Nidhan
ఆస్ట్రేలియా లెజెండ్ రికీ పాంటింగ్ ప్లేయర్గా క్రికెట్కు గుడ్బై చెప్పినా.. కోచ్గా మాత్రం ఆటకు సన్నిహితంగానే ఉంటున్నాడు. అలాంటోడు తాజాగా ఆసక్తికర వ్యాఖ్యలు చేశాడు.
ఆస్ట్రేలియా లెజెండ్ రికీ పాంటింగ్ ప్లేయర్గా క్రికెట్కు గుడ్బై చెప్పినా.. కోచ్గా మాత్రం ఆటకు సన్నిహితంగానే ఉంటున్నాడు. అలాంటోడు తాజాగా ఆసక్తికర వ్యాఖ్యలు చేశాడు.
Nidhan
రికీ పాంటింగ్.. ఆస్ట్రేలియా నుంచి వచ్చిన బెస్ట్ క్రికెటర్స్లో ఒకడు. బ్యాటర్గా పరుగుల వరద పారించి అన్ని టీమ్స్ను భయపెట్టిన ప్లేయర్. బ్యాట్స్మెన్గా కంటే కెప్టెన్గానే అతడు చాలా ఫేమస్. స్టీవ్వా తర్వాత కెప్టెన్సీ పగ్గాలు చేపట్టి టీమ్ను సక్సెస్ఫుల్గా నడిపించాడు. కంగారూలకు వరుస వరల్డ్ కప్లు అందించడమే గాక అన్ని ఫార్మాట్లలోనూ తిరుగులేని టీమ్గా నిలబెట్టాడు. అతడి నాయకత్వంలో ఆసీస్ది గోల్డెన్ ఎరా నడిచింది. ఆ తర్వాత కూడా ఆ జట్టు అదే దూకుడును కొనసాగిస్తూ వస్తోంది. క్రికెట్ నుంచి రిటైర్మెంట్ తీసుకున్నా గేమ్తో అనుబంధాన్ని మాత్రం పాంటింగ్ వీడలేదు. ఏదో ఒక టీమ్కు కోచింగ్ ఇస్తూ ఆటతో రిలేషన్ను కంటిన్యూ చేస్తున్నాడు.
ఇండియన్ ప్రీమియర్ లీగ్లో ఢిల్లీ క్యాపిటల్స్కు ఏడు సీజన్లు హెడ్ కోచ్గా ఉన్నాడు పాంటింగ్. ఆ టీమ్ను సక్సెస్ఫుల్గా వెనుక నుంచి నడిపించాడు. శ్రేయస్ అయ్యర్, రిషబ్ పంత్, కుల్దీప్ యాదవ్ లాంటి ఆటగాళ్లు స్టార్లుగా మారడంలో అతడికి క్రెడిట్ ఇవ్వాల్సిందే. అయితే గత రెండు సీజన్లలో టీమ్ ఫెయిల్ అవడంతో మెగా ఆక్షన్కు ముందు పాంటింగ్కు గుడ్బై చెప్పింది డీసీ. అతడి స్థానంలో నయా కోచ్ కోసం అన్వేషిస్తోంది. దీంతో పాంటింగ్ భవిష్యత్తు అయోమయంలో పడింది. ఈ తరుణంలో ఇంగ్లండ్ వైట్ బాల్ టీమ్కు కోచ్గా ఈ దిగ్గజం పేరు వినిపిస్తోంది. దీనిపై అతడు రియాక్ట్ అయ్యాడు. చచ్చినా ఆ జట్టుకు కోచింగ్ ఇవ్వనని స్పష్టం చేశాడు పాంటింగ్.
ఇంగ్లండ్కే కాదు.. ప్రస్తుత పరిస్థితుల్లో ఏ ఇతర అంతర్జాతీయ జట్టుకు కోచింగ్ ఇవ్వడం కుదరదన్నాడు పాంటింగ్. ఇంగ్లీష్ టీమ్కు ఆస్ట్రేలియన్ కోచింగ్ ఇవ్వడం అనేది చాలా డిఫరెంట్ ఇష్యూ అన్నాడు. ఇంటర్నేషనల్ టీమ్కు కోచ్గా ఉంటే చాలా సమయం జాబ్లోనే వెళ్లిపోతుందని.. ఫ్యామిలీకి టైమ్ కేటాయించడం కుదరదన్నాడు ఆసీస్ లెజెండ్. టీవీ ఛానళ్లలో కామెంట్రీ కమిట్మెంట్స్తో బిజీగా ఉన్నానని తెలిపాడు. ఇంటర్నేషనల్ క్రికెట్ ఆడుతూ తన కుటుంబ సభ్యులతో ఎక్కువ సమయం గడపలేకపోయానని.. అందుకే ఇప్పుడు ప్రొఫెషనల్ వర్క్ తగ్గించుకొని పర్సనల్ లైఫ్ మీద ఫోకస్ చేస్తున్నానని పేర్కొన్నాడు పాంటింగ్. కాగా, మ్యాథ్యూ మ్యాట్ రాజీనామా చేయడంతో వైట్ బాల్ క్రికెట్కు కొత్త కోచ్ కోసం అన్వేషిస్తోంది ఇంగ్లండ్ బోర్డు. ఈ లిస్ట్లో ఫ్లింటాఫ్ సహా సంగక్కర, ఆండీ ఫ్లవర్ పేర్లు వినిపించాయి. పాంటింగ్ పేరు కూడా వార్తల్లో నలిగింది. అందుకే అతడు క్లారిటీ ఇచ్చాడు.
Ricky Ponting rules out the possibility of being England’s white-ball coach.#RickyPonting #EnglandCricket #ICC #Insidesport #crickettwitter pic.twitter.com/LaZNJBoGqu
— InsideSport (@InsideSportIND) August 9, 2024
