టీమిండియా కప్ గెలిస్తే రూ.100 కోట్లు ఇస్తానంటున్న CEO

సొంతగడ్డ మీద జరుగుతున్న వరల్డ్ కప్​లో అద్భుతమైన పెర్ఫార్మెన్స్​తో అజేయ రికార్డు కంటిన్యూ చేస్తూ ఫైనల్​కు చేరుకుంది టీమిండియా. ఆదివారం టైటిల్ కోసం ఆస్ట్రేలియాతో తుదిపోరులో తలపడనుంది. ఈ నేపథ్యంలో అందరి ఫోకస్ ఇప్పుడు అహ్మదాబాద్​లోని నరేంద్ర మోడీ స్టేడియంపై పడింది. దునియాలోనే అతిపెద్దదైన ఈ క్రికెట్ స్టేడియంలో 1.32 లక్షల మంది ప్రేక్షకులు మ్యాచ్ చూసే ఛాన్స్ ఉంది. 1982లో నిర్మించిన సర్దార్ పటేల్ స్టేడియం మొతేరా స్టేడియంగా ప్రసిద్ధికెక్కింది. అయితే పాత స్టేడియం ప్లేసులోనే కొత్త దాని కన్​స్ట్రక్షన్ 2015లో మొదలుపెట్టారు.

వరల్డ్​లోనే అతి పెద్దదిగా మారిన మొతేరా స్టేడియాన్ని 2021లో మళ్లీ ప్రారంభించారు. ఈ గ్రౌండ్​లో మొత్తం 11 పిచ్​లు ఉన్నాయి. ఈ మైదానంలో భారత్​కు ఎన్నో అరుదైన రికార్డులు ఉన్నాయి. లెజెండ్ సునీల్ గవాస్కర్ 10 వేల రన్స్ మైల్​స్టోన్​ను చేరుకుంది ఇక్కడే. మొతేరా స్టేడియంలో కపిల్​దేవ్​కు కూడా గుర్తుండిపోయే మూమెంట్స్ ఉన్నాయి. ఈ గ్రౌండ్​లో కపిల్ 432వ వికెట్ తీసి అత్యధిక వికెట్లు తీసిన బౌలర్​గా రికార్డు క్రియేట్ చేశాడు. ఈ మైదానంలో 1987, 1996 వరల్డ్ కప్స్​లో ఒక్కో మ్యాచ్ కూడా జరిగింది. 2011 ప్రపంచ కప్​లో 3 మ్యాచ్​లకు ఈ గ్రౌండ్ హోస్ట్​గా ఉంది. వన్డే క్రికెట్​లో 18 వేల రన్స్ చేసిన తొలి క్రికెటర్​గా మాస్టర్ బ్లాస్టర్ సచిన్ టెండూల్కర్ చరిత్ర సృష్టించిందీ ఇక్కడే. టెస్టుల్లో సచిన్ టెండూల్కర్ ఫస్ట్ డబుల్ సెంచరీని మొతేరాలోనే సాధించాడు. అలాగే ఇంటర్నేషనల్ క్రికెట్​లో 20 ఏళ్ల కెరీర్​ను, 30 వేల రన్స్​ను ఇక్కడే కంప్లీట్ చేసుకున్నాడు.

మొతేరా స్టేడియంలో వరల్డ్ కప్ మ్యాచుల్లో టీమిండియా ఇప్పటిదాకా ఓడిపోలేదు. 1987లో జింబాబ్వే మీద 7 వికెట్ల తేడాతో నెగ్గింది. 2011 ప్రపంచ కప్ క్వార్టర్స్​లో ఆస్ట్రేలియాను 5 వికెట్లు తేడాతో ఇక్కడే చిత్తు చేసింది భారత్. ఇప్పుడూ అదే జోరును కంటిన్యూ చేస్తూ ఆసీస్​ను ఓడించాలని చూస్తోంది. ఓవరాల్​గా మొతేరా గ్రౌండ్​లో ఇప్పటిదాకా 18 మ్యాచులు ఆడిన భారత్.. పదింట్లో నెగ్గి, ఎనిమిది మ్యాచుల్లో ఓడిపోయింది. ఇక, భారత్​లో క్రికెట్ ఫీవర్ పీక్స్​లో ఉంది. మన జట్టు ఫైనల్​కు చేరుకోవడంతో ఫ్యాన్స్ పలు ప్రోగ్రామ్స్ మొదలుపెట్టారు. తిరంగాలతో సెలబ్రేట్ చేసుకుంటున్నారు. ఈ నేపథ్యంలో ఓ ప్రముఖ కంపెనీ సీఈవో తమ యూజర్లకు బంపరాఫర్ ప్రకటించారు.

వరల్డ్ కప్ ఫైనల్లో ఆసీస్​పై భారత్ నెగ్గితే రూ.100 కోట్లు ఇస్తానని ఆస్ట్రోటాక్ సీఈవో పునీత్ గుప్తా సంచలన ప్రకటన చేశారు. ఆఖరిసారిగా 2011లో టీమిండియా వరల్డ్ కప్ నెగ్గినప్పుడు తాను కాలేజీలో చదువుకుంటున్నానని తెలిపారు. తన లైఫ్​లో అత్యంత సంతోషకర క్షణాల్లో అదొకటని.. మ్యాచ్ గెలిచిన తర్వాత గూస్​బంప్స్ కలిగాయన్నారు. ఇవాళ తన ఫైనాన్స్ టీమ్​తో మాట్లాడానని.. ఇండియా కప్పు కొడితే తమ కస్టమర్ల వ్యాలెట్లలో రూ.100 కోట్లు వేస్తానని పునీత్ హామీ ఇచ్చారు. మన టీమ్ గెలుపు కోసం ప్రార్థిద్దామంటూ లింక్డ్​ఇన్​లో ఆయన పెట్టిన పోస్టు వైరల్​గా మారింది. మరి.. భారత్ కప్పు కొడితే రూ.100 కోట్లు ఇస్తానంటూ సీఈవో పునీత్ చేసిన ప్రకటనపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: రాసిపెట్టుకోండి.. వాళ్లిద్దరూ చెలరేగితే వరల్డ్‌ కప్‌ మనదే!

#INDvsAUSfinal: @AstrotalkApp के CEO पुनीत गुप्ता का ऐलान, अगर टीम इंडिया #WorldcupFinal जीतती है तो #Astrotalk App अपने मुनाफे से 100 करोड़+ रुपये अपने यूजर्स में बांटेगा
VC: ©Instagram/astrotalk#100CrorekaCup #INDvAUS #CWC2023Final #CWC23Final #INDvsAUS #WCFINAL #PuneetGupta pic.twitter.com/tqvPFPROTk

— GNN News MP/CG (@gnnnewsdigital) November 18, 2023