వన్డే వరల్డ్ కప్ సందడి మొదలైపోయింది. ఈసారి మెగాటోర్నీలో తొలి మ్యాచులోనే అనూహ్యమైన రిజల్ట్ వచ్చింది. ఎవరూ ఎక్స్పెక్ట్ చేయని విధంగా డిఫెండింగ్ ఛాంపియన్ ఇంగ్లండ్ను రన్నరప్ న్యూజిలాండ్ మట్టికరిపించింది. ఈ మ్యాచులో కివీస్పై ఎవరూ పెద్దగా అంచనాలు పెట్టుకోలేదు. పటిష్టమైన ఇంగ్లీష్ టీమ్ ముందు న్యూజిలాండ్ నిలబడటం కష్టమేనని అంతా అనుకున్నారు. కానీ ఇంగ్లండ్ను 9 వికెట్ల తేడాతో చిత్తుచేసింది కివీస్. 282 రన్స్ టార్గెట్ను మరో 82 బంతులు మిగిలి ఉండగానే ఒక వికెట్ మాత్రమే కోల్పోయి ఛేజ్ చేసేసింది. దీంతో అంతా షాక్ అయ్యారు. ఇక, ఈ వరల్డ్ కప్ అంబాసిడర్గా క్రికెట్ దేవుడు సచిన్ టెండూల్కర్ను నియమించిన విషయం తెలిసిందే.
ఇంగ్లండ్-న్యూజిలాండ్ మధ్య జరిగిన ప్రపంచ కప్ ఓపెనింగ్ మ్యాచ్కు సచిన్ వచ్చాడు. మ్యాచ్ మొదలవ్వడానికి ముందు ట్రోఫీని తానే తీసుకొచ్చి స్టేడియంలో ఉంచాడు. అనంతరం కాసేపు కామెంట్రీ కూడా చెప్పాడు. ఇంగ్లండ్ జట్టు బ్యాటింగ్ చేస్తున్న టైమ్లో సచిన్ కామెంట్రీ బాక్సులో సందడి చేశాడు. ఈ సమయంలో అతడితో పాటు వెస్టిండీస్ లెజెండ్ ఇయాన్ బిషప్ తదితరులు ఉన్నారు. ఈ టైమ్లో టీమిండియా వరల్డ్ కప్ గెలుస్తుందా? అని బిషప్ సచిన్ను ప్రశ్నించాడు. దీనికి రిప్లయ్ ఇచ్చిన మాస్టర్.. ప్రస్తుతం భారత జట్టు మంచి బ్యాలెన్స్తో ఉందన్నాడు. టీమిండియా గనుక అనుకున్న స్థాయిలో రాణిస్తే 2011 తరహాలోనే వన్డే ప్రపంచ కప్ గెలుస్తారని సచిన్ ధీమా వ్యక్తం చేశాడు. అదే టైమ్లో ఈసారి సెమీఫైనల్స్కు చేరే టీమ్స్ ఏవో చెప్పాలని బిషన్ సచిన్ను అడిగాడు.
మంచి బ్యాలెన్స్ ఉన్న టీమ్స్ మాత్రమే సెమీస్కు చేరతాయని సచిన్ చెప్పుకొచ్చాడు. టాప్-4లో పాకిస్థాన్కు ఆయన చోటు ఇవ్వలేదు. కచ్చితంగా టీమిండియా సెమీస్కు చేరుతుందన్న ఆయన.. ఆస్ట్రేలియా కూడా మంచి బ్యాలెన్స్తో కనిపిస్తోందన్నాడు. యంగ్స్టర్స్తో పాటు ఎక్స్పీరియెన్స్డ్ ప్లేయర్లతో బలంగా కనిపిస్తున్న ఇంగ్లండ్ సెమీస్కు చేరుతుందన్నాడు సచిన్. ఈ లిస్టులో లాస్ట్ ప్లేసును న్యూజిలాండ్కు ఇచ్చాడీ లెజెండ్. కివీస్ చాలా డేంజర్ టీమ్ అని చెప్పుకొచ్చాడు సచిన్. మరి.. సచిన్ సెలెక్ట్ చేసిన నాలుగు జట్లు సెమీస్కు వెళ్తాయని మీరు అనుకుంటున్నారా? మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: ఇండియాను అవమానించే కుట్ర! పాక్‌ ఫ్యాన్స్‌.. ఈ లెక్కలు చూడండ్రా బాబు!
