HYD సాఫ్ట్ వేర్ కంపెనీలో అగ్ని ప్రమాదం.. భయంతో పరుగులు తీసిన ఉద్యోగులు

హైదరాబాద్ జూబ్లీహిల్స్‌లో భారీ అగ్ని ప్రమాదం చోటుచేసుకుంది. జర్నలిస్టు కాలనీ బస్టాఫ్ ఎదురుగా ఉన్న బహుళ అంతస్తుల భవనంలో ఒక్కసారిగా మంటలు అలముకున్నాయి. ఓ సాఫ్ట్ వేర్ కంపెనీలో ఈ ప్రమాదం జరిగినట్లు తెలుస్తుంది. నాల్గవ అంతస్తులో తొలుత పొగలు వచ్చి.. ఆ వెంటనే మంటలు అలముకున్నాయి. మంటలు రావడంతో భయాందోళనకు గురైన ఉద్యోగులు.. వెంటనే బయటకు పరుగులు తీశారు. వెంటనే అగ్నిమాపక సిబ్బందికి సమాచారం అందించారు. ఘటనా స్థలానికి హుటాహుటిన చేరుకున్నఅగ్ని మాపక సిబ్బంది మంటలను అదుపు చేసే ప్రయత్నం చేస్తున్నారు. దీంతో ఆ ప్రాంతమంతా దట్టమైన పొగ అలముకుంది.

ఈ అగ్ని ప్రమాదం మంగళవారం మధ్యాహ్నం ఓ సాఫ్ట్ వేర్ కంపెనీలో జరిగింది. అప్రమత్తమైన ఉద్యోగులు.. వెంటనే బయటకు పరుగులు తీయడంతో ఎటువంటి ప్రాణ నష్టం వాటిల్లలేదని తెలుస్తుంది. అయితే షార్ట్ సర్క్యూట్ వల్ల ఈ ఫైర్ యాక్సిడెంట్ జరిగినట్లు తెలుస్తుంది. దీంతో మంటలు అలముకున్నట్లు తెలుస్తుంది. నిబంధనలకు విరుద్దంగా పార్కింగ్ ఏరియాను భవనం ఓనర్.. స్టోర్ రూంగా వాడుతున్నట్లు సమాచారం. ఇదిలా ఉంటే.. ఈ ఘటనపై కేసు నమోదు చేసుకున్న పోలీసులు విచారణ చేపడుతున్నారు. ఈ ప్రమాదం ఎలా జరిగిన దానిపై దర్యాప్తు చేస్తున్నారని తెలుస్తోంది. మరిన్ని వివరాలు తెలియాల్సి ఉంది.