Nidhan
జింబాబ్వే టూర్లో యంగ్ ఇండియాను లీడ్ చేస్తున్నాడు శుబ్మన్ గిల్. కెప్టెన్గా జట్టును ముందుండి నడిపిస్తున్న ఈ యంగ్ బ్యాటర్.. క్రికెట్లో తనకు వాళ్లే ఇన్స్పిరేషన్ అంటున్నాడు.
జింబాబ్వే టూర్లో యంగ్ ఇండియాను లీడ్ చేస్తున్నాడు శుబ్మన్ గిల్. కెప్టెన్గా జట్టును ముందుండి నడిపిస్తున్న ఈ యంగ్ బ్యాటర్.. క్రికెట్లో తనకు వాళ్లే ఇన్స్పిరేషన్ అంటున్నాడు.
Nidhan
జింబాబ్వే టూర్లో యంగ్ ఇండియాను లీడ్ చేస్తున్నాడు శుబ్మన్ గిల్. కెప్టెన్గా జట్టును ముందుండి నడిపిస్తున్నాడు. గత కొన్నేళ్లుగా నిలకడైన బ్యాటింగ్తో అన్ని ఫార్మాట్లలోనూ టీమ్లో కీలక ప్లేయర్గా ఎదిగాడు గిల్. అందుకే అతడికి ఈ సిరీస్లో కెప్టెన్గా అవకాశం ఇచ్చారు సెలెక్టర్లు. గిల్ సారథ్యంలో రుతురాజ్ గైక్వాడ్, అభిషేక్ శర్మ, ముఖేశ్ కుమార్, వాషింగ్టన్ సుందర్, రింకూ సింగ్, రియాన్ పరాగ్ తదితరులతో కూడిన జట్టు ఇవాళ జింబాబ్వేను ఎదుర్కోనుంది. తొలి టీ20కి హరారే మైదానం వేదిక కానుంది. ఆ తర్వాత ఇరు జట్ల మధ్య మరో నాలుగు టీ20లు జరగనున్నాయి. ఈ నేపథ్యంలో మొదటి మ్యాచ్కు ముందు కెప్టెన్ గిల్ ఇంట్రెస్టింగ్ కామెంట్స్ చేశాడు. అభిషేక్ శర్మతో కలసి తాను ఇన్నింగ్స్ను స్టార్ట్ చేస్తానని అన్నాడు.
అభిషేక్తో కలసి తాను ఓపెనింగ్ చేస్తానన్న గిల్.. రుతురాజ్ కీలకమైన ఫస్ట్ డౌన్లో బ్యాటింగ్కు దిగుతాడని అన్నాడు. ఈ సందర్భంగా క్రికెట్లో తనకు ఎవరు బాగా ఇష్టమో చెప్పాడు. రోహిత్ శర్మ, విరాట్ కోహ్లీ తన ఫేవరెట్ ప్లేయర్స్ అని తెలిపాడు. వాళ్లిద్దరూ తనకు రోల్ మోడల్స్ అని పేర్కొన్నాడు గిల్. ఆ ఇద్దరి ఇన్స్పిరేషన్తో కెరీర్లో ముందుకు వెళ్లాలని అనుకుంటున్నానని చెప్పుకొచ్చాడు. రోహిత్-విరాట్ భారత్ క్రికెట్కు మూలస్తంభాలని, వాళ్లిద్దరూ లెజెండ్స్ అని మెచ్చుకున్నాడు. టీ20 క్రికెట్లో వాళ్లలా ఆడటం అసాధ్యమన్నాడు గిల్. వాళ్లలా బ్యాటింగ్లో మ్యాజిక్ చేయడం ఇంపాజిబుల్ అన్నాడు. అయితే వాళ్లు చూపిన మార్గంలో నడుస్తానని వ్యాఖ్యానించాడు.
సీనియర్ల గైర్హాజరీలో టీమ్పై ఉండే ప్రెజర్ మీద గిల్ రియాక్ట్ అయ్యాడు. భారత జట్టుపై అభిమానులు ఎల్లప్పుడూ భారీగా ఎక్స్పెక్టేషన్స్ పెట్టుకుంటారని తెలిపాడు. అంచనాలతో పాటు టీమ్పై ఒత్తిడి కూడా ఉంటుందన్నాడు. కానీ ఈ ప్రెజర్ను చిత్తు చేయడం ఎలాగో రోహిత్, కోహ్లీ నేర్పించారని.. వాళ్లు చూపిన తోవలో నడుస్తూ ఒత్తిడిని అధిగమించేందుకు ప్రయత్నిస్తానని గిల్ స్పష్టం చేశాడు. ప్రతి ప్లేయర్కు తనకంటూ కొన్ని వ్యక్తిగత లక్ష్యాలు ఉంటాయని, అవే అతడిపై ఒత్తిడిని పెంచుతాయన్నాడు యంగ్ ఇండియా కెప్టెన్. రోహిత్, కోహ్లీ లాంటి లెజెండ్స్ సాధించిన ఘనతలు, విజయాలను అందుకునే క్రమంలో అనుకోకుండానే టీమ్ మీద ప్రెజర్ పడుతుందన్నాడు గిల్. మరి.. రోహిత్-కోహ్లీ స్ఫూర్తిగా ముందుకెళ్తానంటూ శుబ్మన్ చేసిన వ్యాఖ్యలపై మీ ఒపీనియన్ను కామెంట్ చేయండి.
Shubman Gill ” Virat Kohli and Rohit Sharma are my idols.They are the legends of Indian Cricket. Replicating their magic in T20 is near impossible.”pic.twitter.com/XN8fb8kPL2
— Sujeet Suman (@sujeetsuman1991) July 6, 2024
