India Dominate Top 10 Of ICC Test Rankings: ప్రస్తుత క్రికెట్లో భారత జట్టు హవా నడుస్తోంది. అన్ని ఫార్మాట్లలోనూ డామినేట్ చేస్తున్న టీమిండియా.. ఆ విషయంలోనూ తగ్గేదేలే అంటూ దూసుకెళ్తోంది. మన ప్లేయర్ల జోరు మామూలుగా లేదు.
India Dominate Top 10 Of ICC Test Rankings: ప్రస్తుత క్రికెట్లో భారత జట్టు హవా నడుస్తోంది. అన్ని ఫార్మాట్లలోనూ డామినేట్ చేస్తున్న టీమిండియా.. ఆ విషయంలోనూ తగ్గేదేలే అంటూ దూసుకెళ్తోంది. మన ప్లేయర్ల జోరు మామూలుగా లేదు.
ప్రస్తుత క్రికెట్లో టీమిండియా హవా నడుస్తోంది. ఫార్మాట్ ఏదైనా మెన్ ఇన్ బ్లూ బరిలోకి దిగనంత వరకే అన్న రేంజ్లో మనోళ్ల ఆటతీరు ఉంది. వన్డేల్లో గతేడాది వరల్డ్ కప్లో ఫైనల్కు వెళ్లింది భారత్. లాంగ్ ఫార్మాట్లో ఇప్పటివరకు జరిగిన రెండు వరల్డ్ టెస్ట్ ఛాంపియన్షిప్స్లోనూ ఫైనల్స్కు దూసుకెళ్లింది. ఈ రెండు ఫార్మాట్లలో కప్పు కొట్టలేదు. కానీ ఈ ఏడాది జరిగిన పొట్టి ప్రపంచ కప్లో ఛాంపియన్గా నిలిచింది. అలా అన్నింటా చెలరేగుతున్న టీమిండియా ఐసీసీ ర్యాంకింగ్స్లోనూ హవా నడిపిస్తోంది. అటు వన్డేలతో పాటు ఇటు టెస్టు ర్యాంకింగ్స్లోనూ మనోళ్లు డామినేషన్ చూపిస్తున్నారు. టాప్-10లో ముగ్గురు భారత ఆటగాళ్లే ఉన్నారు. దీని గురించి మరింత వివరంగా తెలుసుకుందాం..
ఐసీసీ తాజాగా టెస్ట్ బ్యాటర్స్ ర్యాంకింగ్స్ను ప్రకటించింది. ఇందులో టాప్-10లో ముగ్గురు ఆటగాళ్లు భారత్ నుంచే ఉన్నారు. కెప్టెన్ రోహిత్ శర్మ 6వ ర్యాంక్లో ఉండగా.. యశస్వి జైస్వాల్, విరాట్ కోహ్లీ వరుసగా ఏడు, ఎనిమిది స్థానాల్లో కొనసాగుతున్నారు. ఇంతకుముందు వరకు 8వ ర్యాంక్లో ఉన్న జైస్వాల్ ఒక ర్యాంక్ మెరుగుపర్చుకొని ఏడో స్థానానికి ఎగబాకాడు. కోహ్లీ పదో నంబర్ నుంచి రెండు ర్యాంకులు మెరుగుపర్చుకొని ఎనిమిదో స్థానానికి జంప్ చేశాడు. టెస్టు బ్యాటర్స్ ర్యాంకింగ్స్లో ఇంగ్లండ్ టాప్ బ్యాటర్ జో రూట్ (881 పాయింట్లు) అగ్రస్థానంలో నిలిచాడు. న్యూజిలాండ్ స్టార్ బ్యాటర్ కేన్ విలియమ్సన్ (859 పాయింట్లు) రెండో స్థానంలో ఉన్నాడు. పాకిస్థాన్ స్టార్ బాబర్ ఆజం ఏకంగా ఆరు స్థానాలు దిగజారి 9వ ర్యాంక్కు పడిపోయాడు.
ఇక, టెస్ట్ ఆల్రౌండర్స్ ర్యాంకింగ్స్లో భారత సీనియర్ ప్లేయర్ రవీంద్ర జడేజా (444 పాయింట్లు) టాప్ ప్లేస్లో కంటిన్యూ అవుతున్నాడు. అతడి తర్వాతి స్థానంలో మరో టీమిండియా వెటరన్ ప్లేయర్ రవిచంద్రన్ అశ్విన్ (322) కొనసాగుతున్నాడు. అటు టెస్ట్ బౌలర్ల ర్యాంకింగ్స్లోనూ అశ్విన్ హవా నడుస్తోంది. 870 పాయింట్లతో అతడు టాప్ ప్లేస్లో ఉన్నాడు. పేసుగుర్రం జస్ప్రీత్ బుమ్రా (847 పాయింట్లు) మూడో నంబర్లో ఉన్నాడు. జడేజా ఏడో స్థానంలో ఉన్నాడు. ఇలా దాదాపుగా అన్ని ఫార్మాట్ల బ్యాటింగ్, బౌలింగ్, ఆల్రౌండర్స్ ర్యాంకింగ్స్లో భారత్ డామినేషన్ నడుస్తోంది. ఇది చూసిన నెటిజన్స్.. మన టైమ్ నడుస్తోందని, ఇక టీమిండియాకు ఎదురులేదని అంటున్నారు. భారత్తో పెట్టుకోవాలంటే ప్రతి ఒక్కరూ భయపడాల్సిందేనని చెబుతున్నారు. మరి.. టెస్ట్ బ్యాటర్స్ ర్యాంకింగ్స్లో టాప్-10లో ముగ్గురు మనోళ్లే ఉండటంపై మీ ఒపీనియన్ను కామెంట్ చేయండి.
Here are the updated ICC Test Batting rankings & T20I rankings batting and bowling 👇
▶️ Babar Azam has dropped six places in the ICC Test Batting Rankings and is now ranked 9th. pic.twitter.com/d9BAlrkBhd
— CricTracker (@Cricketracker) August 28, 2024
