Nidhan
టీమిండియా వెటరన్ పేసర్ భువనేశ్వర్ కుమార్ ఇంటర్నేషనల్ క్రికెట్లో కనిపించక చాన్నాళ్లు అవుతోంది. ఐపీఎల్లో తప్ప పెద్దగా అతడు ఎక్కడా సందడి చేయడం లేదు.
టీమిండియా వెటరన్ పేసర్ భువనేశ్వర్ కుమార్ ఇంటర్నేషనల్ క్రికెట్లో కనిపించక చాన్నాళ్లు అవుతోంది. ఐపీఎల్లో తప్ప పెద్దగా అతడు ఎక్కడా సందడి చేయడం లేదు.
Nidhan
భువనేశ్వర్ కుమార్.. ఇంటర్నేషనల్ క్రికెట్కు భారత్ అందించిన అత్యుత్తమ పేసర్లలో ఒకడు. ఇతర స్పీడ్స్టర్స్లా పేస్తో కాకుండా స్వింగ్తో గుర్తింపు సంపాదించాడతను. బంతిని ఇరువైపులా స్వింగ్ చేస్తూ బ్యాటర్లను ఓ రేంజ్లో పోయించేవాడు భువీ. ఫార్మాట్ను బట్టి బౌలింగ్లో స్వల్ప మార్పులు చేసుకొని అన్ని ఫార్మాట్లలోనూ టీమిండియాకు కీలక ఆటగాడిగా ఎదిగాడు. దాదాపు దశాబ్ద కాలం పాటు భారత జట్టు బౌలింగ్ యూనిట్లో టాప్ బౌలర్గా హవా నడిపించిన భువీ.. ఆ తర్వాత గాయాల వల్ల క్రమంగా టీమ్కు దూరమయ్యాడు. ఇంజ్యురీ నుంచి కోలుకొని రీఎంట్రీ ఇచ్చినా మళ్లీ మునుపటి స్థాయిలో పెర్ఫార్మ్ చేయలేకపోయాడు.
గాయాల వల్ల భువనేశ్వర్ బౌలింగ్లో వేగం, పదును తగ్గాయి. మునుపటి స్థాయిలో స్వింగ్ కూడా చేయలేక ఇబ్బందులు పడ్డాడు. అయినా కమ్బ్యాక్లో కొన్ని సిరీస్లు ఆడి అలరించాడు. అయితే ఆ తర్వాత అర్ష్దీప్ సింగ్, మహ్మద్ సిరాజ్ వంటి యంగ్ గన్స్ టీమ్లోకి దూసుకురావడంతో భువీకి ప్లేస్ దక్కలేదు. మళ్లీ ఎంత ప్రయత్నించినా కమ్బ్యాక్ ఇవ్వలేకపోయాడు. ఐపీఎల్లో రాణించినా అతడ్ని సెలెక్టర్లు పట్టించుకోలేదు. అయినా భువనేశ్వర్ మాత్రం ఆశలు చంపుకోలేదు. తిరిగి భారత జట్టులోకి కమ్బ్యాక్ ఇవ్వడం కోసం తీవ్రంగా శ్రమిస్తున్నాడు. నెట్స్లో బౌలింగ్ సాధన చేస్తూనే జిమ్లో వర్కౌట్లు చేస్తూ చెమటోడ్చుతున్నాడు.
భువీ ప్రాక్టీస్ చేస్తున్న వీడియో ఇప్పుడు సోషల్ మీడియాలో వైరల్ అవుతోంది. నెట్స్లో వరుసగా బంతులు వేస్తూ కనిపించిన అతడు.. జిమ్లో బరువులు ఎత్తుతూ దర్శనం ఇచ్చాడు. ఎంతో ఫిట్గా కనిపించిన భువీ కష్టం, తపన చూస్తుంటే ఈసారి డొమెస్టిక్ టోర్నమెంట్స్, ఐపీఎల్లో రాణించి మళ్లీ టీమిండియాలోకి ఎంట్రీ ఇవ్వడం పక్కా అని సోషల్ మీడియాలో నెటిజన్స్ అంటున్నారు. క్రమశిక్షణ, సాధించాలనే తపన, లక్ష్యంపై గురి ఉన్న భువీ లాంటి ఆటగాళ్లు ఏదైనా చేయగలరని.. అతడి ప్రాక్టీస్ చూస్తుంటే ఈజీగా టీమ్లోకి కమ్బ్యాక్ ఇస్తాడని చెబుతున్నారు. 34 ఏళ్ల భువీ మంచి ఫిట్నెస్, రిథమ్లో ఉంటే ఇంకో మూడ్నాలుగేళ్లు ప్రొఫెషనల్ క్రికెట్ ఆడగలడు. మరి.. భువీ రీఎంట్రీ ఖాయమేనా? మీరేం అనుకుంటున్నారో కామెంట్ చేయండి.
Bhuvneshwar Kumar working hard in the nets and gym. 👌 pic.twitter.com/ExcnaK27kL
— Mufaddal Vohra (@mufaddal_vohra) August 9, 2024
