Rohit Sharma: రోహిత్​పై యువీ షాకింగ్ కామెంట్స్.. గ్రేట్ కెప్టెనే కానీ..!

భారత కెప్టెన్ రోహిత్ శర్మ గురించి స్పెషల్​గా చెప్పాల్సిన పని లేదు. ఒక ఆటగాడి, సారథిగా సాధించిన విజయాలు, సృష్టించిన రికార్డులే అతడు ఏంటనేది చెబుతాయి. ఓపెనర్​గా ధనాధన్ ఇన్నింగ్స్​లు ఆడుతూ టీమిండియాకు సూపర్బ్ స్టార్ట్స్​ అందిస్తున్నాడు. హిట్​మ్యాన్ క్రీజులో సెటిల్ అయ్యాడా అవతలి జట్టు పనైపోయినట్లే. బ్యాట్ చేత పడితే అపోజిషన్ టీమ్ బౌలర్లను ఉతికి ఆరేసే రోహిత్.. కెప్టెన్సీలోనూ తనదైన మార్క్​ చూయిస్తున్నాడు. టీమిండియాను సక్సెస్​ఫుల్​గా నడిపిస్తూ అత్యుత్తమ సారథుల్లో ఒకడిగా పేరు తెచ్చుకుంటున్నాడు. అయితే ఒక్క ఐసీసీ ట్రోఫీ కూడా భారత్​కు అందివ్వలేదనే అపప్రద మాత్రం పోవట్లేదు. వరల్డ్ టెస్ట్ సిరీస్​తో పాటు వన్డే వరల్డ్ కప్​ ఫైనల్​కు టీమ్​కు చేర్చినా కప్పు కల మాత్రం తీర్చలేదు. దీంతో రోహిత్​ బెస్ట్ కెప్టెన్ కాదని కొందరు విమర్శకులు అంటున్నారు. తాజాగా ఈ విషయంపై లెజెండరీ ఆల్​రౌండర్ యువరాజ్ సింగ్ తనదైన శైలిలో రియాక్ట్ అయ్యాడు.

రోహిత్ శర్మ ముమ్మాటికీ గ్రేట్ కెప్టెన్ అని యువరాజ్ సింగ్ అన్నాడు. వరల్డ్ కప్​ ఫైనల్​లో టీమిండియా ఓడినా గానీ అతడు బెస్ట్ కెప్టెనే అని చెప్పాడు. అతడు ముంబై ఇండియన్స్​కు 5 ట్రోఫీలు అందించాడని తెలిపాడు. భారత జట్టును ప్రపంచ కప్​లో ఫైనల్స్​కు చేర్చాడన్నాడు. ఐపీఎల్​తో పాటు టీమిండియా క్రికెట్ హిస్టరీలో అత్యుత్తమ సారథుల్లో హిట్​మ్యాన్ ఒకడని యువరాజ్ మెచ్చుకున్నాడు. రోహిత్ అద్భుతంగా ఆడుతున్నాడని.. అయితే అతడి వర్క్ లోడ్ విషయంలో జాగ్రత్తగా ఉండాలన్నాడు. హిట్​మ్యాన్​కు పని భారం తగ్గించేందుకు ప్రయత్నించాలన్నాడు. మూడు ఫార్మాట్లలోనూ ఆడుతున్నారంటే వర్క్ లోడ్​ను మేనేజ్ చేయక తప్పదని పేర్కొన్నాడు యువీ. 14 నెలల గ్యాప్ తర్వాత రోహిత్, విరాట్ కోహ్లీ మళ్లీ టీ20ల్లోకి ఎంట్రీ ఇస్తుండటం శుభపరిణామమని తెలిపాడు.

స్టార్ ఆల్​రౌండర్ హార్దిక్ పాండ్యా గాయం గురించి తనకేమీ తెలియదన్నాడు యువరాజ్. అతడి సిచ్యువేషన్ ఎలా ఉందో తనకు ఐడియా లేదన్నాడు. అతడి ఫిట్​నెస్​ విషయాన్ని బీసీసీఐ చూసుకుంటుందని చెప్పాడు. ముంబై ఇండియన్స్​కు హార్దిక్ ఆడినప్పుడు అతడి నుంచి బెస్ట్ గేమ్​ను రోహిత్ రాబట్టుకున్నాడని యువీ చెప్పుకొచ్చాడు. ముఖ్యంగా బౌలింగ్ వర్క్ లోడ్​ను హిట్​మ్యాన్ మేనేజ్ చేసే తీరు సూపర్ అని ప్రశంసించాడు. పాండ్యా బ్యాట్​తో అద్భుతంగా రాణిస్తాడని.. ఆఖర్లో వచ్చి ఫినిష్ చేయడం మంచి విషయమన్నాడు యువీ. ఏ టీమ్​లో అయినా ఆటగాళ్లు అందరూ కలసికట్టుగా ఆడితే ఇగో సమస్య ఉండదన్నాడు. మరి.. గ్రేటెస్ట్ కెప్టెన్లలో రోహిత్ ఒకడని యువరాజ్ చేసిన వ్యాఖ్యలపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: వీడియో: కళ్లు చెదిరే క్యాచ్ పట్టిన డుప్లెసిప్.. ఈ ఏజ్​లో ఎలా పాజిబుల్ బ్రో!

Yuvraj Singh said “Rohit Sharma is a great captain, he has won 5 IPL trophies, he took us into final, he is one of the great captains ever in IPL & India”. pic.twitter.com/yy2NDVdKVT

— Immy|| 🇮🇳 (@TotallyImro45) January 13, 2024