ్ చేసుకున్న తర్వాత ఏడాది పాటు జంట ఎలా ఉంటుందో ఈ సాంగ్లో చూపించామని తెలిపారు. ఈ పాటలో భార్యాభర్తల మధ్య ఉండే అనుబంధాన్ని అందంగా చిత్రీకరించామని పేర్కొన్నారు. తాను ఇంకా పెళ్లి చేసుకోలేదని.. కానీ ఫ్యూచర్లో తన వైవాహిక జీవితం ఈ పాటలో ఉన్నట్లే ఉండాలని కోరుకుంటున్నానని విజయ్ దేవరకొండ వ్యాఖ్యానించారు. ఇకపోతే, గత కొన్నాళ్లుగా విజయ్, రష్మికా మందన్న లవ్లో ఉన్నారనే న్యూస్ ప్రచారంలో ఉంది. రీసెంట్గా డిన్నర్ డేట్స్, హాలీడే వెకేషన్స్కు వెళ్లి రావడం ఆ గాసిప్స్కు మరింత ఆజ్యం పోసినట్లయింది. అయితే తమ మధ్య ఉన్నది కేవలం స్నేహం మాత్రమేనని ఇప్పటికే ఈ జంట పలుమార్లు చెప్పిన విషయం తెలిసిందే.
