చిన్న చిత్రాలను ఆదరించడానికి ప్రేక్షకులు ఎప్పుడూ రెడీగా ఉంటారు. ఎన్నో సినిమాల విజయాల ద్వారా ఇది రుజువైంది. అయితే కంటెంట్లో దమ్ముండాలి. కథ, కథనాలు బాగుంటే మూవీ చిన్నదా, పెద్దదా అనేది ఆడియెన్స్ పెద్దగా పట్టించుకోరు. ఇటీవల రిలీజైన ‘బేబీ’ చిత్రం ద్వారా ఇది మరోమారు ప్రూవ్ అయింది. ‘హృదయ కాలేయం’ ఫేమ్ సాయి రాజేష్ తెరకెక్కించిన ఈ ఫిల్మ్లో ఆనంద్ దేవరకొండ, వైష్ణవీ చైతన్య, విరాజ్ అశ్విన్ ప్రధాన పాత్రల్లో నటించారు. బిగ్ స్టార్స్ లేకపోయినా ఈ మూవీకి ఆడియెన్స్లో మంచి బజ్ నెలకొంది. ‘ఆ రెండు మేఘాలిలా..’ పాట సూపర్ హిట్టవ్వడం, ప్రమోషన్స్ కూడా బాగా చేయడంతో ‘బేబీ’పై అంచనాలు పెరిగిపోయాయి.
ప్రీమియర్‌ షోస్కు పాజిటివ్ టాక్ రావడంతో ‘బేబీ’ రిలీజ్ కోసం ప్రేక్షకులు ఆసక్తిగా ఎదురు చూశారు. విడుదలైనప్పటి నుంచి సినిమా బాక్సాఫీస్ను షేక్ చేస్తోంది. రిలీజైన మూడ్రోజుల్లోనే బ్రేక్ ఈవెన్ను పూర్తి చేసి లాభాల బాట పట్టింది. ఈ నేపథ్యంలో మూవీ యూనిట్ నిర్వహించిన సక్సెస్ మీట్లో ‘బేబీ’ దర్శకుడు సాయి రాజేష్ ఆసక్తికర వ్యాఖ్యలు చేశారు. ఈ సినిమా కథను ఒక హీరో దగ్గరకు వెళ్లి చెబితే.. ఆయనను భరించలేనని అర్థం చేసుకొని వెనక్కి వచ్చేశారట. మరో హీరోకు ప్రొడక్షన్ హౌజ్ నుంచి కాల్ వెళ్లిందట. కానీ ‘హృదయ కాలేయం’ దర్శకుడు అని చెప్పగానే స్టోరీ కూడా వినను అని ఆ హీరో అన్నారట.
ఆ హీరో మాటలు విని తానెంతో బాధపడ్డానని సాయి రాజేష్ చెప్పుకొచ్చారు. ఆ మాటలతో రాత్రి నిద్రపట్టలేదని తెలిపారు. ఆ హీరో మాటలు విని ‘బేబీ’ రైటింగ్ స్టైల్ను పూర్తిగా మార్చేశానని పేర్కొన్నారు. అయితే ఆ హీరో ఎవరనేది మాత్రం ఆయన వెల్లడించలేదు. ‘బేబీ’కి కలెక్షన్లు బ్రహ్మండంగా వస్తున్నా.. అదే టైమ్లో సినిమాపై మిక్స్డ్ టాక్ కూడా వినిపిస్తోంది. దీని పైనా సాయి రాజేష్ స్పందించారు. ఈ చిత్రం విషయంలో కొన్ని తప్పులు జరిగాయని.. అందుకే సక్సెస్ను పూర్తిగా ఎంజాయ్ చేయలేకపోతున్నానని వ్యాఖ్యానించారు. తనకు మిక్స్డ్ ఎమోషన్స్ ఉన్నాయన్నారు. మరి.. ‘బేబీ’ మూవీని మీరు చూశారా? ఒకవేళ చూస్తే మీకు ఎలా అనిపించిందో కామెంట్ల రూపంలో తెలియజేయండి.
