Nidhan
కెనడా మ్యాచ్ రిజల్ట్తో సంబంధం లేకుండా సూపర్-8కు అర్హత సాధించింది టీమిండియా. గ్రూప్ దశ మ్యాచ్లు ముగియడంతో నెక్స్ట్ స్టేజ్లో ఎలా ఆడాలనే దానిపై కసరత్తులు చేస్తోంది.
కెనడా మ్యాచ్ రిజల్ట్తో సంబంధం లేకుండా సూపర్-8కు అర్హత సాధించింది టీమిండియా. గ్రూప్ దశ మ్యాచ్లు ముగియడంతో నెక్స్ట్ స్టేజ్లో ఎలా ఆడాలనే దానిపై కసరత్తులు చేస్తోంది.
Nidhan
పొట్టి కప్పులో భారత జట్టు హవా నడుస్తోంది. అమెరికా గడ్డ మీద అడుగు పెట్టినప్పటి నుంచి మన టీమ్కు తిరుగులేకుండా పోయింది. ప్రాక్టీస్ మ్యాచ్లో బంగ్లాదేశ్ను చిత్తు చేసిన మెన్ ఇన్ బ్లూ.. మెయిన్ మ్యాచెస్లో హ్యాట్రిక్ విక్టరీస్ కొట్టింది. మెగా టోర్నీలోని తొలి మ్యాచ్లో ఐర్లాండ్ను మట్టికరిపించిన రోహిత్ సేన.. ఆ తర్వాత వరుసగా పాకిస్థాన్, యూఎస్ఏను ఓడించింది. కెనడాతో ఆడాల్సిన ఆఖరి మ్యాచ్ వర్షం కారణంగా ఒక్క బంతి కూడా పడకుండానే రద్దయింది. దీంతో 7 పాయింట్లతో గ్రూప్ టాపర్గా నిలిచిన టీమిండియా.. దర్జాగా సూపర్-8లోకి అడుగుపెట్టింది. ఇదే గ్రూప్ నుంచి అమెరికా కూడా నెక్స్ట్ స్టేజ్కు క్వాలిఫై అయింది. ఈ నేపథ్యంలో సూపర్-8లో భారత్ ఏయే జట్లతో తలపడబోతోందనేది ఆసక్తికరంగా మారింది.
గ్రూప్ స్టేజ్ మ్యాచ్లు ఒక రేంజ్లో సాగితే.. సూపర్-8 పోరు నెక్స్ట్ లెవల్లో సాగడం పక్కా అనే చెప్పాలి. ఎందుకంటే నాకౌట్ దశకు చేరుకోవాలంటే ఇక మీదట ప్రతి మ్యాచ్ కీలకం కానుంది. సూపర్-8లో ప్రతి జట్టు మూడు మ్యాచ్లు ఆడనుంది. అత్యధిక విజయాలు సాధించిన టీమ్స్, అలాగే నెట్ రన్రేట్ను బట్టి సెమీస్కు చేరేవి ఏదనేది తేలుతుంది. సూపర్-8లో రోహిత్ సేనను ఢీకొట్టే జట్ల మీద క్లారిటీ వచ్చింది. ఆస్ట్రేలియా, ఆఫ్ఘానిస్థాన్తో పాటు బంగ్లాదేశ్/నెదర్లాండ్స్లో ఒక టీమ్తో టీమిండియా తలపడనుంది. సూపర్-8లో భాగంగా మొదట జూన్ 20వ తేదీన ఆఫ్ఘానిస్థాన్తో తాడోపేడో తేల్చుకోనుంది భారత్. అనంతరం జూన్ 22న బంగ్లాదేశ్ లేదా నెదర్లాండ్స్తో తలపడుతుంది. ఈ స్టేజ్లో చివరగా జూన్ 24వ తేదీన ఫేవరెట్స్లో ఒకటైన ఆస్ట్రేలియాను ఢీకొట్టనుంది. ఈ మ్యాచ్లన్నీ కరీబియన్ దీవుల్లోనే జరగనున్నాయి.
బార్బడోస్, ఆంటిగ్వా, సెయింట్ లూసియాలు భారత్ ఆడే సూపర్-8 మ్యాచ్లకు ఆతిథ్యం ఇవ్వనున్నాయి. గ్రూప్ దశలో చెలరేగి ఆడిన రోహిత్ సేన.. అదే ఊపును ఇక మీదట కూడా కొనసాగిస్తే ఈజీగా నాకౌట్ స్టేజ్కు చేరుకుంటుంది. అయితే వెస్టిండీస్ పిచ్లపై నెక్స్ట్ లెవల్ గేమ్తో అలరిస్తున్న ఆస్ట్రేలియా, ఆఫ్ఘానిస్థాన్ను ఓడించడం అంత ఈజీ కాదు. అందునా బిగ్ మ్యాచెస్లో ఎలా ఆడాలనే కిటుకు తెలిసిన కంగారూలను మట్టికరిపించడం అంటే భారత్కు తలకు మించిన పనే. అయితే వన్డే వరల్డ్ కప్-2023 ఫైనల్ ఓటమికి రివేంజ్ తీర్చుకునేందుకు మెన్ ఇన్ బ్లూకు ఇదే కరెక్ట్ టైమ్. స్లో పిచ్లపై స్పిన్ అస్త్రాన్ని బయటకు తీస్తే ఆసీస్ను దెబ్బకొట్టొచ్చు. ఆస్ట్రేలియా, ఆఫ్ఘాన్తో పాటు ఒకవేళ బంగ్లాదేశ్ గనుక సూపర్-8కు చేరుకుందా.. టీమిండియాకు మరింత కఠిన సవాల్ ఎదురవుతుంది. ఏమాత్రం లైట్ తీసుకున్నా బంగ్లా, ఆఫ్ఘాన్ టీమ్స్ చెలరేగుతాయి. కాబట్టి మూడు మ్యాచుల్ని డూ ఆర్ డైగా ఆడటం ఒక్కటే రోహిత్ సేన ముందున్న ఆప్షన్ అని ఎక్స్పర్ట్స్ అంటున్నారు.
