హైదరాబాద్‌ నగరంలో ఈ సాయంత్రం వర్షం దంచి కొట్టింది. పలు ప్రాంతాల్లో కుండపోతం వర్షం కురిసింది. లోతట్టు ప్రాంతాలు మొత్తం జలమయం అయ్యాయి. నాలాలు ఉప్పొంగాయి. మురుగు నీరు రోడ్లపై పొంగి ప్రవహించింది. ఈ నేపథ్యంలోనే ఖైరతాబాద్‌లో ఓ భయంకరమైన సంఘటన చోటుచేసుకుంది. ఓ మొసలి రోడ్డుపైకి కొట్టుకు వచ్చింది. ఖైరతాబాద్, చింతల్‌ బస్తీ టౌన్‌ షిప్‌లో నిర్మాణంలో ఉన్న ఓ వంతెన దగ్గర మొసలి దర్శనం ఇచ్చింది. దీంతో జనం భయపడిపోయారు. దాన్ని అక్కడినుంచి తరిమేసే ప్రయత్నం చేశారు. అది కూడా భయపడిపోయి అరవటం మొదలుపెట్టింది. దాని అరుపుతో జనం జడుసుకున్నారు.
జనం తలో దిక్కూ పరుగులుపెట్టారు. ఆ తర్వాత కొంతమంది అటవీశాఖ అధికారులకు, జీహెచ్‌ఎంసీ అధికారులకు ఫోన్‌ చేశారు. భారీ వర్షం కారణంగా మొసలి డ్రైనేజీ నీటి లోంచి కొట్టుకు వచ్చి ఉంటుందని, ఏం భయపడవద్దని అధికారులు తెలిపారు. ఆ మొసలి ఏమైంది? ఎక్కడికి వెళ్లింది? అధికారులు దాన్ని పట్టుకున్నారా? లేక వారు అక్కడికి వేళ్లే లోగా అది అక్కడినుంచి వెళ్లిపోయిందా? అన్నది తెలియరావాల్సి ఉంది. మరి, ఖైరతాబాద్, చింతల్‌ బస్తీలో మొసలి రోడ్డుపైకి రావటంపై మీ అభిప్రాయాలను కామెంట్ల రూపంలో తెలియజేయండి.
