OTTలు అందుబాటులోకి వచ్చినప్పటి నుంచి ప్రేక్షకులు థియేటర్ లో మిస్ అయిన సినిమాలను ఎప్పుడెప్పుడు ఇందులో చూద్దామా అని ఎదురుచూస్తూ ఉంటారు. ఇక ప్రముఖ ఓటీటీలు సైతం కొత్త సినిమాలు, సిరీస్ లతో ప్రేక్షకులను అలరిస్తున్నాయి. ఈ క్రమంలోనే చాలా గ్యాప్ తర్వాత హీరోయిన్ అనుష్క మిస్ శెట్టి మిస్టర్ పొలిశెట్టి సినిమాతో వెండితెరపై మెరిసింది. సెప్టెంబర్ 7న రిలీజ్ అయిన ఈ మూవీ.. పాజిటీవ్ టాక్ తో ఇప్పటి వరకు దాదాపు రూ. 50 కోట్ల వసూళ్లు రాబట్టినట్లు సమాచారం. తాజాగా ఈ మూవీ ఓటీటీలోకి వస్తున్నట్లు అఫీషియల్ గా ప్రకటించింది సంస్థ. మరి ఈ చిత్రం ఏ ఓటీటీలో, ఎప్పటి నుంచి స్ట్రీమింగ్ అవుతుందో తెలుసుకుందాం.
అనుష్క-నవీన్ పొలిశెట్టి ప్రధాన పాత్రల్లో తెరకెక్కిన చిత్రం ‘మిస్ శెట్టి మిస్టర్ పొలిశెట్టి’. డైరెక్టర్ పి. మహేశ్ బాబ్ ఈ చిత్రాన్ని అద్భుతంగా తెరకెక్కించగా.. ప్రేక్షకుల నుంచి మంచి స్పందన లభించింది. చిరంజీవి తొలి ప్రేక్షకుడిగా ఇచ్చిన రివ్యూతో.. సినిమాకు తొలి షో నుంచే పాటిటీవ్ టాక్ రావడం మెుదలైంది. ఇక ఈ సినిమా ప్రముఖ ఓటీటీ సంస్థ అయిన నెట్ ఫ్లిక్స్ లో అక్టోబర్ 5 నుంచి స్ట్రీమింగ్ అవుతుందని అఫీషియల్ గా ప్రకటించింది. తెలుగుతో పాటు మలయాళం, కన్నడ, తమిళ్, హిందీలో అందుబాటులో ఉంటుందని సంస్థ తెలిపింది. దీంతో ఈ మూవీ కోసం ఎదురుచూస్తున్న అభిమానుల ఎదురుచూపులకు తెరపడింది. ఇక ఈ మూవీలో నవీన్ పొలిశెట్టి జాతిరత్నాలు సినిమాలో కంటే రెట్టింపు వినోదం అందించాడని సినీ ప్రముఖులు అతడి నటనపై ప్రశంసలు కురిపించారు.
When a Chef and a comic team up, you know they’re cooking up something hilarious! 😂❤️
Miss Shetty Mr Polishetty is coming to Netflix on October 5th in Telugu, Tamil, Malayalam, Kannada and Hindi! ❤️✨ #MissShettyMrPolishettyOnNetflix pic.twitter.com/Cole3cVa1M
— Netflix India South (@Netflix_INSouth) September 30, 2023
