ఆ విషయంలో రోహిత్ అనవసర రిస్క్ చేస్తున్నాడు.. ఆసీస్ లెజెండ్ వార్నింగ్!

టీ20 వరల్డ్ కప్​-2024కు అంతా సిద్ధమైంది. మరో మూడ్రోజుల్లో ప్రపంచ కప్ సంరంభం మొదలవనుంది. ఇప్పటికే టీమ్స్ అన్నీ యూఎస్​ఏకు చేరుకొని ప్రాక్టీస్ మ్యాచ్​లు కూడా ఆడేశాయి. కప్పు వేటలో ఉన్న భారత జట్టు కూడా జోరుగా సాధన చేస్తోంది. వన్డే వరల్డ్ కప్-2023ని కొద్దిలో కోల్పోయిన రోహిత్ సేన.. ఈసారి మాత్రం అస్సలు వదిలేదేలే అంటోంది. అన్ని టీమ్స్​కు ఝలక్ ఇచ్చి టైటిల్ విన్నర్​గా నిలవాలని చూస్తోంది. మెగా టోర్నీ కోసం టీమిండియా బలమైన లైనప్​తో వచ్చింది. అన్ని స్థానాలకు తీవ్ర పోటీ నెలకొంది. చాలా ఆప్షన్లు అందుబాటులో ఉండటంతో వరల్డ్ కప్​లో టీమిండియా కూర్పు ఎలా ఉంటుందనేది ఆసక్తికరంగా మారింది. రోహిత్ ఎలాంటి స్క్వాడ్​తో ముందకు వెళ్తాడనేది చూడాలి. ఈ తరుణంలో ఆస్ట్రేలియా లెజెండ్ మైకేల్ క్లార్క్ ఇంట్రెస్టింగ్ కామెంట్స్ చేశాడు.

రోహిత్ అనవసర రిస్క్ చేస్తున్నాడని క్లార్క్ అన్నాడు. కాస్త తారుమారైనా జట్టుకు ఓటములు తప్పవంటూ హెచ్చరించాడు. మెగా టోర్నీకి యూఎస్​ఏ-వెస్టిండీస్​లు ఆతిథ్యం ఇస్తున్నాయి. విండీస్​లో స్లో పిచ్​లు ఉంటాయి. దీంతో యుజ్వేంద్ర చాహల్, కుల్దీప్ యాదవ్, రవీంద్ర జడేజా, అక్షర్ పటేల్ లాంటి క్వాలిటీ స్పిన్నర్లను టీమ్​లోకి తీసుకుంది భారత్. స్లో పిచ్​లపై ప్రత్యర్థుల పని పట్టేందుకు ఈ వ్యూహంతో ముందుకు వెళ్లాలని కెప్టెన్ రోహిత్ శర్మ భావిస్తున్నాడు. అయితే యూఎస్​లో మాత్రం ఆస్ట్రేలియాలో తయారు చేసిన పిచ్​లను ఓడల ద్వారా తెప్పించారు. దీంతో అక్కడి పిచ్​లు పేస్, బౌన్స్​, స్వింగ్​కు సహకరిస్తాయనే అభిప్రాయాలు వ్యక్తం అవుతున్నాయి. టీమిండియా స్పిన్ వ్యూహం దెబ్బకొట్టే ప్రమాదం ఉందని అంటున్నారు. ఈ నేపథ్యంలోనే క్లార్క్ పైవిధంగా రియాక్ట్ అయ్యాడు.

‘వరల్డ్ కప్ స్క్వాడ్ విషయంలో టీమిండియా బిగ్ రిస్క్ చేసినట్లు అనిపిస్తోంది. ఎందుకంటే ఆ జట్టు స్పిన్​ మీద అతిగా ఆధారపడుతోంది. ప్రపంచ కప్ ఫేవరెట్లలో ఒకటైన ఆస్ట్రేలియా స్క్వాడ్ కంటే భారత స్క్వాడ్ చాలా భిన్నంగా ఉంది. కంగారూ టీమ్​లో పేస్ ఆల్​రౌండర్లు ఎక్కువగా ఉన్నారు. అయితే టీమిండియాను తక్కువ అంచనా వేయడానికి వీల్లేదు. ఆ జట్టు మెగా టోర్నీలో అందరి కంటే ఫేవరెట్​గా కనిపిస్తోంది’ అని క్లార్క్ చెప్పుకొచ్చాడు. స్పిన్ ఉచ్చుతో ప్రత్యర్థులను బెదరగొట్టాలని రోహిత్ చూస్తున్నాడని.. ఇది సక్సెస్ అవుతుందా? కాదా? అనేది కాలమే నిర్ణయిస్తుందని స్పష్టం చేశాడు. హిట్​మ్యాన్ చేస్తున్న రిస్క్ సక్సెస్ అయితే భారత్​కు తిరుగుండదని పేర్కొన్నాడు. మరి.. రోహిత్ రిస్క్ చేస్తున్నాడంటూ క్లార్క్ చేసిన వ్యాఖ్యలపై మీ ఒపీనియన్​ను కామెంట్ల రూపంలో తెలియజేయండి.

• ఇదీ చదవండి: ఆస్ట్రేలియాకు స్టార్క్ బలం అంటున్నారు.. కానీ అతడే బలహీనత: స్టార్ క్రికెటర్

Michael Clarke ” I think India has taken a risk with a squad they have picked, heavily reliant on spin,very different from Australian Squad.But India is favorite to win the T20 World Cup.”

Now Only time will tell, Rohit Sharma gamble was worth it or not.pic.twitter.com/wIOGzCbOBV

— Sujeet Suman (@sujeetsuman1991) May 30, 2024