Ram Charan:యాక్టింగ్ స్కూల్లో రామ్ చరణ్ ఫస్డ్ డే.. వైరల్ అవుతున్న వీడియో

జీవితంలో ఎవరైనా సరే కింది స్థాయి నుంచి పైకి రావాల్సిందే. చిరంజీవి అయినా సరే ప్రతి సినిమాలో తన నటనను మెరుగుపరుచుకుంటూ వచ్చారు కాబట్టే.. ఈరోజు మెగాస్టార్ అనే ట్యాగ్ తో ఇండస్ట్రీలో తిరుగులేని హీరోగా నిలిచారు. అలాగే, ఆ హీరో కొడుకుగా ఇండస్ట్రీలో అడుగుపెట్టినంత మాత్రాన అతనిని కూడా ప్రేక్షకులు ఆదరిస్తారు అనుకోవడం పొరపాటే. ఎవరైతే తమ నటనతో ప్రేక్షకులను ఆకట్టుకుంటారో.. వారిని మాత్రమే సినీ ప్రియులు అభిమానులుగా ఆదరించి.. ఇండస్ట్రీలో ప్రత్యేక స్థానాన్ని ఇస్తారు. ఇలా తనకంటూ ప్రత్యేక అభిమానులను సొంతం చేసుకున్నాడు మెగా పవర్ స్టార్ రామ్ చరణ్. అయితే, ఇప్పుడు రామ్ చరణ్ ఇండస్ట్రీలోకి అడుగు పెట్టకముందు రికార్డు చేసిన వీడియో ఒకటి నెట్టింట చక్కర్లు కొడుతోంది.

రామ్ చరణ్ తను నటించిన మొదటి చిత్రం నుంచి ఇప్పుడు రాబోతున్న చిత్రాల వరకు.. ప్రతి సినిమాలోను తన నటనను మెరుగుపరచుకుంటూ.. ఇప్పుడు పాన్ ఇండియా గ్లోబల్ స్టార్ గా ఎదిగాడు. ఆర్ ఆర్ ఆర్ చిత్రంతో ఈ హీరో స్థాయి ఒక్కసారిగా మారిపోయింది. ఈ చిత్రంలో తన నటనతో ఎంతో మంది ఆడియన్సును ఆకట్టుకున్నాడు రామ్ చరణ్. అయితే, ఇప్పుడు నెట్టింట చక్కర్లు కొడుతున్న వీడియో రామ్ చరణ్ ఇండస్ట్రీకి రాకముందు.. యాక్టింగ్ స్కూల్ లో ఉన్నప్పటి వీడియో. ఈ వీడియోలో చరణ్ తన యాక్టింగ్ స్కూల్ లో ట్రైనింగ్ తీసుకుంటున్నాడు. అయితే, ట్రైనింగ్ స్టార్ట్ చేయడానికి ముందు స్టేజ్ ఫియర్ పోవడానికి.. కొన్ని వ్యాయామాలు చేయిస్తారు. అలా చరణ్ మొదటిసారి ట్రైనింగ్ పొందుతున్నపుడు రికార్డు చేసిన వీడియో.. ఇప్పుడు వైరల్ అవుతోంది.

ఆ వీడియోలో చరణ్ కాస్త మొహమాట పడుతూ.. సిగ్గుతో అందరిముందు వ్యాయాయం చేశాడు. ఆ వీడియోలో యాక్టింగ్ ను ఇప్పుడు చరణ్ యాక్టింగ్ ను చూస్తే.. ఈ హీరో తన నటనను మెరుగుపరుచుకున్న విధానానికి మెచ్చుకుని తీరాల్సిందే. తన కెరీర్ ప్రారంభంలో ఎవరైతే చరణ్ ను విమర్శించారో వారే తిరిగి ఇప్పుడు ప్రశంసించేలా.. తన స్థాయిని పెంచుకున్నాడు ఈ హీరో. ఈ వీడియో చూసిన అభిమానులు.. హీరోగా తనను తాను నిరూపించుకునేందుకు చరణ్ ఎప్పుడో ప్రయాణం మొదలు పెట్టాడని.. తన నిరంతర శ్రమ, పట్టుదలతో ఇప్పుడు గ్లోబల్ స్టార్ పేరును కూడా సంపాదించాడని.. కామెంట్స్ చేస్తున్నారు.

కాగా, చరణ్ ఆర్ ఆర్ ఆర్ చిత్రం తర్వాత మళ్లీ వెండి తెరపైకి రాలేదు. ప్రస్తుతం డైరెక్టర్ శంకర్ దర్శకత్వం వహిస్తున్న.. గేమ్ ఛేంజర్ చిత్రంలో నటిస్తున్నాడు. దీనితో అభిమానులు ఈ హీరో చిత్రం కోసం చాలా ఆసక్తిగా ఎదురు చూస్తున్నారు. భారీ బడ్జెట్ తో రూపొందించిన ఈ చిత్రం.. భారీ అంచనాల మధ్యన వచ్చే ఏడాది థియేటర్ లలో విడుదల కానుంది. ఏదేమైనా, రామ్ చరణ్ తన నటనను మెరుగు పరుచుకుంటూ.. ప్రతి సినిమాలోనూ ఆ వేరియేషన్ ను కనబరుస్తూనే ఉన్నారని, చెప్పడానికి ఈ వీడియో ఉదాహరణగా నిలిచిపోతుంది. మరి, ఈ వీడియోపై మీ అభిప్రాయాలను కామెంట్స్ రూపంలో తెలియజేయండి.

Em chesthunnadu ra vedu
Ram hassan 😂 pic.twitter.com/2N4vWFkawD

— KIRAN ‘NTR’ (@NTRcult4ever) December 28, 2023