క్రికెట్లో ఎంత తీవ్ర పోటీ ఉంటుందనేది ప్రత్యేకంగా చెప్పనక్కర్లేదు. ఇంటర్నేషనల్ క్రికెటర్ అవ్వాలంటే డొమెస్టిక్ సీజన్లో బాగా రాణించాలి. లీగ్స్ లాంటి వాటిల్లో ఛాన్స్ వస్తే అస్సలు వదులుకోకూడదు. అలా ఎప్పటికప్పుడు తమ పెర్ఫార్మెన్స్ను, ఫిట్నెస్ను మెరుగుపర్చుకుంటూ ఉండాలి. అయినా అవకాశం వస్తుందని చెప్పలేం. కానీ ఛాన్స్ వస్తే పక్కాగా దాన్ని సద్వినియోగం చేసుకోవాలి. కొందరు క్రికెటర్లు ఇలా తమకు వచ్చిన ప్రతి ఛాన్స్ను యూజ్ చేసుకొని టీమ్స్లో సెటిలయ్యారు. కొందరైతే ఒకే ఒక్క ఇన్నింగ్స్తో లేదా అద్భుతమైన బౌలింగ్ స్పెల్ వేసి ఓవర్నైట్ స్టార్లు అయిపోయారు. ఇప్పుడా లిస్టులోకి చేరాడు న్యూజిలాండ్ క్రికెటర్ రచిన్ రవీంద్ర.
వరల్డ్ కప్-2023 ఓపెనింగ్ మ్యాచ్లో ఇంగ్లండ్ లాంటి పటిష్టమైన జట్టుపై రచిన్ రవీంద్ర ఆడిన విధ్వంసకర ఇన్నింగ్స్ సంచలనమనే చెప్పాలి. హాట్ ఫేవరెట్గా బరిలోకి దిగిన ఇంగ్లీష్ టీమ్ను రచిన్ సెన్సేషన్ బ్యాటింగ్తో బెంబేలెత్తించాడు. ఈ మ్యాచ్లో అతడు 96 బంతుల్లో 5 సిక్సులు, 11 ఫోర్ల సాయంతో 123 రన్స్ చేశాడు. వన్డౌన్లో బ్యాటింగ్కు దిగిన రచిన్.. ఓపెనర్ డెవాన్ కాన్వాయ్ (121 బంతుల్లో 152 రన్స్)తో కలసి ఏకంగా 273 రన్స్ భాగస్వామ్యం నెలకొల్పి టీమ్కు సూపర్బ్ విక్టరీని అందించాడు. ప్రపంచ కప్ సెమీస్లోకి తమకు ప్లేస్ కష్టమే అనే కామెంట్స్ వినిపిస్తున్న తరుణంలో ఇంగ్లండ్పై అద్భుత విజయంతో ప్రత్యర్థులకు హెచ్చరికలు పంపింది కివీస్.
ఇక, పాకిస్థాన్తో జరిగిన వరల్డ్ కప్ వార్మప్ మ్యాచ్లోనూ రచిన్ రవీంద్ర మంచి ఇన్నింగ్స్ ఆడాడు. క్వాలిటీ పేస్ అటాక్ ఉన్న పాక్ను ఎదుర్కొని 97 రన్స్ చేశాడు. ఇప్పుడు ఇంగ్లండ్ఫై ప్రతాపం చూపించాడు. దీంతో అందరి దృష్టిని ఆకర్షించాడు రచిన్. ఐపీఎల్ ఫ్రాంచైజీలన్నీ ఈ స్టార్ బ్యాటర్పై కన్నేశాయి. అతడి కోసం ఢిల్లీ క్యాపిటల్స్, రాజస్థాన్ రాయల్స్తో పాటు గుజరాత్ టైటాన్స్ కూడా క్యూ కడుతోందని వినికిడి. అయితే మెరుగైన ఆటగాళ్లను సొంతం చేసుకోవడానికి ఇష్టపడే గుజరాత్.. రచిన్ కోసం తీవ్ర ప్రయత్నాలు చేస్తోందంట. ఇప్పటకే ఆ టీమ్లో కేన్ విలియమ్సన్, రషీద్ ఖాన్, డేవిడ్ మిల్లర్ లాంటి వరల్డ్ క్లాస్ ప్లేయర్లు ఉన్నారు. ఒకవేళ రచిన్ కూడా ఆ జట్టులో చేరితే ఇక గుజరాత్ను ఆపడం కష్టమేనని క్రికెట్ అనలిస్టులు అంటున్నారు.
ఇదీ చదవండి: World Cup: నెదర్లాండ్స్తో మ్యాచ్లో పాక్ చీటింగ్! బౌండరీ లైన్ వెనక్కి నెట్టి..