ఫైనల్​లో భారత్​కు అతడే కీలకం.. ఆసీస్ బౌలర్లను చితగ్గొట్టడం ఖాయం: గంభీర్

అద్భుతంగా ఆడుతూ వరల్డ్ కప్ ఫైనల్​కు చేరుకుంది టీమిండియా. లీగ్ స్టేజ్​లో వరుసగా 9 విజయాలు సాధించడం ఒకెత్తయితే.. నాకౌట్​లో న్యూజిలాండ్​ను చిత్తు చేయడం మరొకెత్తనే చెప్పాలి. సెమీఫైనల్​ మ్యాచ్​లో కేన్ విలియమ్సన్-డారిల్ మిచెల్ బ్యాటింగ్ చేస్తున్న టైమ్​లో తప్పితే మిగతా మొత్తం రోహిత్ సేన డామినేషనే నడిచింది. భారత్ గ్రౌండ్​లోకి దిగితే చాలు.. ప్రత్యర్థి టీమ్స్ ఎలా ఆడాలో తెలియక భయపడిపోతున్నాయి. అన్ని విభాగాల్లో ఫుల్ స్ట్రాంగ్​గా, సూపర్ ఫామ్​లో ఉన్న టీమిండియాను ఫేస్ చేయాలంటేనే గజగజా వణికిపోతున్నాయి. అయితే ఇప్పటిదాకా ఒక లెక్క.. ఇక ఫైనల్​లో మరో లెక్క అనే చెప్పాలి. ఎందుకుంటే అవతల ఉన్నది డేంజరస్ టీమ్ ఆస్ట్రేలియా. వరల్డ్ కప్స్​లో ఆ జట్టుకు ఉన్నంత గొప్ప రికార్డు మరే టీమ్​కు లేదు.

ఈ వరల్డ్ కప్​లో ఆసీస్ టీమ్ ఫైనల్​కు చేరుకున్న తీరు చాలా ఇంట్రెస్టింగ్ అనే చెప్పాలి. ఆ జట్టుకు విజయాలు కొత్త కాదు. కప్పులు అసలే కొత్త కాదు. ఎప్పుడు ప్రపంచకప్ జరిగినా కంగారూ టీమ్​ మినిమం సెమీస్​కు చేరుకుంటుందనే ఎక్స్​పెక్టేషన్స్ ఉంటాయి. పొరపాటున ఆసీస్ గనుక ఫైనల్​కు వచ్చిందా అవతలి జట్టు కప్పుపై ఆశలు వదులుకోవాల్సిందే. ఈ ఏడాది కూడా ఫేవరెట్స్​లో ఒకటిగా మెగాటోర్నీకి వచ్చింది కమిన్స్ సేన. కానీ ఆడిన తొలి రెండు మ్యాచుల్లోనూ ఓటమే. పాయింట్స్ టేబుల్​లో అందరికంటే లాస్ట్ ప్లేస్. అయితే అద్భుతంగా పుంజుకున్న కంగారూ జట్టు వరుసగా ఎనిమిది మ్యాచ్​లు నెగ్గి ఫైనల్స్​కు దూసుకెళ్లింది. టీమిండియాతో తాడోపేడో తేల్చుకునేందుకు సై అంటోంది. ప్రత్యర్థులు ఎంత కలవరపెట్టినా లొంగని ఈ టీమ్​ను దాటుకొని ట్రోఫీని చేతబట్టడం ఇప్పుడు రోహిత్ సేన ముందున్న టార్గెట్. ఆసీస్​తో ఫైనల్ ఫైట్​కు భారత టీమ్ రెడీగా ఉంది.

సూపర్ ఫామ్​లో ఉన్న భారత బ్యాటింగ్ ఆర్డర్ కంగారూ బౌలింగ్ అటాక్​ను చిత్తు చేయాలని అనుకుంటోంది. విరాట్ కోహ్లీ (711 రన్స్), రోహిత్ శర్మ (550), శ్రేయస్ అయ్యర్ (526), కేఎల్ రాహుల్ (386), శుబ్​మన్ గిల్ (346) భీకర ఫామ్​లో ఉన్నారు. ఈ మ్యాచ్​లో భారత్ తరఫున ఎవరు హీరో అవుతారో చూడాలి. అయితే ఫైనల్ మ్యాచ్​లో కోహ్లీ, రోహిత్ కాదు.. టీమిండియాకు అయ్యర్ చాలా కీలకమని మాజీ క్రికెటర్ గౌతం గంభీర్ అన్నాడు. అతడు ఆసీస్ బౌలర్లను చితగ్గొడతాడని అన్నాడు. ‘ఈ వరల్డ్ కప్​లో శ్రేయస్ అయ్యర్ బిగ్గెస్ట్ గేమ్ ఛేంజర్​గా మారాడు. గాయం బారిన పడి, టీమ్​లో ప్లేస్ కోసం ఫైట్ చేయాల్సిన పరిస్థితి నుంచి.. నాకౌట్ మ్యాచ్​లో 70 బంతుల్లో సెంచరీ చేయడమంటే మాటలు కాదు. ఫైనల్​లో మిడిల్ ఓవర్లలో మ్యాక్స్​వెల్, జంపా బౌలింగ్ టైమ్​లో భారత్​కు అతడే కీలకం కానున్నాడు’ అని గంభీర్ చెప్పుకొచ్చాడు. మరి.. అయ్యర్​పై గౌతీ చేసిన వ్యాఖ్యలపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: ఇండియా- ఆసీస్ ఫైనల్ మ్యాచ్.. పిచ్ పై స్టార్క్ ఆసక్తికర కామెంట్స్!

Gautam Gambhir said, “Shreyas Iyer is the biggest game changer for me in this World Cup. He was injured, had to fight for his place, and to score a century in 70 balls in the knockout is simply outstanding. He’ll be the key for India in the Final when Maxwell and Zampa bowls”. pic.twitter.com/lwO434RAlk

— Mufaddal Vohra (@mufaddal_vohra) November 16, 2023