తక్కువ ధరకే Moto నుంచి సరికొత్త 5G స్మార్ట్ ఫోన్.. ఫీచర్లు ఇవే..!

స్మార్ట్ ఫోన్ యూజర్లకు గుడ్ న్యూస్. ప్రముఖ మొబైల్ తయారీ సంస్థ మోటరోలా తక్కువ ధరకే 5జీ స్మార్ట్ ఫోన్ ను తీసుకొచ్చింది. అద్భుతమైన ఫీచర్లతో రూపొందించిన ఈ ఫోన్ బడ్జెట్ ధరల్లోనే అందుబాటులో ఉండనుంది. ఈ మధ్య కాలంలో కొత్త స్మార్ట్ ఫోన్ తీసుకోవాలనే ప్లాన్ లో ఉన్నవారు ఈ స్మార్ట్ ఫోన్ ను తీసుకోవచ్చు. తాజాగా మోటో జీ34 5జీ పేరుతో స్మార్ట్ ఫోన్ ను భారత మార్కెట్ లో ప్రవేశపెట్టింది. మోటరోలా కంపెనీకి చెందిన ఈ సరికొత్త 5జీ స్మార్ట్‌ఫోన్ రూ.10 వేల లోపు ధరతో కొనుగోలు చేయొచ్చు. 50ఎంపీ ప్రధాన కెమెరా, ఫాస్ట్‌ ఛార్జింగ్‌ సదుపాయం వంటి ఇంకెన్నో ఫీచర్లు, మైక్రో ఎస్‌డీ కార్డ్‌ ద్వారా స్టోరేజీని 1 టీబీ వరకు పెంచుకోవచ్చని కంపెనీ ప్రకటించింది.

మోటో జీ34 5జీ ఫోన్‌ రెండు వేరియంట్స్‌లో అందుబాటులో ఉండనుంది. 4జీబీ+128జీబీ వేరియంట్‌ ధర రూ.10,999గా కంపెనీ నిర్ణయించింది. 8జీబీ+ 128జీబీ వేరియంట్‌ ధర రూ.11,999గా కంపెనీ పేర్కొంది. ఈ స్మార్ట్ ఫోన్ చార్‌కోల్ బ్లాక్, ఐస్ బ్లూ, ఓషన్ గ్రీన్ కలర్స్ లో లభిస్తుంది. జవనరి 17 నుంచి సేల్స్ ప్రారంభం కానున్నాయని కంపెనీ వెల్లడించింది. ప్రముఖ ఈ కామర్స్ సంస్థ ఫ్లిప్‌కార్ట్‌తో పాటు అన్ని రిటైల్‌ షాపుల్లో కొనుగోలు చేయొచ్చని కంపెనీ స్పష్టం చేసింది. ఫ్లిప్‌కార్ట్‌ ఎక్స్ఛేంజీ ఆఫర్‌ సాయంతో కొనుగోలు చేస్తే రూ.1000 డిస్కౌంట్ లభిస్తుంది. అప్పుడు మీరు ఎక్స్ఛేంజ్ ఆఫర్ యొక్క ప్రయోజనాన్ని పొందినట్లయితే, ఈ ఫోన్ యొక్క 4 జీబీ వేరియంట్ రూ. 9,999కి దక్కించుకోవచ్చు.

ఫీచర్స్:

• డిస్ప్లే: ఈ ఫోన్ 6.5 అంగుళాల హెచ్‌డి ప్లస్ ఐపిఎస్ డిస్‌ప్లేను 500 నిట్స్ పీక్ బ్రైట్‌నెస్ మరియు 120 హెర్ట్జ్ రిఫ్రెష్ రేట్ సపోర్ట్‌ కలిగి ఉంది.
• చిప్‌సెట్: అక్టా కోర్‌ స్నాప్‌డ్రాగన్‌ 695 ప్రాసెసర్‌ను అమర్చారు.
• కెమెరా : ఫోన్ వెనుక భాగంలో 50-మెగాపిక్సెల్ ప్రైమరీ కెమెరా సెన్సార్ మరియు 2-మెగాపిక్సెల్ మాక్రో కెమెరా సెన్సార్ అందించబడ్డాయి. సెల్ఫీ కోసం 16-మెగాపిక్సెల్ ఫ్రంట్ కెమెరా సెన్సార్ అందుబాటులో ఉంటుంది.
• కనెక్టివిటీ: 5G, 3.5 mm ఆడియో జాక్, స్టీరియో స్పీకర్లు మరియు Dolby Atmos సపోర్ట్‌తో వస్తున్న ఈ తాజా హ్యాండ్‌సెట్‌లో భద్రత కోసం సైడ్ మౌంట్ ఫింగర్ ప్రింట్ సెన్సార్ ఉంటుంది.
• బ్యాటరీ: 20 వాట్ల టర్బోచార్జింగ్ సపోర్ట్‌తో వస్తున్న ఈ మోటరోలా స్మార్ట్‌ఫోన్‌లో 5000 mAh బ్యాటరీ సామార్థ్యం ఉంది.

Behold! You’re in for a #FastNWow experience. The #MotoG345G has the segment’s fastest 5G performance, Snapdragon® 695 & a vegan leather design.
Starting at ₹9,999 (Inc. exchange offer)*.
Sale starts 17th January on @Flipkart , https://t.co/azcEfy1Wlo & retail stores.
*T&C apply pic.twitter.com/qfk5m8TVeC

— Motorola India (@motorolaindia) January 9, 2024