బ్యాటింగ్​లో సక్సెస్​కు కారణమేంటో చెప్పిన కోహ్లీ.. దాని వల్లేనంటూ..!

ప్రస్తుత తరం క్రికెటర్లలో టీమిండియా స్టార్ బ్యాటర్ విరాట్ కోహ్లీ బెస్ట్ ప్లేయర్​గా పేరు తెచ్చుకున్నాడు. టీ20లు, వన్డేలు, టెస్టులనే తేడాల్లేకుండా అన్ని ఫార్మాట్లలోనూ కన్​సిస్టెంట్​గా రాణిస్తున్నాడు కోహ్లీ. ముఖ్యంగా వన్డేల్లోనైతే పరుగుల వరద పారిస్తున్నాడు. మరో మూడ్నాలుగేళ్లు ఇలాగే ఆడితే భారత లెజెండ్ సచిన్ టెండూల్కర్ పేరు మీద ఉన్న దాదాపు అన్ని రికార్డులను కోహ్లీ బ్రేక్ చేసే అవకాశాలు కనిపిస్తున్నాయి. అయితే ఫిట్​నెస్ కాపాడుకోవడం కీలకం కానుంది. ప్రస్తుత వరల్డ్ కప్​లోనైతే కోహ్లీ సూపర్బ్ బ్యాటింగ్​తో దుమ్మురేపుతున్నాడు. వరుసగా అదిరిపోయే ఇన్నింగ్స్​లతో టీమిండియా విజయాల్లో కీలక పాత్ర పోషిస్తున్నాడు.

ఇప్పటికే వరల్డ్ కప్ సగం పూర్తయింది. ఫస్టాఫ్​లో అదరగొట్టిన కోహ్లీ.. సెకండాఫ్​లోనూ ఇదే ఫామ్​ను కంటిన్యూ చేయాలని ఫ్యాన్స్ కోరుకుంటున్నారు. అతడితో పాటు రోహిత్ శర్మ కూడా చెలరేగితే భారత్​కు తిరుగుండదని అంటున్నారు. అయితే బ్యాటింగ్​లో ఇంతగా సక్సెస్ అవ్వడానికి కారణమేంటో ఒక ఇంటర్వ్యూలో చెప్పాడు కోహ్లీ. ప్రతి రోజు, ప్రతి ప్రాక్టీస్ సెషన్, ప్రతి సీజన్, ప్రతి ఏడాది..తనను తాను మెరుగ్గా తీర్చిదిద్దుకోవడం మీదే దృష్టి పెడతానన్నాడు. అదే ఇన్ని సంవత్సరాల పాటు కన్​సిస్టెంట్​గా తాను రాణించడానికి ఉపయోగపడిందన్నాడు కోహ్లీ.

‘నేనే కాదు.. ఏ ప్లేయర్​కైనా తనను తాను మెరుగుపర్చుకునే మెంటాలిటీ ఉంటేనే గొప్పగా రాణించగలడు. నేనెప్పుడూ గొప్ప స్థాయికి చేరడంపై ఫోకస్ చేయలేదు. నన్ను నేను బెటర్​గా తీర్చిద్దుకోవడం మీదే ఎల్లప్పుడూ ఫోకస్ చేస్తా. గ్రేట్ లెవల్​కు చేరుకోవడం అంటే ఏంటో నాకు నిజంగా తెలియదు. దానికో ఎండ్ అనేది లేదు. ఫలానా సాధిస్తే గొప్ప స్థాయికి చేరుకున్నట్లేననే సెంటిమెంట్ ఏమీ లేదు. అందుకే ప్రతి రోజూ నన్ను నేను మెరుగుపర్చుకుంటూ రాణించడం మీదే ఫోకస్ చేస్తా. అందుకు తగ్గట్లే నా మైండ్​సెట్​ను ట్యూన్ చేస్తా. నేనెలా ఆడితే టీమ్ గెలుస్తుందో దాని ప్రకారమే ఆడతా. అందువల్లే నేను రాణిస్తున్నా. ఇదే నా సీక్రెట్’ అని కోహ్లీ చెప్పుకొచ్చాడు. మరి.. కోహ్లీ బ్యాటింగ్ సీక్రెట్​పై మీరేం అనుకుంటున్నారో కామెంట్ల రూపంలో తెలియజేయండి.