వన్డే వరల్డ్ కప్-2023లో ఆస్ట్రేలియా తప్ప మిగిలిన బిగ్ టీమ్స్ అన్నీ ఎక్స్పెక్టేషన్స్కు తగ్గట్లు ఆడుతున్నాయి. కంగారూలు మాత్రం అంచనాలను అందుకోవడంలో ఫెయిల్ అవుతున్నారు. ప్రపంచ కప్కు సన్నాహకంగా భారత్తో వన్డే సిరీస్ ఆడినా కూడా మెగా టోర్నీలో ఆ ఎక్స్పీరియెన్స్ను చూపించలేకపోతున్నారు. వరల్డ్ కప్లో ఆడిన మొదటి మ్యాచ్లోనే టీమిండియా చేతిలో ఓడింది ఆసీస్. ఆ మ్యాచ్లో బ్యాటింగ్లో ఫ్లాప్ అయిన కమిన్స్ సేన.. బౌలింగ్ బాగానే చేసింది. ఆరంభంలోనే మూడు వికెట్లు తీసి ఆధిపత్యం ప్రదర్శించింది. అయితే టీమిండియాపై ఒత్తిడిని కొనసాగించలేకపోయింది. దీంతో 6 వికెట్ల తేడాతో ఓటమి తప్పలేదు.
టీమిండియా మీద ఫైట్ చేసి ఓడిన ఆస్ట్రేలియా.. రెండో మ్యాచులోనైతే ఘోరంగా ఓడిపోయింది. సౌతాఫ్రికాతో జరిగిన మ్యాచ్లో కనీస పోరాటం ఇవ్వకుండానే చేతులెత్తేసింది. ఆ మ్యాచ్లో ఏకంగా 134 రన్స్ తేడాతో ఓడి మెగా టోర్నీలో వరుసగా రెండో పరాజయాన్ని మూటగట్టుకుంది. ఐదుసార్లు వన్డే ప్రపంచ కప్ గెలిచిన జట్టుకు ఇలాంటి దుస్థితి రావడం ఏంటని కంగారూ టీమ్ ఫ్యాన్స్తో పాటు క్రికెట్ అభిమానులు అందరూ షాకవుతున్నారు. బ్యాటింగ్తో పాటు బౌలింగ్, ఫీల్డింగ్లో ఆసీస్ ఫెయిలవ్వడంపై సీరియస్ అవుతున్నారు. ముఖ్యంగా ఆ టీమ్ ఫీల్డింగ్ చూసి.. అసలు గ్రౌండ్లో ఉంది ఆస్ట్రేలియానేనా? అని ప్రశ్నిస్తున్నారు.
ఒకవైపు వరుస ఓటములతో ఆసీస్ డీలాపడిన టైమ్లో ఆ జట్టు పరువు తీసేశాడు గ్లెన్ మ్యాక్స్వెల్. సౌతాఫ్రికాతో మ్యాచ్లో 312 రన్స్ ఛేజింగ్ చేసే క్రమంలో ఆసీస్ 70 పరుగులకే ఆరు వికెట్లను కోల్పోయింది. టీమ్ స్కోర్ 80/6 వద్ద ఉన్నప్పుడు మ్యాక్స్వెల్ డ్రెస్సింగ్ రూమ్ బయట స్మోక్ చేస్తూ కనిపించాడు. గ్రౌండ్లోని కెమెరాలు కంగారూ డ్రెస్సింగ్ రూమ్ వైపుగా తిప్పడంతో మ్యాక్సీ సిగరెట్ తాగుతుండటం బయటపడింది. ఈ స్టార్ ఆల్రౌండర్ చేసిన పని సోషల్ మీడియాలో తెగ వైరల్ అవుతోంది. డ్రెస్సింగ్ రూమ్లో స్మోకింగ్ చేయడానికి పర్మిషన్ ఉందా? అని నెటిజన్స్ క్వశ్చన్ చేస్తున్నారు. ఆసీస్ కాదు క్రికెట్ పరువు తీశావంటూ ఫైర్ అవుతున్నారు. మరికొందరేమో స్మోక్ మ్యాక్సీ అంటూ కామెంట్ చేస్తున్నారు. మరి.. డ్రెస్సింగ్ రూమ్లో మ్యాక్స్వెల్ చేసిన పనిపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: కేన్ విలియమ్సన్ను వదలని శని.. ఇలా వచ్చాడో లేదో వెంటనే..!
Glenn Maxwell caught vaping e-cigarette in dressing room during Australia vs South Africa clash #cricket #SAvAUS #CWC23 #GlennMaxwell #ODI #worldcup #ODIWorldCup2023 #CricketTwitter https://t.co/uPa1uZhJKy
— CricketTimes.com (@CricketTimesHQ) October 13, 2023
Haarcb blood Maxwell smoking ..🚭😭 #INDvPAK #IndiaVsPakistan#SAvsAUS pic.twitter.com/igrpM3JDkm
— ms dhoni (@mahi2007_11_13) October 13, 2023
