Nidhan
Team India: భారత క్రికెట్ జట్టుకు ఇప్పుడు మ్యాచ్లు ఏమీ లేవు. దీంతో ఆటగాళ్లు రెస్ట్ తీసుకుంటున్నారు. కొందరు వెకేషన్స్లో బిజీగా ఉంటే.. మరికొందరు ప్లేయర్లు ఇంటి వద్దే ఉంటూ ఫ్యామిలీతో సమయం గడుపుతున్నారు.
Team India: భారత క్రికెట్ జట్టుకు ఇప్పుడు మ్యాచ్లు ఏమీ లేవు. దీంతో ఆటగాళ్లు రెస్ట్ తీసుకుంటున్నారు. కొందరు వెకేషన్స్లో బిజీగా ఉంటే.. మరికొందరు ప్లేయర్లు ఇంటి వద్దే ఉంటూ ఫ్యామిలీతో సమయం గడుపుతున్నారు.
Nidhan
భారత క్రికెట్ జట్టుకు ఇప్పుడు మ్యాచ్లు ఏమీ లేవు. దీంతో ఆటగాళ్లు రెస్ట్ తీసుకుంటున్నారు. కొందరు వెకేషన్స్లో బిజీగా ఉంటే.. మరికొందరు ప్లేయర్లు ఇంటి వద్దే ఉంటూ ఫ్యామిలీతో సమయం గడుపుతున్నారు. వచ్చే నెలలో బంగ్లాదేశ్తో మొదలయ్యే టెస్ట్ సిరీస్ వరకు మెన్ ఇన్ బ్లూ విశ్రాంతి తీసుకోనున్నారు. ఇంకో నెల రోజులు భారత జట్టు మ్యాచ్లు ఉండవు. ఎప్పుడూ ఏదో ఒక సిరీస్లో ఆడుతూ బిజీగా ఉండే టీమిండియా క్రికెటర్లు.. ప్రతి ఏడాది ఆగస్టు-సెప్టెంబర్ విండోలో మాత్రం రెస్ట్ తీసుకుంటున్నారు. ఎడతెరపిలేని క్రికెట్ ఆడి అలసిపోవడం వల్ల ఆటగాళ్లకు ప్రతి ఏటా ఈ టైమ్లో భారత క్రికెట్ బోర్డు విశ్రాంతి ఇస్తోందని చాలా మంది అనుకుంటున్నారు. కానీ దీని వెనుక అసలు నిజం వేరే ఉంది.
ఆగస్టు-సెప్టెంబర్ విండోలో మాత్రమే టీమిండియా మ్యాచ్లు లేకుండా ప్లేయర్లకు రెస్ట్ దొరికేలా ప్రతి ఏడాది షెడ్యూల్ను రూపొందిస్తోంది బీసీసీఐ. ఇదేదో అనుకోకుండా చేస్తుందని అనుకోవద్దు. గత కొన్నేళ్లుగా సరిగ్గా అదే నెలల్లో మ్యాచ్లు లేకుండా చేయడం వెనుక బోర్డు పెద్దల పక్కా ప్లానింగ్ ఉంది. ప్రతి సంవత్సరం ఈ రెండు నెలల్లో భారత జట్టుకు భారీ బ్రేక్ ఇవ్వడడానికి బలమైన కారణం ఉందని తెలుస్తోంది. అప్పట్లో ఛాంపియన్స్ లీగ్ కోసం ఈ రెండు నెలల మధ్య స్లాట్ కేటాయించింది భారత బోర్డు. ఇండియన్ ప్రీమియర్ లీగ్లో అత్యుత్తమ ప్రదర్శన కనబర్చిన జట్లు, ఇతర లీగ్స్లో ఆడే బెస్ట్ టీమ్స్తో కలిపి ఈ టోర్నమెంట్ను నిర్వహిస్తూ వచ్చారు. అయితే 2008 నుంచి 2014 వరకు జరిగిన ఛాంపియన్స్ లీగ్ ఆ తర్వాత అనివార్య కారణాల వల్ల ఆగిపోయింది.
ఛాంపియన్స్ లీగ్ కోసం ఆగస్టు-సెప్టెంబర్ విండోలో ఇంటర్నేషనల్ మ్యాచ్లు లేకుండా చూసుకుంటూ వచ్చిన బీసీసీఐ.. ఆ టోర్నీ ముగిసిన తర్వాత కూడా ఇదే కల్చర్ను కంటిన్యూ చేస్తోంది. ఆగిపోయిన ఛాంపియన్స్ లీగ్ స్థానంలో మినీ ఐపీఎల్ నిర్వహించాలని భారత బోర్డు పెద్దలు చాన్నాళ్లుగా ప్రయత్నాలు చేస్తున్నారని సమాచారం. ఐపీఎల్లో ప్లేఆఫ్స్ చేరిన టీమ్స్తో ఈ లీగ్ను జరపాలని ప్లాన్ చేస్తున్నారట. ఇందులో భాగంగానే ఆగస్టు-సెప్టెంబర్లో మ్యాచ్లు లేకుండా ఖాళీగా ఉంచుతున్నారని వినిపిస్తోంది. ఒకవేళ ఫ్యూచర్లో ఈ టోర్నమెంట్ కార్యరూపం దాలిస్తే.. భారత జట్టు ఆటగాళ్లు అందులో ఆడుతూ బిజీగా అయిపోతారు. అయితే ఇంత ఎక్కువ క్రికెట్ ఆడే ప్లేయర్లకు మినీ ఐపీఎల్ వల్ల ఆ కాస్త రెస్ట్ కూడా లేకుండా పోతుందని, అది వాళ్ల కెరీర్కు ప్రమాదకరమని ఎక్స్పర్ట్స్ వార్నింగ్ ఇస్తున్నారు.
