Virat Kohli: ధోని అరుదైన రికార్డును చెరిపేసిన కోహ్లీ.. కింగ్​ కొత్త చరిత్ర!

భారత స్టార్ బ్యాటర్ విరాట్ కోహ్లీకి రికార్డులు కొత్త కాదు. 15 ఏళ్ల కెరీర్​లో క్రికెట్​లో ఉన్న ఎన్నో రికార్డులను తన పేరు మీద లిఖించుకున్నాడు కింగ్. కంటిన్యూస్​గా రన్స్ చేస్తూ మోస్ట్ సక్సెస్​ఫుల్ క్రికెటర్​గా నిలిచాడు. జెంటిల్మన్ గేమ్​కు ఐకాన్​గా మారిన విరాట్.. బ్యాటింగ్ లెజెండ్ సచిన్ టెండూల్కర్ పేరు మీద ఉన్న చాలా రికార్డులను బ్రేక్ చేశాడు. మరికొన్నాళ్లు ఇదే ఊపును కొనసాగిస్తే క్రికెట్​లో బెస్ట్​గా చెప్పుకునే అన్ని రికార్డులను అతడు చెరిపేసినా ఆశ్చర్యపోనక్కర్లేదు. అయితే అందుకు బాడీ సహకరించాలి. అదే టైమ్​లో ఫామ్​ కూడా కోల్పోకుండా ఉండాలి. ప్రస్తుతం అతడి ఫిట్​నెస్ లెవల్స్, ఫుట్ మూమెంట్స్ చూస్తుంటే ఈజీగా మరో మూడేళ్లు ఆడగలడని అనిపిస్తోంది. అలాంటి కింగ్ తాజాగా మరో అరుదైన ఘనత సాధించాడు. టీమిండియా మాజీ కెప్టెన్ ఎంఎస్ ధోని పేరు మీద ఉన్న ఓ రికార్డును బ్రేక్ చేశాడు.

ఇంటర్నేషనల్ క్రికెట్ కౌన్సిల్ (ఐసీసీ) తాజాగా వన్డే టీమ్ ఆఫ్ ఇయర్​ను అనౌన్స్ చేసింది. ఈ జట్టుకు టీమిండియా కెప్టెన్ రోహిత్ శర్మను సారథిగా నియమించింది. ఇందులో సీనియర్ బ్యాటర్ విరాట్ కోహ్లీ చోటు దక్కించుకున్నాడు. కోహ్లీ తన కెరీర్​ బెస్ట్ ప్రపంచ కప్ ఆడాడు. మెగాటోర్నీ హిస్టరీలో ఒక సీజన్​లో అత్యధిక రన్స్ చేసిన బ్యాటర్​గా నిలిచి రికార్డు క్రియేట్ చేశాడు. టాప్ స్కోరర్​గా నిలిచిన విరాట్ ఐసీసీ వన్డే టీమ్​లో స్థానం దక్కించుకున్నాడు. తద్వారా లెజెండ్ మహేంద్ర సింగ్ ధోని పేరు మీద ఉన్న ఓ రికార్డును బ్రేక్ చేశాడు. ఐసీసీ టీమ్స్​లో అత్యధిక సార్లు స్థానం దక్కించుకున్న భారత క్రికెటర్​గా ధోనీ (13)ని కోహ్లీ (14) అధిగమించాడు. ఇది టీమిండియా క్రికెట్​లో నయా రికార్డు. విరాట్ అరుదైన ఘనతపై సోషల్ మీడియాలో నెటిజన్స్ రియాక్ట్ అవుతున్నారు. కోహ్లీ ఈజ్ గ్రేట్ అంటున్నారు. ఏ రికార్డు అయినా అతడికి దాసోహం అవ్వాల్సిందేనని కామెంట్స్ చేస్తున్నారు.

అత్యధిక సార్లు ఐసీసీ టీమ్​లో చోటు దక్కించుకన్న కోహ్లీ రికార్డును బ్రేక్ చేయడం అంత ఈజీ కాదు. భవిష్యత్తులో దీన్ని ఎవరు బ్రేక్ చేస్తారనేది చూడాలి. ఇక, ఇంగ్లండ్​తో తొలి రెండు టెస్టులకు కోహ్లీ దూరమయ్యాడు. పర్సనల్ రీజన్స్ వల్ల అతడు ఇంటికి వెళ్లిపోయాడు. దీంతో అతడి ప్లేస్​లో మరో ఆటగాడ్ని తీసుకోవాలని టీమ్ మేఏజ్​మెంట్ అనుకుంటోంది. అయితే ఎవరికి ఛాన్స్ ఇస్తుందనేది ఆసక్తికరంగా మారింది. అతడి ప్లేస్​లో యంగ్ ప్లేయర్ శుబ్​మన్ గిల్ ఆడటం దాదాపు ఖాయమే. అయితే ఈ మధ్య కాలంలో గిల్ వరుసగా ఫెయిల్ అవుతున్నాడు. ఈ నేపథ్యంలో ఆఖరి క్షణాల్లో ఇంకేమైనా మార్పులు చేస్తారేమో చూడాలి. ఇక, వ్యక్తిగత కారణాలతో దూరమైన కోహ్లీ ఇంగ్లండ్​తో మిగిలిన మూడు టెస్టులకు మాత్రం అందుబాటులో ఉంటాడు. మరి.. ధోని రికార్డును విరాట్ బ్రేక్ చేయడంపై మీ అభిప్రాయాలను కామెంట్ల రూపంలో తెలియజేయండి.

King Kohli surpasses MS Dhoni 👑#ViratKohli #Cricket #India #Sportskeeda pic.twitter.com/7foFLan7Sb

— Sportskeeda (@Sportskeeda) January 23, 2024